पशुपालनमा करिब चार अर्ब लगानी

  • आइतबार, ६ चैत, २०७३
  • 2 months ago
  • अर्थ

म्याग्दी, चैत ६ । म्याग्दीका किसानले व्यावसायिक पशुपालनका लागि तीन अर्बभन्दा बढी लगानी गरेका छन् ।

 

किसानले व्यावसायिक रुपमा गाईभैँसी र भेडाबाख्रापालन गर्न तीन अर्ब ६८ करोड ४१ लाख ६६ हजार लगानी गरेको जिल्ला पशु सेवा कार्यालयले जनाएको छ । कार्यालयले हालै सार्वजनिक गरेको तथ्याङ्कअनुसार जिल्लाभर ९२ गाईभैँसी र दुई सय ८७ वटा भेडाबाख्रा फार्म रहेका छन् ।

 

कार्यालय र सेवा केन्द्रका प्रविधिज्ञले स्थलगतरुपमा सङ्कलन गरेको विवरणअनुसार पशुधन र पूर्वाधारतर्फ उक्त लगानी भएको पशु सेवा प्रविधिज्ञ डिल्लीराम रेग्मीले जानकारी दिए । तीन अर्ब ४४ करोड ८६ लाख ६६ हजार पशुधन रहेका व्यावसायिक फार्म सञ्चालनका लागि पूर्वाधार तयार गर्न न्यूनतम २३ करोड ५५ लाख लगानी भएको हो ।

 

व्यावसायिक र व्यवस्थित बन्दै गएको म्याग्दीको पशुपालन क्षेत्रमा उद्योग–व्यवसायको तुलनामा धेरै पुँजी लगानी भएको रेग्मीले बताए । व्यावसायिक पशुपालनको माध्यमबाट एक हजार पाँच सयजनाले रोजगारी पाएका छन् । म्याग्दीमा दूध उत्पादनका लागि दुई सय ९६ भैँसी, पाँच सय ७२ गाई तथा आठ हजार चार सय ८६ बाख्रा र १२ हजार चार सय ८० भेडा मासु उत्पादनका लागि व्यावसायिक रुपमा पालिएका छन् । जिल्लाभर व्यावसायिक बाख्रा फार्मको सङ्ख्या एक सय ५९ वटा छ । साठी वटा भेडाबाख्राको संयुक्त फार्म रहेको छ । दूध उत्पादनका लागि स्थानीय लिमे, पारकोट, उन्नत मुर्रा तथा वर्णशङ्कर जातका भैँसी पालिएको छ । किसानले स्थानीय, जर्सी र होलस्ट्यान जातका गाईपालन गरेका छन् ।

 

यसैगरी खरी, जमुनापारि, बोयर, बारबरी, सिनाललगायत बाख्रा र भ्याङ्लुङ तथा बरुवाल जातका भेडा मासु उत्पादनका लागि पालिएको छ । सदरमुकाम आसपासका क्षेत्रमा दुग्ध उत्पादनका लागि गाईभैँसी तथा ग्रामीण र लेकाली क्षेत्रमा भेडाबाख्रापालन भएको छ ।

 

बीसभन्दा बढी भेडाबाख्रा पाल्ने र पाँचभन्दा बढी गाईभँैसी पाल्ने किसानलाई व्यावसायिक मान्ने गरिएको छ । बजारको राम्रो सम्भावना, छिटो आम्दानी गर्न सकिने, परम्परागत सीपमा आधारित, घाँस तथा आहाराको आपूर्ति राम्रो, पर्याप्त वनजङ्गल र चरन क्षेत्र भएकाले म्याग्दीमा व्यावसायिक पशुपालनको राम्रो सम्भावना रहेको वरिष्ठ पशु चिकित्सक मनबहादुर पुनले बताए । रासस



Your Comment

Related Post

जलविद्युतमा हालसम्म दुई अर्ब ४३ करोड बढीको लगानी प्रतिवद्धता

  • 4 months ago
जलविद्युतमा हालसम्म दुई अर्ब ४३ करोड बढीको लगानी प्रतिवद्धता

काठमाडौँ, ८ माघ । ऊर्जा मन्त्रालयले अभियानका रुपमा सुरु गरेको ‘नेपालको पानी जनताको लगानी’ शीर्षकमा हालसम्म दुई अर्ब ४३ करोड २९ लाख ४५ हजार ९४३ बराबरको प्रति

ब्रिटिस भर्जिन आइल्यान्डको नेपालमा आठ अर्ब लगानी

  • 11 months ago
ब्रिटिस भर्जिन आइल्यान्डको नेपालमा आठ अर्ब लगानी

काठमाडौँ । ब्रिटिस भर्जिन आइल्यान्डका १४ उद्योगले नेपालका विभिन्न क्षेत्रमा सात अर्ब ९६ करोड ७० लाख लगानी गर्ने भएका छन् ।  

अव विश्वको जुनसुकै कुनामा बसेर पनि नेपालको जलविद्युतमा लगानी गर्न सकिने, यस्तो छ प्रक्रिया

  • 4 months ago
अव विश्वको जुनसुकै कुनामा बसेर पनि नेपालको जलविद्युतमा लगानी गर्न सकिने, यस्तो छ प्रक्रिया

काठमाडौँ, २५ पुस । मुलुकको जलविद्युत् क्षेत्रमा लगानी गर्दै हुनुहुन्छ, अब तपाईंलाई लाइनमा बस्ने झन्झट हुने छैन । लगानीकर्ताले सहज रुपमा नै घरमा बसेर नै आफूले के कति रकम जलविद्युत्मा लगानी गर्ने हो सोक


भिडियो


Loading...
hamropatro


जीवनशैली

वृद्धहरुले धेरै औषधि प्रयोग गर्दा हुन्छ यस्तो असर

वृद्धहरुले धेरै औषधि प्रयोग गर्दा हुन्छ यस्तो असर

एजेन्सी–वैज्ञानिकहरुले गरेको एक अध्ययनले दैनिक ५ वटाभन्दा बढी औषधिको चक्की लिनुले वृद्धहरुलाई झन् कमजोर बनाउने निष्कर्ष निकालेको छ । वैज्ञानिकहरुका अनुसार बढ्दो उमेरका साथै अधिक औषधि सेवनले कार्य गर्ने क्षमतामा प्रभावित पार्छ ।

विचित्र विश्व

यो हो विश्वकै सबैभन्दा ठुलो भान्छा

यो हो विश्वकै सबैभन्दा ठुलो भान्छा

एजेन्सी–विश्वको सबैभन्दा ठुलो भान्छा कहाँ रहेको छ ? सायद यसबारे कमै मानिसहरुले ध्यान दिने गर्छन् । तर भारतमा यस्ता धेरै ठुला भान्छाहरु रहेका छन् जसमा दिनहुँ लाखौ मानिसहरुले भोजन गर्ने गर्छन् ।