क्रान्तिकारीसँगको झडपमा नेविसंघ नेतृको च्यापु फुस्कियो

• नेपालीपत्र
• सोमबार, २५ पुष, २०७३
• 6 months ago
• राजनीति

काठमाडौं, पुस २५ । भित्ते लेखनको विषयमा दुई विद्यार्थी संगठनबीच झडप हुँदा नेविसंघकी नेतृको च्यापु फस्किएको छ ।

 

नेकपा माओवादी केन्द्रको विद्यार्थी संगठन अखिल क्रान्तिकारीका विद्यार्थीले गरेको भित्ते लेखन नेपाली कांग्रेसकाे विद्यार्थी संगठन नेपाल विद्यार्थी संघका विद्यार्थीले मेटेपछि तनाव उत्पन्न भएको थियो ।

 

त्यसपछि सो विवाद समाधान गर्न क्याम्पस प्रशासनसँग वार्ताको तयारी भएपनि वार्ताका लागि अर्को पक्ष उपस्थित नभएपछि क्रान्तिकारीका विद्यार्थीले प्रशासनका कर्मचारीहरुलाई क्याम्पसभित्रै थुनेका थिए ।

 

त्यसपछि नेविसंघका नेता कार्यकर्ताहरुले क्याम्पस प्रशासनका कर्मचारीहरुलाई छुटाउन भन्दै ताला फोड्न गएपछि दुई पक्षबीच झडप भएको हो ।

 

झडपका क्रममा क्रान्तिकारीका विद्यार्थीले ढुँगा प्रहार गरेका थिए । क्रान्तिकारीका विद्यार्थीले प्रहार गरेको सो ढुँगा लागेर नेविसंघकी नेतृ सीता मिजार घाइते भएकी हुन् ।

 

उनको च्यापुमा ढुँगाले लागेको थियो । ढुँगाले ठूलो घाउ बनाएपछि उनलाई उपचारका लागि बागबजारस्थित मोडल अस्पताल पुर्याइएको थियो ।

कमलपोखरी प्रहरी वृत्तका डिएसपी महेश थापाले दुई विद्यार्थी संगठनबीच भित्ते लेखनका विषयमा झडप भएको पुष्टि गरे ।

 

घटनाका बारेमा जानकारी दिंदै उनले भने–‘भित्ते लेखनका विषयमा झडप हुँदा नेपाल विद्यार्थी संघकी नेतृ सीता मिजार घाइते हुनुभएको छ । उहाँको उपचार पश्चात अस्पतालबाट डिस्चार्ज भैसक्नुभएको छ ।’

 

डिएसपी थापाले बाहिर समाचारमा आएजस्तो छुरा प्रहार भने नभएको बताए । उनले भने–‘छुरा प्रहार भएको भन्ने खबर गलत हो । झडपका क्रममा ढुँगा प्रहारबाट मिजारको घाइते भएको हो ।’

• Student
• Union
• Fight
• Nepal

Don't have facebook! Click Here

भिडियो