सगुनमा आयो ५० करोडको लगानी प्रतिबद्धता

काठमाडौं, पुस २६ । सगुन डटकममा धेरैले उत्साहपूर्वक लगानी गर्ने चाहना व्यक्त गरेका छन् । स्टार्टअप कम्पनी सगुनले डलरमा मिनि आइपिओ जारी गर्ने तयारी गरेको छ । त्यसैको लागि सगुनले गरेको ‘वाटर टेस्टिङ’मा ५० करोड रुपैयाँ लगानीको इच्छा व्यक्त गरेका हुन् ।


अमेरिकामा बस्ने नेपाली गोविन्द गिरीले प्रवद्र्धन गरेको सोसल इकमर्स साईट हो सगुन डटकम । सगुनले मिनिआइपिओ जारी गर्ने दिन आउनुभन्दा अगाडि नै सगुनमा लगानी गर्न चाहने व्यक्तिलाई इच्छा जाहेर गर्न भनेको छ । यसरी सुरुमा नै लगानी गर्न चाहने व्यक्तिहरुको बारेमा बुझ्नुलाई ‘वाटर टेस्टिङ’ भनिन्छ ।


सगुन डटकमले अमेरिकी कानुन अनुसार मिनि आइपिओ जारी गर्न लागेको हो । अमेरिकी कानुन अनुसार डलरमा मिनि आइपिओ जारी गर्न लागेको नेपालीले प्रवद्र्धन गरेको सम्भवतः पहिलो कम्पनी हो । सगुन अमेरिकी कानुन रेगुलेशन ए प्लस व्यवस्था अन्तर्गत मिनी आइपीओको लागि अन्तिम स्वीकृतीको पर्खाइमा छ ।


सन् २०१४ मा सुरु भएको सगुन डटकम यसरी मिनि आइपिओ जारी गर्ने पहिलो सामाजिक सञ्चाल पनि हुने भएको छ । यसअघि अमेरिकी कानुन अनुसार ‘रेगुलेसन ए–प्लस’ अन्र्तगत अरु सामाजिक सञ्जालले आइपिओ जारी गर्न सकेका छैनन् ।


के हो सगुन ?


‘कनेक्ट, शेयर, अर्न’लाई मूख्य स्लोगन बनाएको सगुन सामाजिक सञ्जालकै रुपमा आए पनि यसको प्रकृति भने भिन्न छ । झट्ट हेर्दा अहिले चर्चामा रहेका सामाजिक सञ्जाल फेसबुक, ट्वीटर जस्तै लागेपनि यसको प्रयोग गर्ने शैली भने भिन्न छ । फेसबुक र ट्वीटरले विशेषगरी स्टाटस र फोटो शेयर गरेर व्यक्तिलाई सेलिब्रेटी बनाउने गर्दछ भने सगुनलाई भने ‘नलेज शेयर’ गर्ने र आफ्नो दैनिकी व्यवस्थापनलाई सहज बनाउने बताइएको छ । यति मात्रै होइन, आफ्ना प्रयोगकर्ताले सगुनमा समय विताउने उसले केही मात्रामा आम्दानी पनि गर्न सक्ने अवसर यसमा छ । प्रयोगकर्ताले गरेको आम्दानी ‘डिजिटल सोसल स्मार्ट कार्ड’मार्फत भुक्तानी पाउन सक्छन् ।


सगुनले मिनिआइपिओ मार्फत अहिले २० मिलियन डलर अर्थात करीब २ अर्ब रुपैयाँ सर्वसाधारणबाट उठाउने लक्ष्य लिएको छ । यसका लागि सगुनले २९९ डलर मूल्यमा मिनि आइपिओ जारी गर्दैछ ।


तर, अमेरिकी मिनिआइपिओमा नेपालको आइपिओमा जस्तो पहिले इच्छुकहरुको लगानी प्रस्ताव लिने र पछि दामासाहीले बाड्ने तरिका भने हुँदैन । मिनि आइपिओमा तोकिएको न्यूनतम लगानीभन्दा बढी जति लगानी ग¥यो त्यति मूल्यकै शेयर पर्छ । यसको मतलब दामासाहीमा नभई लगानीकर्ताले मागेजति शेयर पाउँछन् ।


विदेशमा बस्ने नेपालीलाई लगानीको अवसर


अमेरिकामा दर्ता भएको स्टार्टअप कम्पनी सगुनले मिनिआइपिओमा नेपाली लगानीकर्तालाई बढी प्राथमिकता दिने बताएको छ । कम्पनीको कसको लगानी लिने कसको नलिने निर्णय गर्ने अधिकार कम्पनीको मालिकसँग हुने भएकाले सगुनले यसमा लगानी गर्न चाहने नेपालीलाई पहिलो प्राथमिकतामा राख्ने बताएको छ । सगुनका संस्थापक गिरी भन्छन, ‘हामी नेपालीको स्वामित्व भएको सामाजिक सञ्जाललाई ग्लोबल कम्पनीको रुपमा स्थापित गर्ने सोचमा छौं । त्यसैले सगुनमा नेपाली गर्न चाहने नेपालीलाई पहिलो प्राथमिकता दिन्छौं ।’ तर, सगुनले नेपालीलाई पहिलो प्राथमिकता दिने भने पनि नेपालको कानुनले भने नेपालीलाई विदेशमा लगानी गर्न प्रतिबन्ध लगाएको छ । यसको सिधा फाइदा भने विदेशमा बस्ने नेपालीले पाउन सक्छन् ।



    Your Comment

    थप समाचार

    निर्दयी सुनमाया : ७५ वर्षीय भूपू गोर्खा लिम्बुको घांटी अट्ठ्याएर गरिन् हत्या

    • 10 hours ago
    निर्दयी सुनमाया : ७५ वर्षीय भूपू गोर्खा लिम्बुको घांटी अट्ठ्याएर गरिन् हत्या

    लिम्बूको हत्या गरेको तथा नीजकी श्रीमतिलाई आक्रमण गरी बन्धक बनाएको लगायतका अभियोगमा मुद्धा खेपिरहेकी आरोपी ५० वर्षीया सुनमाया तामांगले भने अदालतसामु आफुमाथि लगाइएको अभिय

    के साँच्चै प्रियंकाले पाएकै हुन् त जीवनसाथी ? एकसाथ दुवै यस्तो अवस्थामा भेटिए

    • 11 hours ago
    के साँच्चै प्रियंकाले पाएकै हुन् त जीवनसाथी ? एकसाथ दुवै यस्तो अवस्थामा भेटिए

    एजेन्सी । बलिउडदेखि हलिउडसम्म आफ्नो खास पहिचान बनाउन सफल अभिनेत्री प्रियंका चोपडा यी दिनहरुमा निकै चर्चामा रहेकी छिन् । 

    बलिउड अभिनेता सलमान खानको साथमा ज्याकलिन नेपाल आउँदै

    • 11 hours ago
    बलिउड अभिनेता सलमान खानको साथमा ज्याकलिन नेपाल आउँदै

    मंसिर २ । बलिउड सुपरस्टार सलमान खान बलिउडमा चर्चित श्रीलंकाली अभिनेत्री ज्याकलिन फर्नान्डिसका साथमा नेपाल आउँदैछन् ।


    Loading...

    भिडियो

    hamropatro

    नेपाल

    "वाम गठबन्धनको बहुमत पुग्नु भनेको भ्यागुताले धार्नी उचाल्ने जस्तै" - प्रम देउवा

    बाजुरा, मंसिर २ । नेपाली काँग्रेसका सभापति एवँ प्रधानमन्त्री शेरबहादुर देउवाले वाम गठबन्धनले जनताको अधिकारलाई रक्षा गर्न नसक्ने बताएका छन् । 

    जीवनशैली

    कुनैपनि काम नबनेर हैरान हुनुहुन्छ ? दशाग्रहले सताएको छ ? १ कचौरा नुन बाथरुममा राख्नुस्

    कुनैपनि काम नबनेर हैरान हुनुहुन्छ ? दशाग्रहले सताएको छ ? १ कचौरा नुन बाथरुममा राख्नुस्

    एजेन्सी । नूनको प्रयोगसहित गरिने केही उपायले घरका सदस्यको सोँच नै सकारात्मक हुन्छ । नूनले खानाको स्वाद मात्र बढाउने होइन यसले बास्तु दोष पनि कटाउन मद्दत पुर्‍याउँछ ।