दोस्रो चरणको निर्वाचनमा एमालेलाई एक्ल्याउँछौं: प्रधानमन्त्री दाहाल

जेठ ८ भित्र प्रधानमन्त्रीले राजीनामा दिने

फाइल तस्वीर


काठमाडौं, जेठ २ । प्रधानमन्त्री पुष्पकमल दाहालले इमान्दारीपूर्वक कांग्रेस गठबन्धनको सरकारलाई लम्ब्याउने र दोस्रो चरणको निर्वाचनमा एमालेलाई एक्ल्याउने बताएका छन् ।

 

सोमबार दाहालले राष्ट्रिय जनता पार्टी(राजपा)का नेताहरुसँगको भेटमा उनले दोस्रो चरणको निर्वाचन कांग्रेससँगको गठबन्धन सरकारले नै गराउने बताएका छन् ।


दाहालको निमन्त्रणामा राजपाको अध्यक्ष मण्डलका नेताहरु महन्थ ठाकुर, राजेन्द्र महतो, शरतसिंह भण्डारी र महेन्द्र यादव भेटमा सहभागी भएका थिए ।


‘पहिलो चरणको निर्वाचनमा इमान्दारीपुर्वक कांग्रेससँग गठबन्धन गरेका छौं । दोस्रो चरणको निर्वाचनमा पनि इमान्दारीपूर्वक गठबन्धन गर्छौ, गठबन्धनमा बेइमानी गर्दैनौ र एमालेलाई एक्ल्याउँछौं’, दाहालको भनाई उदृत गर्दै राजपाका एक नेताले बताए ।


दाहालले भेटमा आफूले चाँडै पदबाट राजीनामा दिएर कांग्रेस नेतृत्वको सरकार गठनको लागि मार्गप्रशस्त गर्न लागेको पनि बताएका थिए । ‘दोस्रो चरणको निर्वाचन नयाँ सरकारले गराउँछ’, राजपाका नेताहरुसँग दाहालले भने, ‘तपाईहरु निर्वाचनमा सहभागी हुने वातावरण जसरी पनि मिलाउँछु ।’


एमालेले पहाडी अहंकारवाद झनै बढाउन खोजेकाले उसलाई एक्ल्याउनु परेको दाहालको तर्क थियो । उनले भने, ‘दोस्रो चरणको निर्वाचनमा एमालेलाई एक्लै पारेर अघि बढ्नुपर्छ भनेर नै हामीले कांग्रेसँग इमानदारीपूर्वक गठबन्धन गरेका हौं । यो गठबन्धनमा हामी इमान्दार बन्नेछौं ।’ राजपाका नेताहरुसँग प्रधानमन्त्री दाहाल एमाले विरुद्ध निकै आक्रामक रुपमा प्रस्तुत भएका थिए ।


यसैगरी, दाहालले कांग्रेस सभापति शेरबहादुर देउवालाई पनि सोमबार नै भेट गरेर आफूले चाँडै प्रधानमन्त्री पदबाट राजीनामा दिने जानकारी गराएका छन् । कांग्रेस स्रोतका अनुसार दाहालले ढिलोमा जेठ ८ गतेसम्ममा पदबाट राजीनामा दिइसक्ने वचन देउवालाई दिएका छन् ।


कांग्रेस माओवादीको गठबन्धन बन्ने बेलामा नै कांग्रेस र माओवादी केन्द्रले आलोपालो प्रणालीमा सरकार चलाउने लिखित सहमति नै गरेका थिए । भलै, दुवै पक्षले लिखित सहमति भने अहिलेसम्म सार्वजनिक गरेका छैनन् ।

 

उक्त सहमतिमा गत चैत्रभित्रमा दाहाल नेतृत्वको सरकारले स्थानीय तहको निर्वाचन गराउने र सत्ता कांग्रेसलाई हस्तान्तरण गर्ने विषय उल्लेख रहेको बताइएको थियो । तर, दाहाल सरकारले चैत्रमा स्थानीय तहको निर्वाचन गराउन नसकेपछि गत वैशाख ३१ गते तीन वटा प्रदेशका ३४ वटा जिल्लामा गरी पहिलो चरणको निर्वाचन सम्पन्न गरेको हो । बाँकी चारवटा १, २, ५ र ७ नम्बर प्रदेशको निर्वाचन यही जेठ ३१ गतेको लागि तोकिएको छ ।

 



Your Comment

थप समाचार

धनाढ्यहरुकाे शहर: जहाँ प्रत्येक तीन मध्ये एक जना करोडपति छन्

  • 4 minutes ago
धनाढ्यहरुकाे शहर: जहाँ प्रत्येक तीन मध्ये एक जना करोडपति छन्

वेल्थ इन्साइटको सीएनएनमा छापिएको रिपोर्ट अनुसार फ्रान्ससँग जोडिएको मोनाको शहरमा विश्वमा सबैभन्दा धेरै करोडपति मानिसहरु बस्छन् ।

यी हुन् क्रिकेटरसँग अफेयर भएका १० बलिउड नायिका

  • 21 minutes ago
यी हुन् क्रिकेटरसँग अफेयर भएका १० बलिउड नायिका

केही बउिलउड अभिनेत्रीहरुहरुको लब अफयेर फिल्म क्षेत्रभन्दा पर क्रिक्रेट खेल्नेहरुसँग पनि रहेको छ । यस्ता धेरै बलिउड अभिनेत्रीहरु छन् जो क्रिक्रेटरसँग लब अफेयर रहेका कारण चर्चामा रहेका छन् ।

भुलेर पनि नखानुहोस् शनिबार यी ७ चीज

  • 31 minutes ago
भुलेर पनि नखानुहोस् शनिबार यी ७ चीज

एजेन्सी । शनिदेवलाई खुसी बनाउन चाहनु हुन्छ बने शनिबार खाने कुरामा सावधानी अपनाउनु पर्छ। धर्मशास्त्रको अनुसार शनिबार यी खानेकुरा खाँदा शनि बेखुसी हुने बताइन्छ।



भिडियो

hamropatro

नेपाल

अघिल्लो दिन कालोपत्र र भोलिपल्ट खन्ने काम अन्त्य गरिने

अघिल्लो दिन कालोपत्र र भोलिपल्ट खन्ने काम अन्त्य गरिने

काठमाडौँ, साउन १३ । भौतिक पूर्वाधार तथा यातायातमन्त्री वीरबहादुर बलायरले पूर्वाधार निर्माणमा अन्तर्राष्ट्रिय मापदण्डस्तरको गुणस्तर कायम गरिने दृढता व्यक्त गरेका छन् ।

जीवनशैली

भुलेर पनि नखानुहोस् शनिबार यी ७ चीज

भुलेर पनि नखानुहोस् शनिबार यी ७ चीज

एजेन्सी । शनिदेवलाई खुसी बनाउन चाहनु हुन्छ बने शनिबार खाने कुरामा सावधानी अपनाउनु पर्छ। धर्मशास्त्रको अनुसार शनिबार यी खानेकुरा खाँदा शनि बेखुसी हुने बताइन्छ।