लघुकथा : दिवस

डा. बच्चु कैलाश कैनी


शनिबार राति ढिलो भयो सुत्न । अंग्रेजी ’न्यू ईयर इभ’ मनाउंदा मनाउंदै कति बेला रातको दुई बजेछ थाहा नै भएन । आजकल काठमाण्डुमा ’न्यू ईयर इभ’ को दिन रातको बाह्र बजेसम्म धेरै जागा बसेका हुन्छन । मलाई पनि खूब मन पर्छ ठमेल र दरबारमार्ग वरिपरि घुम्न र उक्त दिनको रात्रिकालीन समयको मजा लिन । त्यसैले म पनि उतै बरालिएको थिए ।


मध्य पुसमा काठमाण्डुको जाडो । काठमाण्डुको चिसोमा हार्ड ड्रिंक नभई तात्ने कुरा पनि भएन । मैले पनि साथीसँग विदेशी हार्ड ड्रिंक लिएको थिए । त्यसले मलाई थप रौनक र ऊर्जा दिएको थियो ।

मेरो साथी प्रकाश र म भेट नभएको धेरै भएको थियो । हामी फोनमा धेरै नै कुरा गर्छौ । तर उ नोकरीको सिलसिलामा काठमाण्डु बाहिर बस्नु पर्ने भएकोले भेट गर्ने अवसर नजुटेको झन्डै एक बर्ष भन्दा बढी नै भएको रहेछ । त्यसैले हामीले अंग्रेजी नयां बर्षको ’न्यू ईयर इभ’ लाई नै भेट्ने राम्रो अवसरको रुपमा लिएका थियौ ।

 

उसको बानी पनि निकै रमाइलो गर्नुपर्ने खालको छ । हार्ड ड्रिंक, मोजमस्ती, नाचगान आदि उसको जिन्दगीको एउटा हिस्सा नै हुन । मेरो त झन के कुरा गर्नु मलाई त सिर्फ बाहना मात्रै चाहिन्छ । उमेर अधबैशे भए पनि रमाइलो गर्ने मामलामा म टीनएजर जस्तै छु ।

 

प्रकाश र मेरो मिल्ने थप बिशेषता के भने हामी दुबै जना सरकारी जागिर खान्छौ र दुबै जना सामजिक सञ्जालमा उत्तिकै सक्रिय छौ । म जस्तै उ पनि फेसबुकको स्टाटस लेख्न र फोटो अपलोड गर्न उत्तिकै माहिर छ ।

 

’न्यू ईयर इभ’ को रातको रमाइलोपछि हामी आआफ्नो घर जानु भन्दा पहिले प्रकाशले एउटा फोटो खिच्ने इच्छा जाहेर गर्यो । मेरो परम मित्रको आग्रहलाई मैले नाईं भन्ने कुरा नै भएन । मैले एक क्लिक गर्ने जमर्को के गर्दै थिए, उसले मलाई पख् पख् भन्यो र खल्तिबाट ढाका टोपी निकाल्यो । टोपी मिलाउंदै उसले मुस्कान छोड्यो । मैले पनि उसको त्यो क्षण क्यामेरामा कैद गरें ।

 

त्यति मात्रै कहँं हो र ? उसले मलाई पनि ढाका टोपी लगाउन र मेरो पनि एउटा तस्बिर खिच्न अनुरोध गर्यो । म पनि के कम, मैले पनि उसले भने जस्तै गरें । उसले मेरो ढाका टोपी सहितको एउटा तस्बिर खिच्यो र भन्यो, ’भोलि ढाका टोपी दिवस’ हामी दुईको तस्बिर फेसबुकमा छाउने भयो ।’ मैले भनें, ’आखिर हामीलाई अंग्रेजी होस वा नेपाली, दिवस मनाउनु र फेसबुकमा तस्बिर हाल्नुसंग मतलब छ ।’ उसले पनि स्वरमा स्वर मिलायो र भन्यो, ’अंग्रेजी नयां  बर्ष पनि दिवस, ढाका टोपी दिवस पनि दिवस ।’

 

नभन्दै आइतबारको फेसबुकमा हामी दुईले दुबै दिवस मनाएको तस्बिरहरू सार्वजनिक भएका छन र ती तस्बिरहरूमा लाइक र कमेंट गर्नेको कुनै कमी छैन । आखिर म र प्रकाश जस्तै सामजिक सञ्जालमा छाउने, एकछिन अघि अंग्रेजी नयां बर्षमा रमाउने र तत्कालै आफूलाई ढाका टोपीमा सजाई खाट्टी नेपालीमा रूपान्तरित गराउने समाजको कमि कहँं छ र ?



    Your Comment

    थप समाचार

    नयां नेतृत्व चुन्दै नेपाली साहित्य विकास परिषद बेलायत , अधिवेसन मे १३ मा

    • 13 minutes ago
    नयां नेतृत्व चुन्दै नेपाली साहित्य विकास परिषद बेलायत , अधिवेसन मे १३ मा

    मे १३ तारिख आइतबार लण्डनको एक्टनस्थित एबिआई कलेजमा परिषदको अधिवेसन हुंदैछ । अधिवेसनबाट संस्थाको नयां नेतृत्व चयन गर्न कृष्ण भट्टको संयोजकत्वमा निर्वाचन समिति गठन गरिएको छ ।

    महारानी एलिजावेथपछि युवराज चार्ल्स कमनवेल्थ प्रमुख बन्ने

    • 49 minutes ago
    महारानी एलिजावेथपछि युवराज चार्ल्स कमनवेल्थ प्रमुख बन्ने

    कमलनवेल्थ अन्तर्गतका ५३ मुलुकहरुको यो नेटवर्कको प्रमुखमा अहिले बेलायती महारानी एलिजावेथ द्धितिया छन् । महारानी स्वयमले पनि आफ्नो यो जिम्मेवारी आफुपछि युवराज चार्ल्सलाई नै दिने ईच्छा जाहेर गरेको बताइएक

    बेलायत नेपाल प्रज्ञा परिषद अध्यक्षमा डा. अधिकारी निर्वाचित

    • 1 hour ago
    बेलायत नेपाल प्रज्ञा परिषद अध्यक्षमा डा. अधिकारी निर्वाचित

    परिषदको हालै सम्पन्न निर्वाचनबाट आगामी ४ बर्षको लागि डा. अधिकारीको नेतृत्वमा तीन जना मुख्य कार्यकारी पदाधिकारीहरूको निर्विरोध चयन भएको हो । 


    Loading...
    The British College

    भिडियो

    hamropatro

    जीवनशैली

    अम्बानीकी छोरी : यति सानै उमेरमा ४ करोड भन्दा बढी कमाउँछिन्

    अम्बानीकी छोरी : यति सानै उमेरमा ४ करोड भन्दा बढी कमाउँछिन्

    एजेन्सी । रिलायन्स र जियोको बोर्ड मिटिङमा आफ्नो दमदार प्रस्तुती दिएकी एसियाकै धनि मुकेश अम्बानीकी छोरी ईशा अम्बानी छिट्टै बलिउडमा देखिने भएकी छिन् । उनी फिल्म प्रोड्युसरको रुपमा बलिउडमा प्रवेश गर्न लागेकी हुन् ।

    विचित्र विश्व

    २७ वर्ष काटेपछि बुढीकन्ये !

    २७ वर्ष काटेपछि बुढीकन्ये !

    एजेन्सी । २७ वर्षभन्दा उमेर कटेका युवतीलाई चिनीयाँ समाजमा ‘बुढी कन्या’ भनेर हैरान पार्छ । समयमै विवाह गर्नुपर्ने राय बाड्ने यहाँको समाज उमेर उकालो लाग्ने बित्तिकै छानेर छाडिएकी वा कुनै गम्भिर समस्या भएकी भन्नेसम्म शंका गर्छ ।