एकाएक किन फिर्ता भयो दाङको आम हड्ताल ?

दाङ, माघ ७ । सरकारले सात वटै प्रदेशका अस्थायी मुकाम तोक्नुभन्दा पहिलेदेखि नै दाङमा चर्किएको आन्दोलन अन्ततः बिना निष्कर्ष टुङ्गिएको छ । प्रादेशिक राजधानी सरोकार समिति हुँदै राजनीतिक दलहरूले नेतृत्व सम्हालेको आन्दोलन शनिबार एकाएक कसैले कल्पना नगरेको ढंगले स्थगित गरिएको हो ।

 

सरकारले प्रदेश नम्बर पाँचको प्रदेश राजधानी दाङमा घोषणा नगर्दादेखि आम हड्तालसम्म पुगे पनि राजनीतिक दलहरूले आन्दोलनलाई सहज अवतरण गराएका छन् । आन्दोलनकै समयमा तीन थरीका आवाज उठेका थिए । पहिलो सरकारको निर्णयलाई घुँडा टेकाउने, दोस्रो दाङलाई अन्याय भए पनि अन्य कुनै विकल्प खोज्ने र तेस्रो राष्ट्रियसभाको निर्वाचन प्रभावित हुने सक्ने ।

 

चार दिनसम्म दाङमा बन्दको खुबै हल्लाखल्ला भए पनि त्यसलाई राजनीतिक दलहरूले दाङको लमहीमा राजमार्ग कब्जा गर्ने गरी शनिबार गरेको विरोधसभा पश्चात् बसेको संयुक्त संघर्ष समितिले आन्दोलनको स्वरूप परिवर्तन गर्ने भन्दै आम हड्ताल फिर्ता लिने निर्णय पनि गर्‍यो ।

 

 

आम हड्तालले जनजीवन प्रभावित भएको भन्दै संयुक्त संघर्ष समितिले यस्तो निर्णय गरेको संघर्ष समितिका सचिव निर्मल आचार्यले बताए । तर, माघ २४ गते हुने राष्ट्रियसभाको निर्वाचनलाई सहयोग गर्नका लागि आम हड्ताल फिर्ता भएको संघर्ष समितिले जनाएको छ ।

 

प्रदेश राजधानी सरकारले दाङमा घोषणा नभएको प्रति आक्रोसित दंगालीलाई राजनीतिक दलहरुले सहज अवतरण गराएका छन् । दलहरू संलग्न भएको संयुक्त संघर्ष समितिले आम हड्ताल फिर्ता लिएपछि सामाजिक सञ्जालमा आक्रोश पोखिएका स्टाटस भने प्रशस्त पोष्ट गरिएका छन् ।

 

दाङ जिल्ला उद्योग वाणिज्य संघको नेतृत्वमा सुरु गरिएको आन्दोलन जिल्ला तहमा क्रियाशिल राजनीतिक दलहरूले नेतृत्व सम्हालेसँगै आन्दोलन कसरी व्यवस्थापन गर्ने भन्ने छलफल बौद्धिक तहमा चलेको थियो ।

 

रुपन्देहीमा अस्थायी मुकाम तोकिएपछि दाङ र कपिलवस्तुमा आन्दोलन चलेको थियो । प्रदेशको स्थायी मुकाम दाङमा कुनै विवाद नभए पनि अब दाङ जिल्लालाई कसरी प्रदेश मुकाम तोक्न सकिन्छ भन्ने विषयले छलफलको रुप लिन थालेको छ ।

 

 

दाङ आफैमा आन्दोलन गर्न सक्ने अवस्थामा छैन । दाङमा आन्दोलन चले पनि रोल्पा र रुकुम तथा ग्रामीण तहका जनता सडकमा नओर्लिएसम्म आन्दोलनले मुर्त रूप लिन सक्दैन । जनताले भर्खरै जनप्रतिनिधि चुनेको अवस्थामा जनता पुनः प्रदेश राजधानीका लागि सडकमा आन्दोलन गर्न सहभागी हुने विषय अलि गौण विषय हो । सबैले महसुस हुने गरी जिल्लामा आन्दोलन भए पनि यसको सुनवाई सरकारले गर्न जरुरी छ ।

 

शनिबार मात्रै प्रदेशको कार्यभार सम्हाल्न बुटवल आइपुगेका प्रदेश प्रमुख उमाकान्त झाले सबै दलहरू मिलेर समस्याको समाधान गर्नुपर्ने बताउँछन् । एउटा जिल्लाको मात्रै समस्या नभएर समग्र प्रदेशको समस्या भएकाले प्रदेशसभाले यसको सुनवाई गरेर उचित निर्णय गर्ने विश्वास लिए ।

 

दाङमा आम हड्तालका कार्यक्रम फिर्ता भए पनि विरोधसभा, कोणसभा, कालो झण्डा राख्नेलगायतका कार्यक्रम भने जारी रहने संयुक्त संघर्ष समितिका संयोजक टीकाराम खड्काले बताए ।



Your Comment

थप समाचार

संयुक्त राष्ट्रसंघका लागि चिनियाँ विशेषदूतको आग्रह

  • 3 minutes ago
संयुक्त राष्ट्रसंघका लागि चिनियाँ विशेषदूतको आग्रह

संयुक्त राष्ट्रसंघ । विगत सात वर्षदेखि द्वन्द्व जारी रहेको सिरियाको समस्या समाधानको लागि संयुक्त राष्ट्रसंघका लागि चिनियाँ विशेषदूतले बिहीबार आग्रह गरेका छन् । 

पहिरोमा पुरिएका आठ शव निकालियो

  • 8 minutes ago
पहिरोमा पुरिएका आठ शव निकालियो

जाकार्ता । इन्डोनेसियाको जाभा प्रान्तमा बिहीबार गएको पहिरोमा परी ज्यान गुमाएका आठ व्यक्तिको शव उद्धारकताहरुले बाहिर निकालेका छन् । 

जनार्दन शर्मा ओली सरकारमा मन्त्रीको सूचीमा किन परेनन् ?

  • 17 minutes ago
जनार्दन शर्मा ओली सरकारमा मन्त्रीको सूचीमा किन परेनन् ?

काठमाडौं । नेकपा माओवादी केन्द्रले आज मन्त्री हुनेहरुको नाम सार्वजनिक गरेको छ । मन्त्री हुनेहरुको नाम सार्वजनिक गरेसँगै स्रोतका अनुसार रामबहादुर थापाले माओवादीबाट गर्ने


Loading...

भिडियो

hamropatro

नेपाल

जन्मनुभन्दा तीन वर्षअघि नै अपराधी ठहर !

जन्मनुभन्दा तीन वर्षअघि नै अपराधी ठहर !

नुवाकोट, फागुन ११ । यहाँका एक नागरिक जन्मनु भन्दा तीन वर्ष अघिनै चोरी मुद्दामा दोषी ठहरिएर जेल चलान भएका छन् ।

जीवनशैली

कहिलेकाही धित मर्ने गरी रुनुहोस्ः अध्ययन

कहिलेकाही धित मर्ने गरी रुनुहोस्ः अध्ययन

एजेन्सी । भन्छन् रुनु कमजोरीको प्रतिक हो । तर, अनुसन्धानकर्ता भन्छन् रुनु स्वास्थको लागि राम्रो हो । कहिले कामदेखि वाक्क लागेर, सुमुधुर सम्बन्ध टुट्दा तथा फिल्म हेरेर हामी रुने गर्छौ । आँखाबाट

विचित्र विश्व

२५६ वर्षउमेर, २४ विवाह र २०० सन्तान भएका यी को हुन् !

२५६ वर्षउमेर, २४ विवाह र २०० सन्तान भएका यी को हुन् !

वेइजिङ—चीनका एक ब्यक्ति पृथ्वीमा सबैभन्दा बढी उमेर बाँचेका ब्यक्तिका रुपमा चिनिन्छन् । आयुर्वेदिक चिकित्सक तथा मार्सल आर्टका खेलाडी लिचिङ युन सबैभन्दा लामो उमेर बाँच्ने मानिसका रुपमा परिचित छन् ।