बेलायतमा 'पलेटी कसेर लप्टेमा खाने' परम्परागत नेवारी भोज आयोजना हुंदै

  • बिहीबार, १४ भदौ, २०७५
  • 3 weeks ago
  • युके

 

लण्डन । नेवारी खाना नेवार समुदायमा मात्र नभएर गैरनेवार नेपालीहरुमा पनि उत्तिकै लोकप्रिय मानिन्छ । देशविदेशमा सञ्चालन भएका धेरै नेपाली रेष्टुरेन्टहरुमा नेवारी परिकारहरु नै सबैभन्दा बढि 'फेवरेट' रहन्छन् । 

 

यहि लोकप्रिय नेवारी खानाका बेलायतमा रहेका पारखीहरुको लागि एउटा सुखद अवसर जुटेको छ । आउंदो सेप्टेम्बर महिनाको अन्तिम साता बेलायतमा परम्परागत नेवारी भोज (गुठी भ्वयः) आयोजना हुने भएको छ । 

 

पासा पुचः गुथि यूकेले  सेप्टेम्बर २९ तारिख शनिबार उक्त भोज आयोजना गर्ने भएको हो । बेजिङस्टोकस्थित बेजिङस्टोक कार्निभल हलमा मध्यान्ह १२ देखि सांझ ६ बजेसम्म भोज सञ्चालन हुनेछ । 

 

सो भोजमा नेवारी खानाका ३० भन्दा बढि परिकारहरु रहनेछन् । भोजका सहभागीहरु परम्परागत शैलीमा पलेटी कसेर बस्नेछन् भने उनीेहरुलाई ती परिकारहरु लप्टे (पातको टपरी जस्तै  ) मा सर्भ हुनेछन् । भोजका सहभागीले छोइला, बारा, चटामरी, अण्डा, कुखुराका मासु, हांसको मासु, आलु तामा बोडी, मालपुवा, अण्डा , लप्सीको झोल सहितका मौलिक नेवारी परिकारहरुको स्वादमा रमाउने अवसर पाउनेछन् ।  त्यसबाहेक परम्परागत शैलीमा घरमै तयार गरिएको लोकल 'छाङ र रक्सी' समेत भोजमा रहनेछन् । 

 

पासा पुचः गुथि साउथ ईस्ट लण्डनले विगत २ वर्षदेखि गुठी भ्वयः को आयोजना गर्दै आएको भएपनि पासा पुचः यूके केन्द्रीय समितिले भने यो वर्ष पहिलोपटक भोज गर्न लागेको हो । यो भोजको संयोजन पनि पासा पुचः साउथ ईस्टकै अध्यक्ष सुशिल प्रजापतिले गर्दैछन् । 

 

भोजमा सहभागिताका लागि २५ पाउण्डको टिकट राखिएको छ । १० वर्ष मुनिका बालबालिकाको लागि भने मात्र १२ पाउण्ड लाग्नेछ ।

 

२ सय भन्दा बढिको सहभागिता रहने अपेक्षा गरिएको भोजमा बेलायतस्थित नेवार समुदायका अलावा गैरनेवार नेपालीहरुलाई समेत सहभागिताको लागि आव्हान गरिएको छ । 'आयोजक पासा पुचः हो तर भोज सबैको लागि हो', कार्यक्रमका संयोजक सुशिल प्रजापति भन्छन्, 'बेलायतबासी सम्पुर्ण नेपालीहरुलाई भोजमा आउन र मौलिक नेवारी परिकारहरुको स्वादमा रमाउन आव्हान गर्दछौं ।' 

 

बेलायतमा बसेर पनि आफ्नो नेवारी संस्कृति र परम्परालाई जिवित राख्ने प्रयास स्वरुप यो परम्परागत भोज आयोजना गर्न लागिएको पासा पुचः गुथि यूकेका अध्यक्ष कुमार श्रेष्ठ बताउंछन् । 'हामी जहां रहेपनि हाम्रो परम्परा, संस्कृति र पृष्ठभुमि कहिल्यै परिवर्तन हुंदैनन् । त्यसैलाई निरन्तरता दिन र नयां पुस्तालाई समेत सिकाउन हामी सधै प्रयत्नशिल छौं', अध्यक्ष श्रेष्ठले भने । 

 

 

 


थप समाचार

मनाङ एयरको प्रतिबन्धित हेलिकप्टर सिमकोटमा

  • 4 minutes ago
मनाङ एयरको प्रतिबन्धित हेलिकप्टर सिमकोटमा

सिमकोट । उड्डयन क्षेत्रको नियामक निकाय नेपाल नागरिक उड्डयन प्राधिकरणले उडानमा प्रतिबन्ध लगाएको मनाङ एयरको हेलिकप्टर सिमकोट ल्याई पुर्‍याइएको छ ।

बारुदी सुरुङ विस्फोटमा दुई बालकको मृत्यु

  • 24 minutes ago
बारुदी सुरुङ विस्फोटमा दुई बालकको मृत्यु

काला–ए–नाउ । अफगानिस्तानको पश्चिमी प्रान्त बादघिसमा भएको एक बारुदी सुरुङ विस्फोटमा परी दुई बालकको मृत्यु भएको प्रहरी स्रोतले मङ्गलबार जानकारी दिएको छ ।

पन्ध्र मुलुकका सेना सम्मिलित विपद् व्यवस्थापन अभ्यास काठमाडाैँमा सुरू

  • 38 minutes ago
पन्ध्र मुलुकका सेना सम्मिलित विपद् व्यवस्थापन अभ्यास काठमाडाैँमा सुरू

काठमाडौँ । ठूलो भूकम्पपछि मानवीय राहत, उद्धार र सहयोगमा परिचालन भएका बहुराष्ट्रिय सेनाबीचको समन्वयलाई चुस्त तुल्याउन विपद् व्यवस्थापन अभ्यास र अनुभव आदानप्रदान काठमाडाैँमा आजदेखि सुरु भएको छ ।



भिडियो

प्रेम र यौन

लिलाममा कुमारीत्वः विश्वका चर्चित मोडलको वास्तविकता !

लिलाममा कुमारीत्वः विश्वका चर्चित मोडलको वास्तविकता !

एजेन्सी । जुन कुनै महिलाको लागि निकै अमूल्य र महत्वपूर्ण चीज हो । कुनै पनि नारी आफ्नो कुमारीत्वको विषयमा कमजोर हुँदैनन् । जुन उनीहरुको व्यक्तित्वको साख पनि हो ।

जीवनशैली/स्वास्थ्य

काखी कालो छ ? अव यसो गर्नुस् , घर भित्रै छ उपचार (विधिसहित)

काखी कालो छ ?  अव यसो गर्नुस् , घर भित्रै छ उपचार (विधिसहित)

एजेन्सी । काखी मुनि कालो हुने समस्याले धेरै युवतीलाई सताइरहेको हुन्छ । गर्मी मौसममा छोटा तथा फेसनको कपडा लगाएर हिड्न नपाउँदाको पीडाले धेरै युवतीहरु चिन्तित भएको पाइन्छ ।