‘एग्री टु डिसएग्री’ मोडेलमा एमालेसँग सहमति भएको प्रधानमन्त्रीको खुलासा

  • सोमबार, २५ पुष, २०७३
  • 1 month ago
  • नेपाल
फार्इल तस्विर

चितवन, २५ पुस । प्रधानमन्त्री पुष्पकमल दाहालले प्रमुख विपक्षी दल नेकपा (एमाले)सँग सहमति गरेर नै आइतबार संसद्मा संविधान संशोधनको प्रस्ताव पेस गरिएको दावी गरेका छन् ।

 

प्रेस सेन्टर चितवनले सोमबार चितवनमा आयोजना गरेको पत्रकार सम्मेलनमा बोल्दै उनले एमाले अध्यक्ष केपी ओली र आफ्नो बीचमा एकखालको सहमत भएर नै प्रस्ताव टेबल गरिएको बताए ।

 

प्रधानमन्त्री दाहालले भने–“उहाँहरुले विरोध गरिराख्ने, सरकारले प्रस्तावहरु टेबुल गर्ने भन्ने एकखालको सहमति भएकै हो” उनले थपे–“हामीले एग्री टु डिसएग्री ग¥यौँ । यो अन्तर्राष्ट्रिय रुपमा नै प्रचलन भएको तरिका हो ।”

 

बाहिर सञ्चारमाध्यममा भनिएजस्तो जबर्जस्ती प्रस्ताव टेबल नभएको भन्दै उनले केपी ओलीसँग आफूले एक घन्टा कुराकानी गर्दा समझदारी बन्न नसकेपछि यो सहमति भएको बताए ।

 

प्रधानमन्त्री दाहालले भने–“हामीबीचमा प्रक्रिया अगाडि बढाउनेतिर जाऔँ र विषयमा छलफल गर्दै गरौँ भन्ने सहमतिसँगै प्रस्ताव टेबल गरिएको हो । त्यसमा झुक्याउने केही कुरा छैन ।”

 

एमाले अध्यक्ष ओलीसँग गम्भीर रुपमा कुराकानी भएको भन्दै उनले देशलाई समझदारीका साथ अगाडि बढाउन सबै दल मिल्नुको विकल्प नभएको बताए ।

 

अरु सबै विषयमा सहमति, सहकार्य गरेर निर्वाचनसम्म जाने विषयमा पनि कुराकानी भएको उनले बताए । गृहमन्त्री अर्काे कार्यक्रममा व्यस्त भएकाले सभामुखले कानुन मन्त्रीलाई प्रस्ताव पेस गर्न भनेको पनि प्रधानमन्त्री दाहालले जानकारी दिए ।

 

दलहरुका बीचमा रहेको असहमति टुङ्गिने प्रक्रिया हिजोबाटै सुरु भएको पनि उनले बताउनुभयो । हिजै राष्ट्रपतिसँग तीन दलका प्रमुख नेताले लामो कुराकानी गरेको भन्दै प्रधानमन्त्रीले कुनै न कुनै उपाय खोजेर यो स्थितिलाई अगाडि बढाउने र निर्वाचनतिर देशलाई लैजाने भन्ने सहमति भएको बताए ।

 

बीचैमा सरकार छाड्दिन

 

अर्काे फरक प्रश्नमा प्रधानमन्त्री दाहालले पहिले झैँ बीचैमा आफूले नछाड्ने बताए । आफू कति महिना प्रधानमन्त्री हुने भन्ने विषय नभएको भन्दै उनले भने–“महिनासँग यो सम्बन्धित छैन, कामसँग सम्बन्धित छ । तर म सहमतिभन्दा बाहिर जान्नँ ।”

 

आफू रिबन काट्नमात्रै नहिँडेको बताउँदै उनले भने–“मेलम्चीबाट सुरु गरेको यात्रा हिल्सा र किमाथान्कादेखि देशका चारवटै कुनामा पुगेको छु । दोधारा चाँदनीको सुख्खा बन्दरगाहादेखि झापाको धानको सुपरजोन बनियानी हुँदै थाप्लेजुङको पाथीभरासम्म गएको छु ।”

 

उनी सोमबारबाट सुरु भएको चितवन महोत्सवलगायतका कार्यक्रममा सहभागी हुन चितवन पुगेका हुन् । रासस


Loading...

Your Comment


भिडियो


Related Post

प्रचण्डलाई टेन्सन, आफ्नै पार्टीको एउटा खेमा एमालेसँग मिलेको आरोप

  • 3 months ago
प्रचण्डलाई टेन्सन, आफ्नै पार्टीको एउटा खेमा एमालेसँग मिलेको आरोप

काठमाडौं । प्रधानमन्त्री पुष्पकमल दाहाल प्रचण्डले आफ्नै पार्टी माओवादी केन्द्रको एउटा खेमा एमालेसँग मिलेर वर्तमान सरकारलई असफल तथा बदनाम गर्न लागिपरेको भन्दै आक्रोश व्य

केपी ओली भन्छन्–‘छक्कापञ्जा चलचित्र मात्रै चल्छ, एमालेसँग चल्दैन’

  • 4 weeks ago
केपी ओली भन्छन्–‘छक्कापञ्जा चलचित्र मात्रै चल्छ, एमालेसँग चल्दैन’

काठमाडौं, ८ माघ । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले एमालेसँग छक्कापन्जा नचल्ने बताएका छन् ।

शाहरुख—ऐश्वर्याबारे करणको खुलासा

  • 11 months ago
शाहरुख—ऐश्वर्याबारे करणको खुलासा

लाग्थ्यो करण जौहर वीकेण्डमा खुलासा गर्ने मुडमा थिए । पहिले उनले संकेत दिए उनको शो ‘कफी विद करणको नयाँ सिजनका पहिला गेष्ट शाहरुख खान हुनेछन् । फेरि उनले अर्को खुलासा गरे । त्यो खुलासा थियो—उनको नयाँ फि

hamropatro

नेपाल

'आगनमा नागरिकता र पासपोर्ट पाएपछि जनताले संघीयताको महत्व बुझ्छन्'

'आगनमा नागरिकता र पासपोर्ट पाएपछि जनताले संघीयताको महत्व बुझ्छन्'

काठमाडौं, फागुन १० । प्रधानमन्त्री पुष्पकमल दाहाल ‘प्रचण्ड’ले लालपुर्जा, पासपोर्ट, नागरिकता लगायतका सुविधा र अधिकार आफ्नै आँगनमा पाउँदा जनताले संघीयताको मर्म बुझ्ने बताएका छन् ।

 

दिवङ्गत पत्रकारहरुको स्मृतिमा प्रेस काउन्सिलको कार्यालय परिसरमा निर्मित पत्रकार स्मृति स्तम्भको अनावरण गर्दै प्रधानमन्त्रीले संघीयता कार्यन्वयन भएपछि जनताले संघीयताको मर्म बुझ्ने बताएका हुन् ।

जीवनशैली

अनुहारमा रहेका दागहरु हटाउन अपनाउनुहोस् यी घरेलु उपाय

अनुहारमा रहेका दागहरु हटाउन अपनाउनुहोस् यी घरेलु उपाय

मानिसहरु अनुहारमा भएका दागका कारण आफुलाई विभिन्न कार्यक्रम तथा साथीभाइहरुमाझ असहज महसुस गर्छ र अनुहारलाई चम्किलो बनाउन मानिसहरु प्राय विभिन्न पार्लर धाउने समेत गर्छन् ।

विचित्र विश्व

दुवईमा बन्दैछ यस्तो गगनचुम्बी भवन, जसका हरेक अपार्टमेन्टहरु घुमाउन सकिन्छ

दुवईमा बन्दैछ यस्तो गगनचुम्बी भवन, जसका हरेक अपार्टमेन्टहरु घुमाउन सकिन्छ

दुवईमा गगनचुम्बी भवनहरु च्याउ उम्रिएजस्तै गरि बन्न थालेका छन् र अझै ती भवनहरु नौला नौला विशेषताले भरिपुर्ण छन् । यसैको पछिल्लो उदाहरणको रुपमा डाइनामिक टावर होटल बन्दैछ जुन विश्वकै पहिलो घुम्ने गगनचुम्बी भवन हुनेछ ।