एजेन्सी । कतारको अदालतले भारतीय नौसेनाका ८ पूर्व अधिकारीलाई मृत्युदण्डको सजाय सुनाएको छ । यी अधिकारीहरू एक वर्षभन्दा बढी समयदेखि कतारको हिरासतमा छन्। उनीहरुको मृत्युदण्डमा भारत सरकारले आश्चर्य व्यक्त गरेको छ ।
यससँगै भारतीय विदेश मन्त्रालयले नागरिकलाई फिर्ता ल्याउन कानुनी विकल्प खोज्ने कुरा गरेको मिडिया रिपोर्टमा उल्लेख छ ।
परराष्ट्र मन्त्रालयले यो विषयलाई गम्भीरताका साथ हेर्दै निर्णयको विस्तृत जानकारीको पर्खाइमा रहेको जनाएको मिडिया रिपोर्टमा उल्लेख छ ।
यी ८ जनामध्ये भारतीय युद्धपोतको कमाण्ड गरेका कमाण्डर (निवृत्त) पूर्णेन्दु तिवारी पनि अल दाहराका प्रबन्ध निर्देशक हुन् । यो फर्मले कतारी सेनालाई तालिम दिने काम गर्छ ।
कतारको गृहमन्त्रालयले पक्राउ गर्ने आठ पूर्व अधिकृतमा क्याप्टेन सौरभ वशिष्ठ, क्याप्टेन वीरेन्द्र कुमार वर्मा, क्याप्टेन नवतेज सिंह गिल, कमाण्डर पूर्णेन्दु तिवारी, कमाण्डर सुगुनाकर पकाला, कमाण्डर अमित नागपाल, कमाण्डर सञ्जीव गुप्ता र सेलर रेगे रहेका छन् । उनीहरु सबैलाई कतारमा जासुसी गरेको आरोप छ ।
पक्राउ परेको एक महिनापछि उनीहरु सबैलाई दोहास्थित आफ्नो निवासमा फर्केर भारत फर्किन भनिएको थियो । तर भारत छोड्नुअघि नै उनीहरुलाई सुटकेससहित जेलमा राखिएको थियो । जासुसी गरेको आरोपमा उनीहरुलाई घरबाटै पक्राउ गरिएको थियो । उनीहरुलाई गत वर्ष अगस्ट ३० मा जेल पठाइएको थियो ।
