वृद्धवृद्धालाई १२ हजार रुपैयाँ महानगर भत्ता दिन्छौं

नेकपा एमालेले काठमाडौं महानगरपालिकामा नेकपा एमाले काठमाडौं जिल्ला कमिटीका सचिव विद्यासुन्दर शाक्यलाई उम्मेदवार बनाएको छ । पार्टीमा करीब आधा दर्जन उम्मेदवारका आकांक्षीमध्ये शाक्यले मेयरको टिकटमा बाजी मारे । उनै शाक्यसँग महानगरको विकास र समृद्धीका योजनाबारे नेपालीपत्रले गरेको कुराकानी :

 

एमालेबाट काठमाडौं महानगरमा मेयरको उम्मेदवार दौड तपाईंले जित्नुभयो । धेरै जना आकांक्षीहरुमध्ये पार्टीले तपाईलाई नै काठमाडौंको मेयरमा उठाउनुको कारण के हो ?


अहिले म काठमाडौं जिल्ला कमिटीको सचिव छु । साविकको ३५ वटा र हालको ३२ वटा वडा सबैमा पार्टीको सञ्जाल फैलिएको छ र तलको सबै कमिटीमा मेरो राम्रो पहँुच पनि छ । सिङ्गो जिल्ला कमिटीले एकै स्वरमा अघि बढाएको र जनआधार पनि राम्रो भएको कारण पार्टीले विश्वास गरेको हो । त्यसमा पनि दुई पटक जनप्रतिनिधि भैसकेको र अहिले पनि महानगरमा दलिय संयन्त्रको प्रतिनिधि भएको हुनाले महानगरको काममा अभ्यस्त भएकाले पार्टीले मलाई विश्वास गरेर अगाडी बढाएको हो ।

 

तपाईंले उम्मेदवारको टिकट पाएपछि पार्टीभित्रका अरु आकांक्षीका प्रतिक्रिया कस्तो पाउनुभयो ?


मलाई सबैले शुभकामना दिइसकेका छन् । हिजो उम्मेद्वारी दर्ता गर्न जाँदा सबै नेताहरु सँगै हुनुहुन्थ्यो । आकांक्षी रहेका केन्द्रीय कमिटीका सदस्य जीवनराम श्रेष्ठ, अर्का आकांक्षी केन्द्रीय कमिटीका सदस्य सावित्रा भुषाल सँगै हुनुहुन्थ्यो । उहाँहरु दुवै जना मेरो नेता पनि हो । त्यसैगरी, उपमेयरका आकांक्षी सबै जना संगै थिए । त्यसैले बाहिर हल्ला फिँजाएजस्तो हामीमा केही द्विविधा वा अन्तरविरोध छैन । उहाँहरु आ–आफ्नो मोर्चामा खटिइसक्नु भएको छ । त्यसमा पनि पूर्व मेयर केशव स्थापितले विद्यासुन्दरलाई शुभकामना भनेर सोसल मिडियामा मार्फत भनिसक्नुभएको छ । विद्यासुन्दरलाई जिताउन मैले जे गर्नुपर्छ त्यो गर्छु भन्नुभएको छ । हामीबीचमा कुनै अन्यौल र भ्रम छैन । हामी सबै मिलेर अगाडी बढिसकेका छौं ।


०५४ सालको निर्वाचनमा काठमाडौंमा मेयर र उपमेयर सहित २५ वडामा एमालेले जितेको थियो, अहिलेको अवस्था के हुने आँकलन गर्नुभएको छ ?


एमालेको अहिले संगठन धेरै नै राम्रो भैसकेको छ । संविधानसभाको निर्वाचनमा हामीले हारिसकेपछि हामीले संगठनलाई अझै मजबुत बनायौं । पहिलेको संगठनलाई अझै व्यवस्थित गर्ने योजनाअनुसार अझै चुस्त दुरुस्त राखेका छौं । त्यसैले जीतको सबैभन्दा मुख्य आधार भनेको हाम्रो संगठन नै हो । हालको ३२ वटै वडामा हाम्रो संगठनहरु क्रियाशिल छन् र त्यो सँगसँगै हामीले जितलाई सुनिश्चित गर्नको लागि र राष्ट्रिय योजनाहरुलाई सहकार्यमा सँगसँगै लैजानको लागि राप्रपासँग समन्वय गरेका छौं । उहाँहरुलाई उममेयर र हामीलाई मेयर बनाउने गरी तालमेलको निर्णय भएको छ । यसले पनि जितलाई अझै सुनिश्चित बनाएको छ ।


एमालेको संगठन जति नै सुदृढ भएपनि कार्यकर्ताहरु जति नै खटे पनि निर्वाचनमा गुटले प्रभाव पार्नेगर्छ । केही समयअघि काठमाडौंको जिल्ला कमिटीको विवाद पनि बाहिर आएको थियो । यसपालिको चुनावमा गुटको प्रभाव पर्छ कि पर्दैन ?


त्यस्तो केही पनि प्रभाव पर्दैन । चुनावमा जाँदा, उम्मेद्वार हुँदा सबै आ–आफ्नो ठाँउबाट लाग्नु स्वभाविकै हो । मैले पाए राम्रो वा अर्को प्रतिस्पर्धी भन्दा राम्रो काम गर्न सक्छु भनेर दावी गर्नु, नेताहरु भेट्नु स्वभाविकै हो । अहिले उम्मेद्वार निर्णय गर्दा पनि स्थायी कमिटीका सम्पूर्ण नेताहरुले एकै स्वरले निर्णय गर्नुभएको छ । उहाँहरुले पार्टीका दुई शिर्षस्थ नेताहरु अध्यक्ष केपी ओली र वरिष्ठ नेता माधव नेपाललाई जिम्मा दिनुभएछ । उहाँहरुले तीनै जना प्रतिस्पर्धीलाई संगै राखेर निर्णय सुनाउनुभयो । त्यसैले पार्टीभित्र त्यस्तो गुट छैन ।


काठमाडौंको राप्रपासँग सहकार्य गरेर निर्वाचनमा जाने गर्ने निर्णय एमालेले गर्यो र उपमेयर उसलाई दियो । यो सहकार्यले त काठमाडौंमा एमाले कमजोर रहेछ भन्ने सन्देश गएन र ?


कमजोर भन्ने अर्थमा नलिनुहोस् । हामी बलियो नै छौं । यो राष्ट्रिय एजेण्डालाई लिएर गरिएको सहकार्य हो । यो स्थानिय तहमा गरिएको सहकार्य होइन् । पार्टीका अध्यक्षहरुले गरेको निर्णय हो । केही राष्ट्रिय एजेण्डाहरुमा हिजोदेखि र अहिले पनि नेकपा एमालेको एजेण्डामा राप्रपाले सहयोग गरिराखेको अवस्थामा उहाँहरु र हामीसँगै जाने हिसाबले सहकार्य भएको हो । स्थानीय रुपमा हामी कमजोर भएर होइन । हामी एक्लै निर्वाचनमा जाने हो भने पनि काठमाडौंमा सजिलै बहुमत प्राप्त गर्न सक्छौं ।


एमालेले महानगरमा राप्रपासँग तालमेल गरेर चुनावमा जाने निर्णय लिएपछि एमालेकै कार्यकर्ताले सामाजिक सञ्जालमा दुःखेसो पोखेका छन् । तालमेल गर्नुहुँदैनथ्यो भनेका छन नि ?


राष्ट्रिय एजेण्डालाई लिएर उहाँहरुसँग सहकार्य गर्नुपर्ने अवस्था थियो । स्थानीय रुपमा मात्रै होइन एमालेले लिएको राष्ट्रिय एजेण्डा बलियो बनाउनको लागि पनि उहाँहरुसँग तालमेल गरेको हो । यो कुरा हामी कार्यकर्ताहरुलाई राम्रोसँग बुझाउने छौं ।


एमालेले महानगरमा राप्रपासँग तालमेल गरेर चुनावमा जाने निर्णय लिएपछि एमालेकै कार्यकर्ताले सामाजिक सञ्जालमा दुःखेसो पोखेका छन् । तालमेल गर्नुहुँदैनथ्यो भनेका छन नि ?


राष्ट्रिय एजेण्डालाई लिएर उहाँहरुसँग सहकार्य गर्नुपर्ने अवस्था थियो । स्थानीय रुपमा मात्रै होइन एमालेले लिएको राष्ट्रिय एजेण्डा बलियो बनाउनको लागि पनि उहाँहरुसँग तालमेल गरेको हो । यो कुरा हामी कार्यकर्ताहरुलाई राम्रोसँग बुझाउने छौं ।

 


काठमाडौंको मेयर जित्नुभयो भने काठमाडौंलाई कस्तो बनाउने योजना बनाउनुभएको छ ?


काठमाडौं तुलनात्मक रुपले हेर्ने हो भने अहिले पनि शान्त छ, सुन्दर छ र सम्पदाको हिसाबले पनि राम्रो छ । तर, त्यसको प्रभावकारी व्यवस्थापन हुन नसकेको मात्रै हो । हामी भैरहेका कामहरुलाई व्यवस्थित ढंगले योजनाबद्ध रुपमा अगाडी बढाउन चाहन्छौं । महानगरेको कर्मचारी प्रशासन असक्षम होइन सक्षम छ तर उहाँहरुको राजनीतिक नेतृत्व नहुँदा, भन्ने र अह्राउने मान्छे नहुँदा वा अभिभावक नभएकोले मात्रै राम्रो काम गर्न नसकेको हो । उहाँहरुको क्षमता र योग्यतालाई सम्मान गर्दै हामीले पारदर्शी ढंगले र व्यवस्थित रुपले महानगरपालिकालाई इ–गर्भनेन्स प्रणालीमा लैजान्छौं । उहाँहरुको सहयोग लिँदै उहाँहरुको क्षमता र उपलब्ध स्रोतसाधनको पूर्ण प्रयोग गर्नेछौं । त्यो गर्न सकियो भने हामीले धेरै कुरा व्यवस्थित गर्न सक्छौं । जस्तो काठमाडौंको सवारीको अवस्था हेर्ने हो भने त्यो व्यवस्थापनको समस्या हो । हामी त्यो व्यवस्थापन गछौं ।


तपाईको पाँचवर्षै कार्यकालमा काठमाडौं महानगरपालिकालाई कस्तो बनाँउछु भन्ने परिकल्पना रहेको छ ?


काठमाडौंलाई हामी एउटा स्मार्ट सिटीको रुपमा विकास गर्छौं । हामी कुरा मात्रै गर्ने होइन काम गरेर देखाउँछौं । कतिपयले धेरै कुरा भन्छन् तर गर्ने बेलामा केही पनि गर्दैनन् र भ्रम मात्रै छर्ने काम गर्छन् । तर, हामी काठमाडौंलाई स्मार्ट सिटीको रुपमा विकास गर्छौं । अहिले भैरहेको संरचनालाई अझै व्यवस्थित गर्नेछौं । काठमाडौंलाई राम्रो शहर बनाउनको लागि युवाहरुलाई परिचालन गर्नेछौं । एक घर एक रोजगारीको व्यवस्था गर्नेछौं ताकि युवाहरु विदेश पलायन हुन नपरोस । त्यसैगरी, युवाहरुलको लागि युथ पार्क, बालबालिकाहरुलाई खेल्नको लागि बाल उद्यानहरु र वृद्धवद्धाहरुको सम्मान हुने किसिमको ‘ओल्ड एज होम’हरु बनाउने छौं । उहाँहरुलाई राज्यले अहिले पनि वृद्धाभत्ताको रुपमा मासिक दुई हजार रुपैंया दिएको छ र हामी महनगरको तर्फबाट ८० वर्ष नाघेका वृद्धहरुलाई एकमुष्ट रुपमा वार्षिक १२ हजार रुपैंयाँ महानगर भत्ता प्रदान गर्नेछौं । शिक्षा र स्वास्थलाई पनि हामी ख्याल गर्नेछौं । महानगरीय विश्वविद्यालय खोल्ने हाम्रो योजना छ । स्वास्थ उपचारको लागि महानगरिपालिकाले नै एउटा सुविधासम्पन्न अस्पताल खाल्ने छ जहाँ जेष्ठ नागरिक, बालबालिका, दलित, सिमान्तकृत, अपाङ्गहरुलाई निःशुल्क स्वास्थ परीक्षणको व्यवस्था गर्नेछौं ।


तपाईले देखेको काठमाडौं महानगर भित्रको अहिलेको प्रमुख समस्या के हो ?


अहिले यहाँको प्रमुख समस्या खानेपानी नै हो । खानेपानीको लागि मेलम्ची आयोजनाको काम भैरहेको छ त्यो आएपछि कम होला । त्यसबाहेक पनि यहाँ भएका पानीका अन्य स्रोतहरुलाई पनि पहिचान गरी त्यसको पानी ल्याउनेछौं । ड्रेन वाटरलाई पनि प्रयोग गर्न सकिने व्यवस्था मिलाउनको लागि महानगरले काम गर्नेछ । र, अर्को समस्या धुलो धुँवाको हो । त्यसलाई हटाएर केही समयभित्रै हामी काठमाडौंलाई धुलो धुँवा मुक्त शहर बनाउनेछौं । काठमाडौंको सार्वजनिक यातायातको समस्या हटाउन र ट्राफिक जामको समस्या हटाउनको लागि मोनो रेल सञ्चालन गर्नेछौं । मेट्रो रेलको लागि गुरु योजना बनाँउछौं । सडकहरुमा साइकल लेन बनाँउने छौं र साइकल प्रयोग गर्न प्रोत्साहन गर्नेछौं जसले प्रदुषण र ट्राफिक जाम दुवै घटाउने छ । पार्किङको समस्या कै कारण ट्राफिक जाम समेत बढाएको छ त्यसको लागि स्मार्ट पार्किङ सिस्टमको विकास गर्नेछौं ।


२१ वर्षकी युवादेखि पूर्व सचिवसम्म काठमाडौंको मेयरको उम्मेदवार भएका छन् । उनीहरुलाई तपाईको जितमा कत्तिको अफ्ठयारो पार्लान भन्ने ठान्नुभएको छ ?


चुनावी प्रतिस्पर्धामा त जो पनि आउन सक्छन् नि । तर, अहिलेको राजनीतिक परिस्थितिमा हाम्रो प्रतिस्पर्धा भनेको राजनीतिक दलहरुसँग नै हो । व्यक्तिगत रुपमा उहाँहरु योग्य हुनुहुन्छ होला तर उहाँहरुको सञ्जाल वा संगठन छैन् । हाम्रो ३२ वटै वडामा सञ्जाल छ । २५ वर्षदेखि दिन रात खटेर आएका छौं । स्थानीय जनतासँग भिजेर काम गरेरका छौं । जनतासँग हाम्रो सुख दुःखको सम्बन्ध छ । त्यसरी व्यक्तिगत रुपमा आएका उम्मेदवार हाम्रा प्रतिस्पर्धि होइनन् । स्थापित राजनीतिक दलहरुसँग नै हाम्रो प्रतिस्पर्धा हो ।


त्यसोभए तपाईको मुख्य प्रतिस्पर्धि को हो त ?


काठमाडौं महानगरपालिकामा हाम्रो मुख्य प्रतिस्पर्धा भनेको नेपाली काङ्ग्रेससँग हो ।


अन्त्यमा काठमाडौं महानगरपालिकाका मतदाताहरुलाई के भन्न चाहनुहुन्छ ?


राष्ट्र र राष्ट्रिय हितको लागि नेकपा एमालेले अगाडी ल्याएको एजेण्डालाई सम्बोधन गराउनको लागि, काठमाडौंलाई जिवन्त शहर बनाउनको लागि, सफा र समृद्ध शहर बनाउनको लागि स्थानीय निर्वाचनमा मेयरमा नेकपा एमालेका उम्मेद्वारलाई, उपमेयरमा राप्रपाका उम्मेद्वार र वडामा नेकपा एमालेका सुर्यध्वजाबाहक उम्मेद्वारलाई अत्याधिक मत दिएर विजयी गराउन अनुरोध गर्दछु । हाम्रो काठमाडौं हामीले नै बनाउनु छ । त्यसको नेतृत्व नेकपा एमालेले गर्छ । एमालेलाई मत दिनुहोला ।



Your Comment

थप समाचार

निर्दयी सुनमाया : ७५ वर्षीय भूपू गोर्खा लिम्बुको घांटी अट्ठ्याएर गरिन् हत्या

  • 10 hours ago
निर्दयी सुनमाया : ७५ वर्षीय भूपू गोर्खा लिम्बुको घांटी अट्ठ्याएर गरिन् हत्या

लिम्बूको हत्या गरेको तथा नीजकी श्रीमतिलाई आक्रमण गरी बन्धक बनाएको लगायतका अभियोगमा मुद्धा खेपिरहेकी आरोपी ५० वर्षीया सुनमाया तामांगले भने अदालतसामु आफुमाथि लगाइएको अभिय

के साँच्चै प्रियंकाले पाएकै हुन् त जीवनसाथी ? एकसाथ दुवै यस्तो अवस्थामा भेटिए

  • 11 hours ago
के साँच्चै प्रियंकाले पाएकै हुन् त जीवनसाथी ? एकसाथ दुवै यस्तो अवस्थामा भेटिए

एजेन्सी । बलिउडदेखि हलिउडसम्म आफ्नो खास पहिचान बनाउन सफल अभिनेत्री प्रियंका चोपडा यी दिनहरुमा निकै चर्चामा रहेकी छिन् । 

बलिउड अभिनेता सलमान खानको साथमा ज्याकलिन नेपाल आउँदै

  • 12 hours ago
बलिउड अभिनेता सलमान खानको साथमा ज्याकलिन नेपाल आउँदै

मंसिर २ । बलिउड सुपरस्टार सलमान खान बलिउडमा चर्चित श्रीलंकाली अभिनेत्री ज्याकलिन फर्नान्डिसका साथमा नेपाल आउँदैछन् ।


Loading...

भिडियो

hamropatro

नेपाल

"वाम गठबन्धनको बहुमत पुग्नु भनेको भ्यागुताले धार्नी उचाल्ने जस्तै" - प्रम देउवा

बाजुरा, मंसिर २ । नेपाली काँग्रेसका सभापति एवँ प्रधानमन्त्री शेरबहादुर देउवाले वाम गठबन्धनले जनताको अधिकारलाई रक्षा गर्न नसक्ने बताएका छन् । 

जीवनशैली

कुनैपनि काम नबनेर हैरान हुनुहुन्छ ? दशाग्रहले सताएको छ ? १ कचौरा नुन बाथरुममा राख्नुस्

कुनैपनि काम नबनेर हैरान हुनुहुन्छ ? दशाग्रहले सताएको छ ? १ कचौरा नुन बाथरुममा राख्नुस्

एजेन्सी । नूनको प्रयोगसहित गरिने केही उपायले घरका सदस्यको सोँच नै सकारात्मक हुन्छ । नूनले खानाको स्वाद मात्र बढाउने होइन यसले बास्तु दोष पनि कटाउन मद्दत पुर्‍याउँछ ।