युकेका नेपाली : कसको भ्यालेन्टाइन डे कस्तो ?

लण्डन । फेब्रुअरी १४ अर्थात् भ्यालेन्टाइन डे । हामी नेपालीहरुको भाषामा प्रेमदिवस । यो दिनको महत्व र प्रभाव हाम्रो नेपाली समाजमा पनि वर्षैपिच्छे बढ्दै गएको महसुस सजिलै गर्न सकिन्छ । त्यसो त बेलायतमा रहेको नेपाली समुदायभित्र झन् यसको क्रेज अझ बढि हुने नै भयो । बेलायतमा विभिन्न क्षेत्रमा आबद्ध नेपालीहरुको भ्यालेन्टाइन डे कस्तो हुन्छ त भन्ने विषयमा केहि प्रतिनिधी पात्रहरु समेटेर एक सामग्री तयार पारेका छौं ।

 

बच्चुकैलाश कैनी, काउन्सिलर

 

भ्यालेन्टाइन डेका बारेमा मेरो सकारात्मक धारणा छ । यसलाई एउटा पर्वका रुपमा लिने गरेको छु मैले । अहिले त नेपालमा समेत भ्यालेन्टाइन डेको संस्कारलाई स्वीकार गरिसपकिएको अवस्था छ । माया देखाउने, दर्शाउने मामिलामा बेलायतीहरु त झन् अगाडि नै हुन्छन, त्यसैले पनि बेलायतमा बस्नेहरुको लागि यो पर्वले झनै बढि महत्व राख्छ जस्तो लाग्छ ।
भ्यालेन्टाइन डे मुख्यत प्रेमी प्रेमिका वा श्रीमान श्रीमतीहरुकै लागि विशेष दिन हो । एकआपसमा माया देखाउंदा, शुभकामना साटासाट गर्दा उनहिरुबीचको माया र सम्बन्ध थप सुदृढ बन्न सहयोग मिल्छ जस्तो लाग्छ ।

मैले मेरो श्रीमतीसँग नै भ्यालेन्टाइन डे मनाउने गरेको छु । सन् १९९१ मा हाम्रो विवाह हुने बेला नेपालमा यो दिनको खासै प्रभाव थिएन । तर केहि वर्षपछि भने यो चलन बिस्तार हुँदै गयो र हामीहरुले पनि यसलाई मनाउन थाल्यौं । भ्यालेन्टाइन डेको दिन एकआपसमा शुभकामना साटासाट गर्ने गर्छौं हामी । कहिलेकाहि कार्डहरु पनि आदान प्रदान गरेका छौं । जन्मदिन, एनिभर्सरीमा जस्तो खासै उपहार साटासाट भने हामीले भ्यालेन्टाइन डेमा गरेका छैनौं । फुर्सद मिलाउन सकेको बेला बाहिर घुम्न जाने, रेष्टुरेन्टमा खाना खाने पनि गरिन्छ । यसपटक भने बुधबार परेकाले काममै व्यस्त हुने कारण बाहिर जान नमिल्नेछ ।

 

भ्यालेन्टाइन डे मनाउने नाममा अनावश्यक तडकभडक गर्ने शैली मलाई नकारात्मक लाग्छ । सबभन्दा ठूलो कुरा सफा मनबाट शुभकामना आदानप्रदान गर्ने हो । बाँकी कुरा त अनुकुलताअनुसार गरेकै राम्रो जस्तो लाग्छ ।


यादव भण्डारी, व्यवसायी

 

मैले भ्यालेन्टाइन डेलाई एउटा पर्वको रुपमा लिने गरेको छु । यो माया, प्रेम, स्नेह बाँड्ने पर्वजस्तै लाग्छ मलाई । यो विशेष दिनमा आफ्नो प्रेमीसँग मात्र नभएर आफ्नो साथीभाइ, परिवार, आफन्तहरुसँग पनि माया बाँड्न सकिन्छ जस्तो लाग्छ ।

 

मेरो विवाह भएदेखि नै हरेक वर्ष मैले मेरो श्रीमतिसंग भ्यालेन्टाइन डे मनाउँदै आएको छु । भ्यालेन्टाइन डेका लागि मैले विशेषत उनलाई मनपर्ने कुनै उपहार दिने गरेको छु । यसपटक पनि कुनै उपहार किनेर उनलाई गिफ्ट गर्ने मेरो योजना छ । त्यस्तै, समय मिलाएर बाहिर घुम्न जाने, सपिङ गर्ने आदि पनि गर्छौं हामी भ्यालेन्टाइनमा ।

मेरो विवाह हुनुभन्दा अघि जब म युनिभर्सिटीमा अध्ययनरत थिएँ, त्यसबेला पनि हामी साथीभाइहरुमाझ नै भ्यालेन्टाइन डे मनाउने गथ्र्याैं । एकपटक भ्यालेन्टाइन डेको दिन कुनै नामबिनाको कार्ड आयो मलाई । सुरुमा त कसले पठायो होला भन्ने खुबै कौतुहलता भयो, तर पछि थाहा भयो कि मेरै साथीहरुले रमाइलोको लागि पठाएका रहेछन् ।

 

एकजना रेष्टुरेन्ट व्यवसायीका रुपमा समेत मेरो लागि भ्यालेन्टाइन डेले विशेष महत्व राख्छ । यो दिनमा हामीले रेष्टुरेन्टको विशेष सजावट गर्नेदेखि, रोमान्टिक संगीत बजाउने, सबै स्टाफले भ्यालेन्टाइन विशेष ड्रेस लगाउने, खानामा समेत भ्यालेन्टाइन स्पेसल मेन्यू बनाउने आदि गर्छौं ।

 

हुन त हाम्रो नयाँ पुस्ताका तन्नेरीहरु भ्यालेन्टाइन डे मनाउने क्रममा कतै बढि उत्ताउलो हुने गरेका पो हुन् कि भन्ने पनि लाग्छ कहिलेकाहिं । तर माया बाँड्ने, देखाउने यो पवित्र अवसर हाम्रो समाजका लागि उत्तिकै महत्वपूर्ण छ जस्तो लाग्छ । मात्र यो अवसरको दुरुपयोग होइन, सदुपयोग गर्न जरुरी छ ।

 

फडिन्द्र भट्टराई, पत्रकार तथा कवि

 

भ्यालेन्टाइन डे मनाउने कुनै खास कार्यक्रम सधै जस्तो यसपालि पनि छैन । वास्तवमा प्रेम एकल दिवसीय रुपमा मनाउने कुरामा हामीहरुमा त्यस्तो कुनै उत्साह छैन । कसैको जीवनमा परिवार र परिवारमा निशर्त प्रेम खासमा सुखानुभूतिको अधार हो । यस अर्थमा हामी वर्षैभर प्रेमिल छौ । त्यो प्रेम छोराछोरी र परिवारका अन्य सदस्यको हकमा पनि लागू हुन्छ ।

यसो भन्दैमा मनाउनु नै हँुदैन भन्ने पनि छैन । आमाको र बुवाको मुख हेर्ने जस्ता दिनहरुले महत्व राखे जस्तो जीवनसंगी र संगीनीको लागि विशेष बन्दै गएको यो दिन पनि सन्तुलित तवरले सम्झनायोग्य बनाउनु कुनै नराम्रो भने होइन । हालैका दिनमा प्रेम दिवस मनाउने एउटा सामाजिक दबाव जस्तो देखिन पनि थालेको छ जसलाई कतिपयले एउटा विकृतिकै रुपमा पनि चित्रण गरेको पाइन्छ । यो आ–आफ्नो नितान्त व्यक्तिगत विचारको कुरा हो । सेन्ट भ्यालेन्टाइन सँगैको सन्दर्भमा संस्कृतिगत कुरा पनि जोडिन आउंछ जुन पूर्वीय भन्दा पाश्चात्य जगतसँग बढी सम्बन्ध राख्छ ।

 

हाम्रोमा यो दिन कुनै खास बिशेष दिनको रुपमा नभएर सामान्य दैनिकी जस्तै गरेर बित्छ । आफू वरपरको रंगीन वातावरणले सामान्य असर नछोड्ने भने होइन । सामन्यतया श्रीमतीसँग शुभकामना आदानप्रदान गर्ने, बालबच्चाहरुसंगै घरमै बस्ने, संगै खाना खाने आदि बाहेक विशेष अरु केही हुंदैन ।

 

प्रेमलाई देखाउने वा अभिव्यक्त गर्ने कार्यलाई नकारात्मक रुपमा लिनुहुंदैन । तर वर्षमा एक दिन मात्रै प्रेम साटासाट गर्ने विशेष दिन भन्ने हुनुहुंदैन । सम्भव भएसम्म सधै सबैसंग प्रेम साटासाट हुनुपर्छ । आफ्नो जोडीसंग मात्र होइन, परिवार, आफन्त, साथीभाइ र ईष्टमित्रहरुसंग पनि प्रेम बाँड्न कुनै कञ्जुस्याईं गर्नुहुँदैन ।

 

ममता गुरुङ, गायिका

 

भ्यालेन्टाइन डेलाई मानिसहरुले प्रेम साटासाट गर्ने वा प्रेम प्रस्ताव राख्ने दिनका रुपमा लिने गरेका छन् । तर मेरो विचारमा प्रेम साटासाट गर्न वा प्रस्ताव राख्न यही दिन नै कुर्नुपर्छ भन्ने लाग्दैन । प्रेम गर्नेहरुलाई वर्षभरका हरेक दिन नै उत्तिकै सुन्दर हुन्छन् । तर पनि आफ्नो प्रेम वा सम्बन्धलाई यादगार बनाउने विशेष दिन भ्यालेन्टाइन डे हो जस्तो लाग्छ ।  नेपालमा हुँदा भ्यालेन्टाइन डेको बारेमा खासै बढी सुनेको सम्झना छैन । ७ वर्षअघि बेलायतमा आएपछि भने यो दिनका बारेमा सबैतिर धेरै नै चासो, चर्चा हुने गरेको देखिएकै छ । 

व्यक्तिगत रुपमा मसँग भयालेनटाइन डे मनाएका धेरै अनुभवहरु छैनन् । बेलायत आएपछि एकपटक केटी साथीहरुसंगै भ्यालेन्टाइन डान्स पार्टीमा गएको भने सम्झना छ । केही साथी तथा शुभचिन्तकहरुबाट कार्ड समेत पाएकी छु । मैले आफैं पनि कोहि विशेष व्यक्तिसँग शुभकामना साटासाट गर्ने गरेकी छु । तर उपहारहरु लिने दिने गरिएको छैन । यसपटक पनि आफ्नो विशेष मान्छेसंगै भ्यालेन्टाइन मनाउने योजना छ ।

 

पछिल्ला वर्षहरुमा मेरो भ्यालेन्टाइन एक हिसाबले मेरा दर्शक, श्रेता तथा शुभचिन्तकहरुसंग पनि मनाउंदै आएको छु । मेरो गायनलाई मन पराउने मेरा प्शंसक तथा शुभचिन्तकहरुले भ्यालेन्टाइन डेमा समेत शुभकामना पठाउनुहुन्छ । त्यसले मलाई निकै खुशी बनाउँछ ।

 

भ्यालेन्टाइन डे मनाउने सबै जोडीहरुलाई मेरो शुभकामना छ । यो दिनमा जस्तै वर्षका हरेक दिनमा आफ्नो विशेष मानिसहरुलाई माया बाँड्ने र माया देखाउन सके सबैका प्रेम र सम्बन्धहरु थप बलियो हुन्छन् जस्तो लाग्छ ।

 



Your Comment

थप समाचार

सहपाठीकाे हत्याप्रयास गर्ने तीन छात्रविरूद्ध मुद्दा दर्ता

  • 5 hours ago
सहपाठीकाे हत्याप्रयास गर्ने तीन छात्रविरूद्ध मुद्दा दर्ता

चितवन । आफ्नै साथीको हत्या गरेर विद्यालय बन्द गराउने भन्दै सैनिक महाविद्यालयमा एक विद्यार्थीलाई निर्घात कुटपिट गरेका तीन छात्रविरुद्ध ज्यान मार्ने उद्योगमा मुद्दा दर्ता गरिएको छ ।

कुटपिट गर्ने छात्रविरुद्ध मुद्दा

  • 5 hours ago
कुटपिट गर्ने छात्रविरुद्ध मुद्दा

चितवन । आफ्नै साथीको हत्या गरेर विद्यालय बन्द गराउने भन्दै यहाँको सैनिक महाविद्यालयमा एक विद्यार्थीलाई निर्घात कुटपिट गरेका तीन छात्रविरुद्ध ज्यान मार्ने उद्योगमा मुद्दा दर्ता गरिएको छ । 

माधव नेपालसँग मिलेर ओलीले म विरुद्व षड्यन्त्र गरे : झलनाथ खनाल

  • 5 hours ago
माधव नेपालसँग मिलेर ओलीले म विरुद्व षड्यन्त्र गरे : झलनाथ खनाल

काठमाडौं । नेपाल कम्युनिस्ट पार्टीका वरिष्ठ नेता तथा पूर्व प्रधानमन्त्री झलनाथ खनालले केपी ओली र माधव नेपालले तोकेको बरियता कुनै पनि हालतमा नमान्ने बताएका छन् ।


Loading...
The British College

भिडियो

hamropatro

नेपाल

सहपाठीकाे हत्याप्रयास गर्ने तीन छात्रविरूद्ध मुद्दा दर्ता

सहपाठीकाे हत्याप्रयास गर्ने तीन छात्रविरूद्ध मुद्दा दर्ता

चितवन । आफ्नै साथीको हत्या गरेर विद्यालय बन्द गराउने भन्दै सैनिक महाविद्यालयमा एक विद्यार्थीलाई निर्घात कुटपिट गरेका तीन छात्रविरुद्ध ज्यान मार्ने उद्योगमा मुद्दा दर्ता गरिएको छ ।

जीवनशैली

यी विश्वविद्यालयकाबारेमा तपाईलाई थाहा नहुनसक्छ

यी विश्वविद्यालयकाबारेमा तपाईलाई थाहा नहुनसक्छ

तपाईले हारवर्ड विश्वविद्यालयको नाम सुन्नु भएको छ, प्रिन्सटन विश्वविश्वविद्यालयको नाम सुन्नु भएको छ । तर कहिल्यै यो विश्वविद्यालयको अवधारण कहाँबाट आएको हो त्यो बारे भने धेरै जना अनविज्ञ छन् ।

विचित्र विश्व

एउटा अजबगजबको बेश्यालय, यस्तो छ कहानी !

एउटा अजबगजबको बेश्यालय, यस्तो छ कहानी !

एजेन्सी । बंगलादेशमा विश्वको त्यस्ता मुस्लिम राष्ट्रहरुमा पर्छ, जहाँ बेश्याबृत्तिलाई कानुनी मान्यता दिइएको छ । बंगलादेशमा टंगेल जिल्लामा रहेको सबैभन्दा पुरा बेश्यालय हो कन्दापारा बेश्यालय ।