‘मिलीजुली’ मेरो दोस्रो सन्तान हो

काठमाडौं, जेठ ३ । लिम्बू समुदायबाट साहित्य लेखनमा सक्रिय रहने महिला लेखक दुई जना मात्रै छन् । त्यसमध्ये एक हुन् शान्ति लिम्बू । शान्तिको पहिलो उपन्यास ‘मिलीजुली’ गत साता सार्वजनिक भयो । लामो समयदेखि बेलायत बस्दैआएकी शान्तिले उतै बसेर तयार पारेको आफ्नो कृति नेपाल आएरै सार्वजनिक गरिन् । आफ्नो उपन्यासमा उनले पारु नामकी महिला पात्रको जीवन संघर्षलाई कलात्मक ढंगले उतारेकी छिन् । उनैसँग नेपालीपत्रले गरेको कुराकानी :

 

पुस्तक सार्वजनिक भएपछि कस्ता प्रतिक्रिया आए ?

 

नेपाल र बेलायतबाट धेरै साथी, सुभचिन्तकहरुले राम्रो प्रतिक्रिया दिनुभएको छ । उहाँहरुको हौसलाले मलाई निकै उत्साही बनाएको छ । साथै थप जिम्मेवारी पनि बढेको महसुश हुन थाल्यो ।

 

पहिले जसरी लेख्थेँ, अब झन गम्भीर भएर, समाजका धेरै पक्ष खोजेर लेख्नुपर्छ भन्ने लागेको छ । साथै सामाजिक संजालमा र फोनमै आएका सकारात्मक प्रतिक्रियाले मलाई लेखनमा अझै सक्रिय हुने उर्जा पनि मिलेको छ ।

 

 

‘मिलीजुली’ मा तपाईँले उठाएका सामाजिक पक्षमध्ये तपाईँ आफैँलाई छोएको कुन पाटो हो ?

मैले आफ्नो उपन्यासमा एकल महिलाको जीवन संघर्ष उतार्ने कोसिस गरेको छु । उक्त पात्रलाई मैले कमजोर रुपमा प्रस्तुत नगरेर एक साहसी महिलाको रुपमा उभ्याएको छु ।

 

हाम्रो लिम्बू समुदायमा पनि यस्ता थुप्रै साहसी महिला छन् । जसले हिम्मत हार्दैनन् । म आफैँ पनि महिला भएकाले उक्त पात्रको भुमिकामाथि न्याय गर्न सकेँ भन्ने लागेको छ ।

 

साहित्य लेख्नका लागि तपाईँलाई के कुराले प्रेरित गर्यो ?

नेपाली साहित्यमा महिला लेखक कम छन् । म हुर्केको लिम्बू समुदायमा त निरन्तर लेख्ने महिलाहरु ‘टर्च’ बालेरै खोज्नुपर्छ । मेरो सानैदेखि साहित्यमा रुची भएकाले पनि होला, हाम्रो समुदायका महिलाहरु पनि लेखनमा लागिदिएको भए हाम्रो लागि आज झन धेरै प्रेरणा मिल्थ्यो होला । म आफैँ पनि यसमा किन नलाग्ने भन्ने कुराले छोएपछि नेपाली साहित्यमा मेरो तर्फबाट पनि एउटा ईटा थपियोस् भन्ने लाग्यो ।

 

यो पुस्तक ‘मिलीजुली’ तयार पार्दासम्म कस्ता कठिनाइ आए ?

सन् २०१२ देखि लेख्न थालेको यो उपन्यास ५ बर्षमा तयार भयो । यस बीचमा साना झन्झट त थुप्रै भोग्नुपर्यो । ति सबै यहाँ उल्लेख गर्नु सम्भव पनि छैन । आफ्ना ब्यक्तिगत जिम्मेवारी पनि सँगै अघि बढाउनुपर्ने भएकाले समय व्यावस्थापन गर्न निकै जटिल भयो । त्यही कारण पनि पुस्तक तयार पार्न नै धेरै समय लाग्यो ।

 

तर यति लामो समय लगाएर पुस्तक तयार पार्दा आफ्नै पुस्तकप्रति एक किसिमको प्रेम हुँदोरहेछ । छुट्टै किसिमको सामिप्य हुँदोरहेछ । लाग्दैछ, मेरी एक्ली छोरीपछि जन्माएको यो पुस्तक चाहीँ दोस्रो सन्तान हो ।

 

 

अर्को पुस्तक लेख्ने विषयमा केही सोच्नु भएको छ की छैन ?

अवस्य लेख्नेछु । केही समयपछि नै अर्को पुस्तकको तयारीमा लाग्नेछु ।

 



Your Comment

थप समाचार

महारानी एलिजावेथपछि युवराज चार्ल्स कमनवेल्थ प्रमुख बन्ने

  • 36 minutes ago
महारानी एलिजावेथपछि युवराज चार्ल्स कमनवेल्थ प्रमुख बन्ने

कमलनवेल्थ अन्तर्गतका ५३ मुलुकहरुको यो नेटवर्कको प्रमुखमा अहिले बेलायती महारानी एलिजावेथ द्धितिया छन् । महारानी स्वयमले पनि आफ्नो यो जिम्मेवारी आफुपछि युवराज चार्ल्सलाई नै दिने ईच्छा जाहेर गरेको बताइएक

बेलायत नेपाल प्रज्ञा परिषद अध्यक्षमा डा. अधिकारी निर्वाचित

  • 1 hour ago
बेलायत नेपाल प्रज्ञा परिषद अध्यक्षमा डा. अधिकारी निर्वाचित

परिषदको हालै सम्पन्न निर्वाचनबाट आगामी ४ बर्षको लागि डा. अधिकारीको नेतृत्वमा तीन जना मुख्य कार्यकारी पदाधिकारीहरूको निर्विरोध चयन भएको हो । 

ठूलाे मात्रामा अमेरिकी डलरसहित सुन्धारामा १ जना पक्राउ

  • 1 hour ago
ठूलाे मात्रामा अमेरिकी डलरसहित सुन्धारामा १ जना पक्राउ

काठमाडौँ । नेपाल प्रहरीले ठूलो मात्रामा अमेरिकी डलर सहित एक जनालाई पक्राउ गरेको छ ।


Loading...
The British College

भिडियो

hamropatro

जीवनशैली

अम्बानीकी छोरी : यति सानै उमेरमा ४ करोड भन्दा बढी कमाउँछिन्

अम्बानीकी छोरी : यति सानै उमेरमा ४ करोड भन्दा बढी कमाउँछिन्

एजेन्सी । रिलायन्स र जियोको बोर्ड मिटिङमा आफ्नो दमदार प्रस्तुती दिएकी एसियाकै धनि मुकेश अम्बानीकी छोरी ईशा अम्बानी छिट्टै बलिउडमा देखिने भएकी छिन् । उनी फिल्म प्रोड्युसरको रुपमा बलिउडमा प्रवेश गर्न लागेकी हुन् ।

विचित्र विश्व

२७ वर्ष काटेपछि बुढीकन्ये !

२७ वर्ष काटेपछि बुढीकन्ये !

एजेन्सी । २७ वर्षभन्दा उमेर कटेका युवतीलाई चिनीयाँ समाजमा ‘बुढी कन्या’ भनेर हैरान पार्छ । समयमै विवाह गर्नुपर्ने राय बाड्ने यहाँको समाज उमेर उकालो लाग्ने बित्तिकै छानेर छाडिएकी वा कुनै गम्भिर समस्या भएकी भन्नेसम्म शंका गर्छ ।