गाउँपालिका र नगरपालिकामा यसरी हुन्छ जनप्रतिनिधिकाे निर्वाचन, जान्नै पर्ने तथ्य

  • मंगलबार, १ चैत, २०७३
  • 10 months ago
  • नेपाल

काठमाडौं, चैत्र १ । सरकारले गत शुक्रबारबाट ७ सय ४४ स्थानीय तह कार्यान्वयनमा ल्याएको छ । यसअघि स्थानीय निकायको रुपमा रहेका गाउँ विकास समिति र नगरपालिकाहरु स्थानीय तहको रुपमा गाउँपालिका र नगरपालिकामा परिणत भएका छन् ।

 

जिल्ला विकास समिति जिल्ला समन्वय समितिमा रुपान्तरण भएको छ । गाउँपालिका, नगरपालिका र जिल्ला समन्वय समितिले अब स्थानीय तहको रुपमा काम गर्नेछन् ।


संविधानको धारा २१४ को उपधारा (४) मा व्यवस्था भएअनुसार गाउँपालिका र नगरपालिकाको कार्यकारी कार्य गाउँ कार्यपालिका र नगर कार्यपालिकाको नाममा हुनेछ ।


यसरी गठन हुनेछ गाउँ कार्यपालिका


संविधानले प्रत्येक गाउँपालिकामा एक जना गाउँ कार्यपालिका अध्यक्ष रहने व्यवस्था गरेको छ । उसैको अध्यक्षतामा गाउँ कार्यपालिका गठन हुने व्यवस्था छ । त्यसैगरी, गाउँ कार्यपालिकामा एक जना उपाध्यक्ष, प्रत्येक वडाबाट निर्वाचित वडा अध्यक्ष र गाउँ सभाका सदस्यहरुले आफूमध्येबाट निर्वाचित गरेका चार जना महिला सदस्य र दलित वा अल्पसंख्यक समुदायबाट गाउँ सभाले निर्वाचित गरेका दुई जना सदस्य समेत गाउँ पालिकाको सदस्य हुनेछन् ।


गाउँ कार्यपालिकाको अध्यक्ष र उपाध्यक्ष गाउँ पालिका क्षेत्रभित्रका मतदाताले प्रत्यक्ष रुपमा निर्वाचित गर्नेछन् ।


यस्तो हुन्छ गाउँ सभा


संविधानले प्रत्येक गाउँपालिकामा एक गाउँ सभा रहने व्यवस्था गरेको छ । गाउँ सभामा गाउँ कार्यपालिका अध्यक्ष र उपाध्यक्ष, वडा अध्यक्ष र प्रत्येक वडाबाट निर्वाचित चार जना सदस्य र दलित र अल्पसंख्यक समुदायबाट निर्वाचित व्यक्ति गाउँ कार्यपालिकाका सदस्य गाउँ सभामा रहनेछन् ।


चार जना सदस्य मध्ये दुई खुल्ला हुन्छन भने दुई सदस्य महिला हुनुपर्ने व्यवस्था छ । दलित वा अल्पसंख्यक समुदायबाट प्रतिनिधि नभएको उक्त पद खाली रहने व्यवस्था स्थानीय तह निर्वाचन ऐनले गरेको छ ।


गाउँसभाको निर्वाचनको अन्तिम परिणाम प्राप्त भएको मितिले १५ दिनभित्र गाउँसभाको बैठक बसेर सदस्यहरुले आफूमध्येबाट चारजना महिला सदस्य र दलित वा अल्पसंख्यक समुदायबाट २ जना सदस्य गाउँ कार्यपालिकामा पठाउनको लागि निर्वाचित गर्नुपर्ने व्यवस्था छ ।


यसरी गठन हुन्छ नगर कार्यपालिका


प्रत्येक नगरपालिकामा एक जना नगर कार्यपालिका प्रमुख हुन्छन । निजको अध्यक्षतामा नगर कार्यपालिका गठन हुनेछ । त्यसैगरी, एक जना उपप्रमुख, प्रत्येक वडाबाट निर्वाचित वडा अध्यक्ष र नगर सभाका सदस्यले आफूमध्येबाट निर्वाचित गरेका पाँच जना महिला सदस्य तथा दलित वा अल्पसंख्यक समुदायबाट नगर सभाले निर्वाचित गरेका तीन जना सदस्य नगर कार्यपालिकाको सदस्य हुनेछन् ।


नगर कार्यपालिकाको प्रमुख र उपप्रमुख नगरपालिका क्षेत्रभित्रका मतदाताले प्रत्यक्ष निर्वाचनद्वारा निर्वाचित गर्नेछन् । यसैको लागि सरकारले आगामी वैशाख ३१ गते निर्वाचनको मिति घोषणा गरेको छ ।


राष्ट्रिय सभाका मतदाता


गाउँपालिकाका अध्यक्ष, उपाध्यक्ष र नगरपालिकाका प्रमुख उपप्रमुखले राष्ट्रियसभा गठनका लागि मतदान गर्नेछन ।

 

नयाँ शक्ति छाड्दै रामेश्वर खनालले भने-  राजनीति मेराे क्षमताकाे विषय रहेनछ

यस्ता छन गाउँपालिकाकाे अधिकार क्षेत्र

तपार्इ कुन गाउँपालिका वा नगरपालिकामा पर्नुभयाे ?



Your Comment

थप समाचार

गोरखा उवासंघको अध्यक्षमा जिवनज्योतीले गरे उम्मेदवारी घोषणा

  • 7 minutes ago
गोरखा उवासंघको अध्यक्षमा जिवनज्योतीले गरे उम्मेदवारी घोषणा

गोरखा, माघ ७ । गोरखा उद्योग वाणिज्य संघको आगामी कार्यकालको लागि जिवनज्योती श्रेष्ठले उम्मेदवारी घोषणा गरेका छन् ।

एकाएक किन फिर्ता भयो दाङको आम हड्ताल ?

  • 26 minutes ago
एकाएक किन फिर्ता भयो दाङको आम हड्ताल ?

दाङ, माघ ७ । सरकारले सात वटै प्रदेशका अस्थायी मुकाम तोक्नुभन्दा पहिलेदेखि नै दाङमा चर्किएको आन्दोलन अन्ततः बिना निष्कर्ष टुङ्गिएको छ । प्रादेशिक राजधानी सरोकार समिति हुँदै र

पन्ध्र दिने सुत्केरी श्रीमतीकाे खुकुरी प्रहार गरी हत्या

  • 48 minutes ago
पन्ध्र दिने सुत्केरी श्रीमतीकाे खुकुरी प्रहार गरी हत्या

झापा, माघ ७ । झापाको अर्जुनधारा नगरपालिका–१ निवासी एक व्यक्तिले गए राति  श्रीमतीकोहत्या गरेका छन् ।


Loading...

भिडियो

hamropatro

जीवनशैली

पिसाब 'इन्फेक्सन' छ ? लौकाको जुस खानुहाेस्

पिसाब 'इन्फेक्सन' छ ? लौकाको जुस खानुहाेस्

एजेन्सी । मानिसहरु बिहानै उठ्नेबितिकै चिया वा कफी पिउने गर्दछन् । यो पहिलेदेखीनै चल्दै आएको चलन हो ।

विचित्र विश्व

यो देश, जहाँ एउटीमात्र विवाह गरे जन्मकैदको सजाय हुन्छ !

यो देश, जहाँ एउटीमात्र विवाह गरे जन्मकैदको सजाय हुन्छ !

विश्वभर केही यस्ता देशहरु रहेका छन् जहाँ अजब गजब नियम कानुनहरु रहेका छन् । नेपालमा एकभन्दा बढी विवाहलाइै गैरकानुनी मानिन्छ । नेपालमा कानुनको पालना गर्दै मानिसहरु एउटा विवाह गर्नेछन् ।