कविता- खै के खै के तिम्रो र मेरो जात

 

श्रम त मेरै बावुबाजेले गरेका हुन् तिमीले होईन,
फाटेको फरियामा रगत बगाउने मेरै आमा हुन्
तिम्री स्वास्नी होइनन्
तर लहलह धान फल्ने सीमसारहरु
हरिया मकै फल्ने अब्वल बारीहरु तिमै मौजा भए
जिन्सी र नगद तिम्रै भण्डारका सौदा भए ।
अन्न–धन्न सबै तिम्रै ढिकुटीमा गए
म भने तिम्रो घुर्यानमा, खोलाको किनारमा
बारीको डिलमा, पहाडको सिरानमा
आज बास माग्दै भौतारिइरहेछु
जीवनमात्रै सिंगो छ, नाङ्गा मेरा हातहरु
नसोध मेरो जात
खै के खै के आज म भइरहेछु ।।

 

मेरा हजुरवालाई जीवनभरी तिम्रै चरुवा बनायौ
हजुरआमालाई भने कोपरा ठमायौं ।
मेरा बालाई तिम्रा खल्यानका हली बनायौं
तिमीे आफूले भने श्रमै नगरी ढुलीमिुली गर्यौ ।
मेरी आमाको सुन्दर जवानीमाथि फेरि आँखा गाड्यौ
तिम्रो प्रतिकार गर्दा मेरा बाबुलाई कोर्रा लगायौ
घोडाको टाँपले कुल्च्यौ अनि उनको नृशंस ज्यान लियौ ।
मेरी कलकलाउँदी दिदीको जवानीमा र्याल काड्दै
निरिह त्यो शरीरमा आततायी हातहरुले नङ्ग्य्रायौ ।
रगताम्मे बनाई उनको वदन लुट्यौ
अनि मलाई राँडीको नासो, दासको सन्तान भनी
मेरा सबै धनदौलत लुट्यौ र ज्ञानबाट विमुख पार्यौ ।
तिमीले मेरो भाग हर्यौ, लाज लुट्यौ अनि मालिक बन्यौं
तिमीले मात्रै शिक्षा पायौ, शिक्षित भयौ
तिम्रै लागि मात्र खुल्ला भए प्रगतिका ढोकाहरु
दीक्षाको बदलामा मेरो ज्ञान लुट्यौं
फेरि श्रममा मार्यौ, भ्रममा फसायौ,
के हो तिम्रो जात
खै के खै के, गर्नुसम्म गर्यौ ।

 

तिम्रा पाउदेखि शीरसम्मका सुन्दरताका कवचहरु
युद्धका माल र ढालहरु,
श्रम र सीपका मेरा कलाहरु
मैले कमाउने गोल्साराहरु,
करेशाहरु,
झिटी झ्याम्टाहरु,
तिम्रै तमसुकमा सहीछाप लागे
तिमीले जमाउने, मैले रमाइदिनुपर्ने
तिमीले खाने मैले पसिना बगाईदिनुपर्ने
तिमीले लिने मैले मात्र दिने
मैले दान मान दिए स्वर्गमा तिम्रो पुण्य हुने ?
सबैलाई ज्ञात भइसक्यो तिमी अपराधी हौ
विज्ञानको वेदलाई धर्म बनायौं
धर्मलाई तिम्रै धोती अनुकुल बयान गर्दै
मनुस्मृती बनायौ ।
त्यही मनुस्मृतिलाई सिरानीमा हालेर
मलाई दुषित र तुच्छ तुल्यायौ
आफुले आफैंलाई देवता घोषित गर्यौ ।
खै के खै के, कस्तो कानुन बनायौ ?

 

तिमीलाई मेरो धुरीमा पाकेको फर्सी पनि सह््य हुदैंन
मेरो गोठ्मा ब्याएको भैसी उम्काउन पनि भय हुदैंन
मेरो आँगनको परालको कुन्यौ देख्दा तिमीमा छटपटी हुन्छ
मेरो स्वास्नीको सुन्दर जवानीले तिम्रो मुटु कम्पन्छ ।
अड्डा अदालत,
प्रहरी र प्रतिष्ठानमा
प्रशासनमा
राजनीतिमा
संचार र न्यायमा
जतासुकै आज तिम्रै कब्जा
मेरो त पढ्ने जिव्रो नै थुतियो,
ज्ञान सुन्ने मेरा कानमा तातो तेल हालियो
त्यसैले त आज तिमी सधैं गुरु, म सधै चेला,
तिमी न्यायधीस म सधैं अपराधी भए,
तिमी पुलिस म चोर भए,
तिमी नेता भयौ म कार्यकर्ता भए,
तिमी हाकीम भयौ, म कारिन्दै रहेँ
तिमी कर्मचारी म वेकारी
तिमी नै त्वमेवः माता च पिता त्वमेवः भयौ
तिमी नै बढा जात
खै के खै के थिती कस्तो बसायौ ?

 

हामीले रगत बगायौ
यो देशलाई जीवन कुर्वानी दियौं
तर हामी नै हली गोठालो,
बेरोजगार,
गरिव,
सर्वहारा,
आवरा र हत्यारा भयौं ।
हेर आज देश जलिरहेको छ, मानवता मरिरहेको छ
दायाँ वायाँ हेर
गिद्धहरु नंग्रा फिजाएर,
र्याल काडेर
मुख चुच्चो बाएर
दागा धरीरहेका छन्
जसको कारण तिमी नै हौ
तिमीले बनाएको रिती हो,
विधि हो ।
जुन केवल तिम्रा लागि छन्
हाम्रा लागि छैनन् ।
इतिहासलाई सम्झेर गम्दा
तिमीलाई जिउँदै झुण्ड्याएर गाड्दा पाप लाग्दैन ।
तिम्री छोरी–बुहारीलाई नङ्ग्याउँदा अधर्मी होईदैन
तिम्रो ढुकुटी लुट्दा कुनै फरक पर्दैन
किनकी तिमीले हिजो जो गर्यो आज म सोही गर्दैछु ।
तिमी र मेरो जीवनको साँध छुट्टिएको छ
तिमीले मलाई अधर्मी, अछूत र अजात देख्यौ
म पनि तिमीलाई
जातिवादी सामन्त दलाल,
लुटाहा र फटाहा देखिरहेको छु
खै के खै के, म आज सोचिरहेछु ।

 

भैगो, म त्यसो गर्दिन
किनकी म तिमीजति अधर्मी छैन,
पापी होईन, तिमी झैं वैगुनी पनि छैन ।
निकृष्ठ जातिवादी पनि होईन
त्यसैले तिम्रो पुर्खाको प्रतिशोध लिन्न
भैगो तिमीलाई माफ भयो
म प्रतिशोध लिन्न
अब हामी जातिको कुरा नगरौं
पार्टीका लागि नलडौ
माटोको कुरा गरौ
संगसंगै हिड्ने बाटोको बात गरौं
शान्ति जप गरौं
लौ अब जातीको हुँकार नगर
साझा कुरा गर,
समान ब्यवहार गर
समानताको कवुल गर ।
इतिहाससँग माफी माग
भैगो तिमीलाई माफ गरिदिएँ
कुण्ठित गाँठो खोलेर आऊ
हात समाऊ अङ्गालो हाल
किनकी अब नयाँ इतिहास कोर्नु छ
देश त तिमी र मैले नै बनाउनु छ
अब समृद्धिको कुरा गरौं
लौ आऊ हात मिलाऔं ।।

 

 



    Your Comment

    थप समाचार

    बर्डफ्लुले घाटा बेहोरेका कृषक गौतमलाई निम्बसले दियो तीन लाख ३८ हजार

    • 7 minutes ago
    बर्डफ्लुले घाटा बेहोरेका कृषक गौतमलाई निम्बसले दियो तीन लाख ३८ हजार

    काठमाडौं, साउन ११ । कृषि क्षेत्रको लागि आवश्यक पर्ने विभिन्न प्रकारका सामग्रीहरु उत्पादन गर्दै आएको निम्बस कम्पनीले ‘शक्ति सहयोगी हात’ कार्यक्रम अन्तर्गत बर्डफ्लुबाट क्षति बेहोरेका कृषकलाई

    सडक विस्तारमा अवरोध बन्यो भूमिगत बिजुलीको तार, कताबाट लगिएकाे छ कसैलाई थाहा छैन

    • 37 minutes ago
    सडक विस्तारमा अवरोध बन्यो भूमिगत बिजुलीको तार, कताबाट लगिएकाे छ कसैलाई थाहा छैन

    काठमाडौँ, साउन ११। बिजुलीको तार भूमिगतरुपमा बिच्छ्याइएको अभिलेख कोसँग होला ? सहजरुपमा अनुमान गर्न सकिन्छ नेपाल विद्युत् प्राधिकरणसँग । तर, अब यस्तो अनुमान गलत हुने भएको छ ।

    २६ जना सैनिक मारिए

    • 46 minutes ago
    २६ जना सैनिक मारिए

    कान्दाहार, ११ साउन । अफगानिस्तानको दक्षिणी प्रान्त कान्दाहारमा तालिबानको आक्रमणमा परी कम्तीमा पनि २६ जना सैनिक मारिएको समाचार छ ।



    भिडियो

    hamropatro

    नेपाल

    सडक विस्तारमा अवरोध बन्यो भूमिगत बिजुलीको तार, कताबाट लगिएकाे छ कसैलाई थाहा छैन

    सडक विस्तारमा अवरोध बन्यो भूमिगत बिजुलीको तार, कताबाट लगिएकाे छ कसैलाई थाहा छैन

    काठमाडौँ, साउन ११। बिजुलीको तार भूमिगतरुपमा बिच्छ्याइएको अभिलेख कोसँग होला ? सहजरुपमा अनुमान गर्न सकिन्छ नेपाल विद्युत् प्राधिकरणसँग । तर, अब यस्तो अनुमान गलत हुने भएको छ ।

    जीवनशैली

    बच्चाको अगाडी कहिल्यै पनि नभन्नुहोस् यस्ता ५ कुरा

    बच्चाको अगाडी कहिल्यै पनि नभन्नुहोस् यस्ता ५ कुरा

    हरेक आमा बुबाले आफ्नो बच्चाको राम्रो भविष्यको लागि उनीहरुमा असल बानीब्यहोरा को विकास हो भन्ने चाहन्छन् । बच्चाको नराम्रो बानी हटाउन आमाबाबुले आफ्नो बच्चालाई गाली पनि गर्छन् ।

    विचित्र विश्व

    यस्तो अनौठो रेष्टुरेन्ट जहाँ रोबोटले तय गरिदिन्छ तपाईले के खाने

    यस्तो अनौठो रेष्टुरेन्ट जहाँ रोबोटले तय गरिदिन्छ तपाईले के खाने

    बेइजिङ । रेष्टुरेन्टमा गएपछि आँफूलाई मन पर्ने खाना खाने चाहना सबैलाई हुन्छ । आँफूलाई मन पर्ने खानाको चक्करमा हामी यो कुरामा ध्यान दिँदैनौ कि जे हामी खान लागिरहेका छौं र त्यो हाम्रो स्वास्थको लागि ठिक छ कि छैन ।