आजै बस्ने संसदको दोस्रो बैठकमा निर्वाचन सम्बन्धी कानुन पेश हुने

फार्इल तस्विर

काठमाडौं, पुस २४ । सरकारले स्थानीय तहको निर्वाचन सम्बन्धी कानुन संसदमा पेश गर्न सहमति जनाएको छ । सभामुख ओनसरी घर्तीमगरले संसद बैठकको कार्यसूचीको पहिलो बुँदामा स्थानीय निकाय निर्वाचन सम्बन्धी कानुन सूचीकृत गरेकी हुन् ।

 

आज बस्ने संसदको दोस्रो बैठकमा मात्रै निर्वाचन सम्बन्धी विधेयक संसदमा प्रस्तुत हुनेछ । दिउँसो १ बजेका लागि बोलाइएको बैठक शोक प्रस्ताव पारित गरेपछि तीन बजेका लागि पुनः अर्को बैठक बोलाइएको छ । उक्त बैठकमा निर्वाचन सम्बन्धी विधेय प्रस्तुत गर्ने कार्यसूची तयार भएको छ ।

 

गत सोमबार पूर्व सांसद मणिराम पोख्रेलको ८७ वर्षको उमेरमा निधन भएको थियो । उनी २०५१ सालको मध्यावधि निर्वाचनमा नेपाली कांग्रेसका तर्फबाट सांसद निर्वाचित भएका थिए । संसद बैठकले पोखरेलप्रति शोक प्रस्ताव पारित गरेको छ ।

 

प्रमुख प्रतिपक्षी दल नेकपा एमालेले सरकारले ल्याएको संविधान संशोधन प्रस्ताव संसदमा पेश गर्न नदिने भन्दै गत मंसिर १४ गतेदेखि निरन्तर संसद अवरुद्ध गर्दै आएको छ । सभामुखले सरकारले पनि संसद बैठकको कार्यसूचीमा पहिलो नम्बरमा विपक्षीले माग गरेअनुरुप निर्वाचन सम्बन्धी कानुनलाई समेट्न सभामुखलाई आग्रह गरेको थियो । संसद बैठकको कार्यसूचीको दोस्रो नम्बरमा भने संविधान संशोधन सम्बन्धी प्रस्ताव राखिएको छ ।

 

राष्ट्रिय जनमोर्चाकी नेतृ दुर्गा शर्माले नेपालीपत्रसँग भनिन्, ‘भर्खरै कार्यव्यवस्था परामर्श समितिको बैठक सम्पन्न भयो । बैठकले संसदको कार्यसूचीको पहिलो नम्बरमा स्थानीय निकायको निर्वाचन सम्बन्धि कानुनलाई सूचीकृत गर्ने निर्णय गरेको छ । यसलाई हामी विपक्षीहरुले पनि समर्थन गर्नेछौं ।’


दोस्रो नम्बरमा रहेको संविधान संशोधन सम्बन्धी प्रस्ताव भने कुनै पनि हालतमा संसदमा पेश हुन नदिने शर्माले बताइन् ।


बैठकमा नेपाली कांग्रेसका प्रमुख सचेतक चीनकाजी श्रेष्ठले संसदीय प्रणालीमा संसद नै सर्वोच्च रहने भन्दै एमाले लगायतका विपक्षी दलहरुले संशोधन प्रस्ताव छलफलका लागि पेश गर्न दिनुपर्ने बताएका थिए । तर, विपक्षी दलका नेताहरुले भने संसद जस्तो गरिमामय ठाउँमा राष्ट्रघाति संशोधन प्रस्ताव छलफल समेत हुन नसक्ने प्रत्युत्तर दिएका थिए ।


सर्वोच्च अदालतले पनि प्रदेशको सीमाङ्कनको फेरबदल प्रदेश सभाबाट गठन भएपछि मात्रै गर्न सकिने बताएको भन्दै विपक्षी दलले संविधान विपरित आएको प्रस्ताव संसदमा पेश हुनै नदिने अडान दोहोर्याएका छन् ।


संसद बैठक आज दिउँसो एक बजेको लागि बोलाइएको भए पनि सभामुख घर्ति मगर शीर्ष नेताहरुसँग परामर्श बैठकमा व्यस्त रहेको कारण बैठक अझै सुरु हुन सकेको छैन ।



Your Comment

थप समाचार

मुस्ताङको रमणीय दृश्यहरुमा खिचिएको गायक लवटको ‘माया मेरी साह्रै राम्री’ (भिडियोसहित)

  • 15 minutes ago
मुस्ताङको रमणीय दृश्यहरुमा खिचिएको गायक लवटको ‘माया मेरी साह्रै राम्री’ (भिडियोसहित)

काठमाडौँ, असोज ८ । ‘टोखा बजार’का गायक वीर कृष्ण लवटको नयाँ गीतको भिडियो सार्वजनिक भएको छ । गायक लवटको ‘माया मेरी साह्रै राम्री’ गीतको भिडियो सामाजिक सञ्जाल युट्युव मार्फत रि

सराङगकोटी एनआरएन यूकेको प्रवक्ता

  • 18 minutes ago
सराङगकोटी एनआरएन यूकेको प्रवक्ता

एनआरएन यूकेले रमेश सराङगकोटीलाई प्रवक्ता नियुक्त गरेको छ ।

होस् गर्नुस्, दशैँको मौका छोपी बढी भाडा लिए हुन्छ यस्तो कडा कारवाही

  • 4 hours ago
होस् गर्नुस्, दशैँको मौका छोपी बढी भाडा लिए हुन्छ यस्तो कडा कारवाही

काठमाडौँ, असोज ८ । दशैँको अवसर छोपी सार्वजनिक यातायातमा टिकटमा कालाबजारी गर्ने, तोकिएभन्दा बढी भाडा लिने र राज्यले सहुलियत दिएकालाई सहुलियत नदिएमा कडा कारवाही हुने भएको छ ।


Loading...

भिडियो

hamropatro

नेपाल

होस् गर्नुस्, दशैँको मौका छोपी बढी भाडा लिए हुन्छ यस्तो कडा कारवाही

होस् गर्नुस्, दशैँको मौका छोपी बढी भाडा लिए हुन्छ यस्तो कडा कारवाही

काठमाडौँ, असोज ८ । दशैँको अवसर छोपी सार्वजनिक यातायातमा टिकटमा कालाबजारी गर्ने, तोकिएभन्दा बढी भाडा लिने र राज्यले सहुलियत दिएकालाई सहुलियत नदिएमा कडा कारवाही हुने भएको छ ।

जीवनशैली

महिनावारी अनियमित हुन्छ ? नियमित गराउन गर्नुस् यी घरेलु उपायहरु

 महिनावारी अनियमित हुन्छ ? नियमित गराउन गर्नुस् यी घरेलु उपायहरु

एजेन्सी । अनियमित महिनावारीलाई चिकित्सकीय भाषामा ‘ओलिगोमेनोरिया’ भनिन्छ, जुन अधिकांश महिलाहरूका लागि साझा समस्या बन्दै आएको छ।

विचित्र विश्व

एसियाली सहरहरुमा जलवायू परिवर्तनको असर भयावह

एसियाली सहरहरुमा जलवायू परिवर्तनको असर भयावह

मनिला, ५ असोज (रासस÷प्रोजेक्ट सिन्डीकेट) ः एसियाली मुलुकहरुमा अहिले मनसुनी वर्षा जारी छ, र महिनौं लामो गर्मीबाट राहतको श्वास लिन सकिने अवस्था छ । तर के गर्नु, यो प्रचण्ड गर्मी फेरि दोहोरिनेछ