डाक्टर र नर्सलाई बेलायत आउन अब थप सजिलो, भिसाको कोटा नतोकिने

  • शुक्रबार, १ आषाढ, २०७५
  • 7 months ago
  • युके

 

लन्डन । बेलायती प्रधानमन्त्री टेरेसा मेले बेलायतमा काम गर्न आउने गैर युरोपेली मुलुकका डाक्टर र नर्सहरुको भिसाको लागि क्याप नलगाउने घोषणा गरेकी छन ।

 

बिहिवार युरोपेली देशका बैंकरहरुलाई सम्बोधन गर्दै प्रधानमन्त्री मेले डाक्टर र नर्सको लागि भिसाको कोटा नतोकिने जानकारी गराएकी हुन । 

 

 

अहिलेको व्यवस्था अनुसार बेलायतमा काम गर्न आउने टियर टु भिसा रुटमा वार्षिक २० हजार ७ सय जना भन्दा बढी लाई  भिसा नदिने क्याप लगाइएको छ ।

डाक्टर र नर्स लाई पनि यहि क्याटेगोरीको क्याप लागु हुने गरेको थियो ।

 

नयां व्यवस्थाले डाक्टर र नर्स लाई क्याप नलागाउने भएपछि एकातिर बेलायत आउन चाहने डाक्टर र नर्सका लागि भिसाको कोटाले बन्देज गर्ने छैन भने अर्कोतिर २० हजर ७ सयको कोटामा यसअघि डाक्टर, नर्सले ओगट्ने गरेको कोटााम अब अन्य कामदार आउन पाउनेछन् ।

 

यसअघि टियर टु भिसा रुटका लागि निर्धारित कोटामध्ये ४० प्रतिशत झण्डै ८ हजारको हाराहारीमा हरेक वर्ष डाक्टर, नर्स बेलायत आउने गरेका थिए ।

 

तर हरेक वर्ष दिइने भिसाको संख्या पूरा भएपछि दक्षता भएका हजारौं आवेदकहरु पनि बेलायतको भिसा पाउन असफल हुने गरेका थिए ।

 

एक तथ्यांकअनुसार सन् २०१७ को नोभेम्बर ६ देखि २०१८ को अप्रिल ५ तारिखसम्ममा बेलायतको भिसा आवेदन गर्ने गैरयुरोपेली मुलुकका डाक्टरहरुको संख्या ३ हजार ५ सय ९९ थियो । यीमध्ये २ हजार ३ सय ६० जनाको आवेदन भिसा क्यापकै कारण अस्वीकृत भएको थियो ।

 

कडा इमिग्रेसन व्यवस्थाका कारण गैरयुरोपली मुलुकका डाक्टर, नर्सहरु आवश्यकताअनुसार बेलायत आउन नसकेका कारण बेलायतको स्वास्थ्य सेवा प्रदायक नेसनल हेल्थ सर्भिस एनएचएसमा स्टाफ संकट अहिले उत्कर्षमा रहेको बताइन्छ ।

 

जानकारहरुले इमिग्रेसन नीतिमा गरिएको पछिल्लो परिवर्तनले केहि राहत गरेपनि समस्या पूरै समाधान गर्न भने पर्याप्त नहुने बताएका छन् ।

 

 

 

 

 


थप समाचार

बेक्स्ली नेपाली कम्युनिटीले पहिलोपटक मनायो ल्होछार

  • 2 hours ago
बेक्स्ली नेपाली कम्युनिटीले पहिलोपटक मनायो ल्होछार

बेक्स्ली, केन्ट । बेक्स्ली नेपाली कम्युनिटी यूकेले यस वर्ष पहिलोपटक एक कार्यक्रमसहित ल्होछार मनाएको छ ।

उपत्यकाका अत्यावश्यक स्थानमा ट्राफिक लाइट राख्ने प्रक्रिया शुरु

  • 7 hours ago
उपत्यकाका अत्यावश्यक स्थानमा ट्राफिक लाइट राख्ने प्रक्रिया शुरु

काठमाडौँ । सरकारले काठमाडौँ उपत्यकाका अत्यावश्यक क्षेत्रमा ट्राफिक लाइट राख्ने प्रक्रिया अगाडि बढाएको छ ।

काङ्ग्रेसले डा केसीलाई बोकेर मात्र हुँदैन: भट्टराई

  • 8 hours ago
काङ्ग्रेसले डा केसीलाई बोकेर मात्र हुँदैन: भट्टराई

बनियानी । नेपाल कम्युनिष्ट पार्टी -नेकपा-का नेता एवं संसद्को शिक्षा तथा स्वास्थ्य समितिका सदस्य योगेश भट्टराईले सरकारले अनशनरत डा गोविन्द केसीको जीवन रक्षा गर्ने बताएका छन् ।



जीवनशैली/स्वास्थ्य

आँखामा यौन रोगको ओखती !

आँखामा यौन रोगको ओखती !

काठमाडौं । पुरुषको लिङ्ग उत्तेजित नहुने समस्या (इरेक्टाइल डिफङ्शन) को उपचारमा प्रयोग गरिने क्रिम हो, ‘भिटारोस’ । अनि आँखा सुख्खा हुन्दा प्रयोग गरिने मलम हो ‘भिटा-पोस’ ।