रौनक शिवरात्रिको...

  • मंगलबार, १ फागुन, २०७४
  • 3 months ago
  • नेपाल

 

काठमाडौँ , फागुन १ । महाशिवरात्रि पर्वका अवसरमा आज यहाँका प्रसिद्ध शिवालयमा बिहानैदेखि दर्शनार्थीको भीड लागेको छ ।

 

सूर्यविनायक नगरपालिकास्थित केदारनाथको शिर भाग मानिने डोलेश्वर महादेव मन्दिरका चारै ढोका त्यहाँको डोलेश्वर महादेव मन्दिर संरक्षण तथा विकास समितिले आज बिहान ४ बजेदेखि राति १२ बजेसम्म खुला राखेको छ ।

 

लाम बसेको एक घण्टामै सहज रुपमा दर्शन गर्न सक्ने गरी व्यवस्थापन गरिएको समितिका वरिष्ठ उपाध्यक्ष एवं सूर्यविनायक नगरपालिका–८ का वडाध्यक्ष किरण थापाले जानकारी दिए ।


भक्तजनका लागि डोलेश्वरकोे पञ्चस्नान गर्न र चारै प्रहर पूजा गर्न सशुल्क व्यवस्था गरिएको जानकारी दिए । स्वयंसेवकका रुपमा नेपाल स्काउट र सुरक्षाकर्मीलाई परिचालन गरिएको छ । मन्दिरमा स्वास्थ्य शिविर पनि आयोजना गरिएको छ ।

 

महाशिवरात्रि पर्वका लागि भारतबाट आएका ४०० नागा बाबा एवं साधुसन्तलाई खानेबस्ने व्यवस्थाका साथै धुनी बाल्न दाउराको व्यवस्था गरिएको छ ।

 

बुधबार बिदाइ गरिने जोगीहरुलाई दक्षिणास्वरुप ‘क’ वर्गकालाई रु एक हजार १११, ‘ख’ वर्गकालाई रु ७७७ र ‘ग’ वर्गकालाई रु ५५५ सहित एक एक थान कम्बल एवं धोती दिइनेछ ।

 

आशापुरीमा मेला

 

परापूर्वकालदेखि नै मनको इच्छा पूरा गर्ने महादेवका रुपमा परिचित सिपाडोलको प्रसिद्ध आशापुरी महादेव मन्दिरमा पनि आज दर्शनार्थीको घुइँचो लागेको छ ।

 

काभ्रेपलाञ्चोकको सिमाना नैचालसँग जोडिएको आशापुरी महादेव मन्दिरमा आज दर्शनार्थीका साथै रुद्री पाठ र होम गर्नेको समेत भीड लागेको छ । सहज दर्शनका लागि स्वयंसेवक परिचालन गरेर व्यवस्थापन गरिएको छ ।

 

आशापुरीसम्म कालोपत्रे सडकको पहुँच पुगेपछि दर्शनार्थीको भीड बढेको छ । डोलेश्वर आउने भक्तजन आशापुरी र आशापुरी आउने भक्तजन डोलेश्वर आउने भएकाले पनि दुवै मन्दिरमा बिहानैदेखि दर्शनार्थीको भीड लागेको बताइएको छ ।

 

कैलाशनाथमा उस्तै

 

सूर्यविनायक नगरपालिका १० चित्तपोलस्थित कैलाशनाथ महादेव मन्दिरमा दर्शनार्थीको बिहानैदेखि घुइँचो लागेको छ ।

 

एक सय ५५ फिट अग्लो कैलाशनाथ महादेव मन्दिरमा दर्शनार्थीको भीडलाई ध्यानमा राखी दोहोरो आवागमनको व्यवस्था गरिएको सञ्चालक कमल जैनले जानकारी दिए ।

 

उनले भने, “विगत वर्षमा जस्तै यस वर्ष पनि एक लाख दर्शनार्थी आउने अनुमान गरेर सहज रुपमा दर्शन गर्ने व्यवस्था गरिएको छ, ।

 

भीडलाई व्यवस्थित गर्न सुरक्षाकर्मी र स्वयंसेवक परिचालन गरेका छौँ ।” महाशिवरात्रि, संक्रान्ति र मंगलबार एकैदिन परेकाले आजको दिनलाई यहाँ विशेष दिनका रुपमा लिइएको छ ।

 

शिवालयमा दर्शनार्थीको भीड


महाशिवरात्रिका अवसरमा आज पोखरा र आसपासका शिवालयमा दर्शनार्थीको भीड लागेको छ ।

 

बिहानैदेखि पोखरा र आसपासका छोरेपाटनस्थित गुप्तेश्वर महादेव मन्दिर, विन्ध्यवासिनी परिसरस्थित शिवालय, भलामस्थित हरिहर महादेव मन्दिर, भरतपोखरी सिलिङ्गेस्थित सिद्देश्वर महादेव मन्दिर, मासबारस्थित पुस्करेश्वर महादेव मन्दिरलगायतका शिवालयमा दर्शनार्थीको भीड लागेको हो ।

 

महाशिवरात्रिका दिन भगवान् शिवलाई जल र गाईको दूध चढाएमा मनोकांक्षा पूरा हुने जनश्विास छ ।

 


सामाजिक सद्भाव, सुख शान्ति र समृद्धिको कामना गर्दै सिलिङ्गे महिला चेतना समूहले आज बरमाझथरस्थित सिद्धेश्वर शिव मन्दिरमा सामूहिक रुद्री लागाएको समूहकी अध्यक्ष कर्णकुमारी महतले जानकारी दिए ।


नागेश्वर र वाणेश्वरमा भीड


महाशिवरात्रिका अवसरमा कामपा–३२, पेप्सीकोला टाउन प्लानिङस्थित नागेश्वर र बालाजु गोलढुङ्गास्थित वाणेश्वरमा आज बिहानैदेखि भीड लागेको छ ।

 

सो शिवालयमा भारतीय साधुहरुको पनि सहभागिता रहेको नागेश्वर तथा वाणेश्वर महादेव व्यवस्थापन समितिका अध्यक्ष प्रकाश रायमाझीले बताए ।

 

तीन सय वर्ष पुरानो नागेश्वर (गर्ग ऋषिले तपस्या गरेको स्थल)मा दर्शन गर्नाले कालसर्प दोष र मुद्दामामिलाजस्ता झण्झट हट्ने तथा वाणेश्वर (पुरानो मृगस्थली पनि भनिने वाणासुरले तपस्या गरेको स्थल) मा दर्शन गर्नाले आसुरी प्रवृत्ति हट्ने मान्यता रहेको बताए । नागेश्वर तीन सय वर्ष र वाणेश्वर वर्ष पुरानो मन्दिर मानिन्छन् ।

 

शम्भुनाथ मन्दिरमा भीड


हिन्दूको महान् पर्व शिवरात्रिका अवसरमा जिल्लाका शिवालयमा आज बिहानैदेखि हिन्दूधर्मालम्बीको भीड लागेको छ ।

 

शम्भुनाथ नगरपालिकास्थित ऐतिहासिक एवं पुरातात्विक महत्वको शम्भुनाथ महादेव मन्दिरमा पनिआज बिहानैदेखि पूजार्चनाका लागि भीड लागेको छ ।

 

आज बिहान ४ बजेदेखि फूलमाला, बेलपत्र, धतुरो, मिष्ठान्न तथा फलफूलसहित रंगीचंगी लुगा लगाई महिला, पुरुष, बालबालिका र वृद्धवृद्धा शम्भुनाथ मन्दिरमा दर्शनका लागि लामबद्ध छन् ।

 

विभिन्न ध्वजापताकाले सिँगारिएको सो मन्दिरमा दर्शनका लागि सप्तरी, सिरहा तथा भारतको विहार राज्यका सुपौल र मधुवनी जिल्लालगायत शहरी तथा ग्रामीण क्षेत्रका धर्मावलम्बी आज बिहानै सहभागी भएका छन्् ।

 

त्यस्तै राजविराज नगरपालिका– १ मा रहेको शिव मन्दिर, महदेवा गाउँपालिकास्थित शिव मन्दिर, हनुमानगर कंकालनी नगरपालिका – २ मा रहेको महादेव मन्दिर तथा कञ्चनरुप नगरपालिकाको बलुवामा रहेको शिव मन्दिरमा दर्शनार्थीको भीड लागेको छ ।

 

महाशिवरात्रिमा पशुपतिमा भक्तजनको भीड

 

सिमसिमे पानीको बाबजुद पनि महाशिवरात्रिका अवसरमा बिहानैदेखि पशुपतिनाथ मन्दिरमा भक्तजनको भीड लागेको छ ।

 

बिहान २ बजेदेखि भक्तजनको भीड लागेपछि ३ः१५ बजेदेखि पशुपतिका चारै ढोका खोलिएको पशुपति क्षेत्र विकास कोषका निर्देशक भोला सिटौलाले जानकारी दिए ।


पशुपति दर्शनका लागि तीनतिरबाट मूल मन्दिर छिर्ने व्यवस्था गरिएको छ । पिङ्गलास्थान, चार शिवालय हुँदै दक्षिण ढोकाबाट, जयबागेश्वरी–भुवनेश्वरी हुँदै पश्चिम सानो ढोकाबाट र मित्रपार्क–उमाकुण्ड–वासुकी मन्दिर हुँदै तीनतर्फबाट पशुपति दर्शन गर्ने व्यवस्था मिलाइएको उनले बताए ।

 

दर्शनार्थीलाई जुन ढोकाबाट प्रवेश गरेको हो त्यसैबाट निस्कने व्यवस्था मिलाइएको छ । यसवर्ष कति भक्तजनले दर्शन गरे भन्ने वास्तविक तथ्यांक लिन जुत्ता राख्ने स्थान र मूलढोकाबाट छिर्ने स्थानमा तथ्यांक संकलन समूह खटाइएको कोषले जनाएको छ ।


यसवर्षको शिवरात्रिमा १२ देखि १३ लाख दर्शनार्थीले मन्दिरमा दर्शन गर्ने प्रारम्भिक अनुमान गरिएको छ ।



Your Comment

थप समाचार

सहपाठीकाे हत्याप्रयास गर्ने तीन छात्रविरूद्ध मुद्दा दर्ता

  • 5 hours ago
सहपाठीकाे हत्याप्रयास गर्ने तीन छात्रविरूद्ध मुद्दा दर्ता

चितवन । आफ्नै साथीको हत्या गरेर विद्यालय बन्द गराउने भन्दै सैनिक महाविद्यालयमा एक विद्यार्थीलाई निर्घात कुटपिट गरेका तीन छात्रविरुद्ध ज्यान मार्ने उद्योगमा मुद्दा दर्ता गरिएको छ ।

कुटपिट गर्ने छात्रविरुद्ध मुद्दा

  • 5 hours ago
कुटपिट गर्ने छात्रविरुद्ध मुद्दा

चितवन । आफ्नै साथीको हत्या गरेर विद्यालय बन्द गराउने भन्दै यहाँको सैनिक महाविद्यालयमा एक विद्यार्थीलाई निर्घात कुटपिट गरेका तीन छात्रविरुद्ध ज्यान मार्ने उद्योगमा मुद्दा दर्ता गरिएको छ । 

माधव नेपालसँग मिलेर ओलीले म विरुद्व षड्यन्त्र गरे : झलनाथ खनाल

  • 5 hours ago
माधव नेपालसँग मिलेर ओलीले म विरुद्व षड्यन्त्र गरे : झलनाथ खनाल

काठमाडौं । नेपाल कम्युनिस्ट पार्टीका वरिष्ठ नेता तथा पूर्व प्रधानमन्त्री झलनाथ खनालले केपी ओली र माधव नेपालले तोकेको बरियता कुनै पनि हालतमा नमान्ने बताएका छन् ।


Loading...
The British College

भिडियो

hamropatro

नेपाल

सहपाठीकाे हत्याप्रयास गर्ने तीन छात्रविरूद्ध मुद्दा दर्ता

सहपाठीकाे हत्याप्रयास गर्ने तीन छात्रविरूद्ध मुद्दा दर्ता

चितवन । आफ्नै साथीको हत्या गरेर विद्यालय बन्द गराउने भन्दै सैनिक महाविद्यालयमा एक विद्यार्थीलाई निर्घात कुटपिट गरेका तीन छात्रविरुद्ध ज्यान मार्ने उद्योगमा मुद्दा दर्ता गरिएको छ ।

जीवनशैली

यी विश्वविद्यालयकाबारेमा तपाईलाई थाहा नहुनसक्छ

यी विश्वविद्यालयकाबारेमा तपाईलाई थाहा नहुनसक्छ

तपाईले हारवर्ड विश्वविद्यालयको नाम सुन्नु भएको छ, प्रिन्सटन विश्वविश्वविद्यालयको नाम सुन्नु भएको छ । तर कहिल्यै यो विश्वविद्यालयको अवधारण कहाँबाट आएको हो त्यो बारे भने धेरै जना अनविज्ञ छन् ।

विचित्र विश्व

एउटा अजबगजबको बेश्यालय, यस्तो छ कहानी !

एउटा अजबगजबको बेश्यालय, यस्तो छ कहानी !

एजेन्सी । बंगलादेशमा विश्वको त्यस्ता मुस्लिम राष्ट्रहरुमा पर्छ, जहाँ बेश्याबृत्तिलाई कानुनी मान्यता दिइएको छ । बंगलादेशमा टंगेल जिल्लामा रहेको सबैभन्दा पुरा बेश्यालय हो कन्दापारा बेश्यालय ।