यूकेमा ‘नेपाल अन डिमाण्ड’ एप लन्च गर्ने तयारी

काठमाडौँ । सन् १९८२ मा स्थापित म्युजिक नेपाल प्रालि नेपालकै पहिलो निजी संगीत कम्पनी हो । नेपाली कलाकारहरुलाई उनीहरुको सांगीतिक एल्बम बिक्रीवबापत निश्चित प्रतिशत रकम रोयल्टीको रुपमा प्रदान गर्ने प्रचलन म्युजिक नेपालले नै शुरु गरेको हो । म्युजिक क्यासेट र सिडीहरु बिक्री हुन छाडेपछि म्युजिक नेपालले पनि डिजिटल यात्रा शुरु गर्यो ।

उसले आफुसंग रहेको सांगीतिक सामग्रीलाई मोबाइल तथा डिजिटल प्ल्याटफर्महरुमा रिङ व्याक टोनको रुपमा उपलब्ध गराउनुकासाथै म्युजिक भिडिओ, टेलिभिजन श्रृंखला र चलचित्रहरु पनि निर्माण गरेको छ । म्युजिक नेपालले नेपाल सरकारको मान्यताप्राप्त एकमात्र सांगीतिक विद्यालय नेपाल संगीत केन्द्र पनि स्थापना गरेको छ । नेपाली संगीत तथा कलाको प्रबद्र्धनका लागि गर्दै आएका कामहरुको सम्मान स्वरुप म्युजिक नेपाललाई गोल्डस्टार इन्टरन्याशनल अवार्ड लगायत कैयौं राष्ट्रिय तथा अन्तराष्ट्रिय पुरस्कारहरु पनि प्राप्त गरेको छ ।

 

यो कम्पनीले पछिल्ला वर्षहरुमा ठुलो फड्को मार्ने प्रयासहरु गर्दै आइरहेको छ  । अब भने म्युजिक नेपालले संसारभरिका प्रवासी नेपालीहरुलाई लक्षित गरी नेपालकै पहिलो भिडिओ स्ट्रिमिङ सेवा शुरु गर्न लागेको छ । युकेमा ‘नेपाल अन डिमाण्ड’ एप लन्च गर्ने तयारीलाई लिएर म्युजिक नेपालका सिइओ सन्तोष शर्मासँग नेपालीपत्रले गरेको कुराकानीः 

 

‘नेपाल अन डिमाण्ड’ एप लन्च गर्ने तरखरमा हुनुहुन्छ ? यो कस्तो खाले एप हो ? 

 

‘नेपाल अन डिमान्ड’ नामक मोबाइल एप मार्फत विश्वभर रहेका नेपालीहरुलाई मनोरञ्जन सेवा दिने तयारी थालेका हो । संसारभरी चलेको नयाँ ट्रेडलाई म्युजिक नेपालले क्याच गर्न कोसिस गरेको हो । विदेशमा रहेका नेपालीहरुले अब नेपाली मनोरञ्जनका सामाग्रहीहरु कहिले आउँला र हेरुला भन्न परेन । यो एपले त्यो बेग्रता मेटाउन काम गर्नेछ ।

 

विभिन्न गजेटका माध्यमबाट यस सेवाको लाभ लिन पाउनेछन् । यस एपबाट प्रत्यक्ष टेलिभिजन च्यानलहरु, दर्शकहरुले रुचाएका नेपाली चलचित्र हेर्न सक्नेछन् । स्रोताहरुको रुचीलाई ध्यानमा राखेर तयार गरिएका गीत, संगीतहरुको संग्रह लगायतका सामग्री एचडी फम्र्याटमा उपलब्ध गराउन लागेका हौ । हरेक हप्ता नयाँ चलचित्र तथा गीत संगीतहरु उपलब्ध गराउन म्युजिक नेपालले यो प्रयासको थालनी गरेको हो । विदेशमा रहेका नेपालीहरुले नेपाली मनोरञ्जनका सामाग्रीहरु अत्यन्त रचाउने गर्नुहुन्छ । उहाँहरुले नेपाली मनोरञ्जनका कन्टेटहरु खोज्ने गर्नुहुन्छ । यही मनोभावलाई नै बुझेर हामीले नेपाल अन डिमाण्ड एपलाई एउटा साकार रुप दिने प्रयास गरेका हौँ । 

 

उपभोक्ताले नेपाल अन डिमाण्ड एपबाट कसरी लाभ लिन सक्नेछन् ? यो एपलाई कसरी प्रयोग गर्न सकिनेछ ?

यी सेवाहरु प्राप्त गर्न ग्राहकहरुले https://www.nepalondemand.com/ मा गएर निशुल्क परीक्षणको लागि रजिष्टर गरी आफ्नो एन्ड्रोइड वा आइओएस उपकरणमा एपहरु डाउनलोड गर्नुपर्नेछ । त्यसपछि आफ्नो युजरनेम र पासवर्ड राखेर लग इन गरेपछि उच्च गुणस्तरको नेपाली टिभी तथा मनोरन्जन कार्यक्रमहरु हेर्न सकिनेछ।

 

प्रत्यक्ष भिडिओ स्ट्रिमिङ गरिने टेलिभिजन च्यानलहरुमा कान्तिपुर टिभी, इमेज च्यानल, एभेन्युज टिभी, हिमालय टिभी, एपिवान टिभी, न्युज २४ र बिटिभी बिजनेस छन् । कान्तिपुर र एपिवान एचडी फम्र्याटमा हेर्न सकिनेछ । त्यसैगरी कम्तीमा १२५ वटा नेपाली चलचित्रहरु कुनै पनि बेला हेर्न सकिनेछ । हरेक साता एउटा चलचित्र थप गर्दै लगिनेछ ।

 

यसबाहेक सबै च्यानलहरुमा छुटेका कार्यक्रम १२ घन्टासम्म हेर्न मिल्ने सुविधा, भिडिओ कन्ट्रोल, पहिले छाडेकै ठाउँबाट चलचित्र हेर्न मिल्ने त्यसैगरी क्रोमकास्ट र एपल एअरप्ले प्रयोग गरी आफ्नो टेलिभिजन सेटमा सबै च्यानल तथा अन्य सामग्रीहरु हेर्नसकिनेछ । 

 

त्यस्तै क्याचअप टिभी प्रयोगगरी ग्राहकहरुले गएको १२ घन्टामा छुटेको कुनैपनि कार्यक्रम हेर्न सक्नेछन् ।

 

युकेबाट नै ‘नेपाल अन डिमाण्ड’ एप लन्च  गर्नुको विशेष कारण ? 

 

हाम्रो टेक्नोलोजी पार्टनर युकेमा रहेको छ । अर्को विशेष कारण भनेको युकेमा नेपाली समुदायहरुको संख्या पनि उल्लेख्य रहेको छ । सुरुमा हामीले सेटअपबक्सबाट यो सेवा दिने विचार गरेका थियौँ । युकेमा रहेको हाम्रो टेक्नोलोजी पार्टनरले यसबारे नयाँ कन्सेप्ट ल्याएपछि हामीले यसलाई नयाँ मोडालिटीमा जाने निर्णय गरेका थियौ । विश्वभरि नेपाली समुदायसम्म पुग्ने गरी नेपालको पहिलो टिभी तथा भिडिओ स्ट्रीमिङ सेवा शुरु गर्नु एउटा चुनौतीपुर्ण कार्य हो । यस एपको प्रचारको थालनी युकेबाट गर्ने हाम्रो विशेष योजना रहेको थियो । सो अनुरुप नै युकेबाट ‘नेपाल अन डिमाण्ड’ एपको लन्च हुन लागेको हो । 

 

बेलायतमा बसोबास गर्ने ग्राहकहरुले प्रति ग्राहक मासिक ७.९९ पाउण्ड तथा दुई जना ग्राहकले प्रति महिना ९.९९ पाउण्डमा यी सबै सेवाहरु प्राप्त गर्नसक्नेछन् । त्यस्तै सेवा शुल्क प्रति ग्राहक वार्षिक ७९.९९ र दुई जना ग्राहककालागि वार्षिक ९९.९९ तोकिएको छ । 

 

हामी बेलायतस्थित नेपालीहरुका व्यवसाय र कंपनीहरुको प्रगतिका भरपर्दो साझेदार बन्न चाहन्छौँ । 

 

युकेका नेपालीहरुप्रति नै लक्षित किन गर्नु भएको ? 

 

युके र युकेमा रहेका नेपालीहरुसँग नेपालको पुरानो र प्रगाण सम्बन्ध रहेको छ । उहाँहरुले नेपाली मनोरञ्जन क्षेत्रमा ठुलो महत्वका साथ लिनुहुन्छ । हाम्रा विशेष कार्यक्रम युकेमात्र नभई अन्य देशहरुमा रहेका नेपालीहरु पनि हुन् । यसलाई बृहत रुपमा लैजाने योजना भएका कारण सुरुको प्राथमिकतामा युकेका नेपाली दाजुभाइ तथा दिदी बहिनीहरु पर्नु भएको हो । 

 

हेल्प नेपालसँग पनि सहकार्य गर्नु भएको छ ? यसबारे प्रष्ट पारिदिनुहोस् ?

 

व्यवसायिक रुपमा हामी अगाडि बढीरहँदा सामाजिक सेवालाई पनि हामीले उत्तिकै प्राथमिकतामा राखेका छौ । एउटा गुडविलबाट नै विजनेश अगाडि बढ्ने हो । हेल्प नेपालले सामाजिक सेवामा उल्लेख्य कामहरु गर्दै आइरहेको छ । युकेमा पनि हेल्प नेपालको ठुलो प्रोजेक्टहरु रहेका छन् । त्यति ठुलो संस्थासँग सहकार्य गर्नु हाम्रो लागि पनि ठुलो प्लस पोइन्ट हो । कमर्सियल र सोसियल एप्रोचलाई हामीले सँगसँगै अगाडि लैजाने प्रयास गरेका हौँ । 

 

युके बाहेक अन्य देशमा पनि प्रचारको तयारी गर्नु भएको छ ?

 

विश्वभर रहेका नेपाली भाषीहरुका माझ नेपाल अन डिमाण्डको सुविधा दिने प्रयास हो । यसका लागि हामीले जनरल प्रचार प्रसार त गरकै छौ । अर्को भनेको विदेशमा रहेका नेपालीहरुमाझ पुग्नु हो । युकेमा प्रचार गरेपछि अन्य देशहरुमा पुग्ने पनि लक्ष्य राखेका छौ ।  यस एप प्रयोग गरेर विश्वको कुनै पनि कुनामा रहेका नेपालीहरुले मनोरञ्जन लिन सकुन भन्ने हाम्रो उदेश्य हो । 

 


थप समाचार

कैलालीमा बसको ठक्कर र आगलागीबाट एक/एक घाइते

  • 3 minutes ago
कैलालीमा बसको ठक्कर र आगलागीबाट एक/एक घाइते

कैलाली । कैलालीको घोडाघोडीमा बसको ठक्करबाट एकजना आज बिहान एक साईकलयात्री गम्भीर घाईते भएका छन् । पूर्वबाट पश्चिमतर्फ जाँदै गरेको से १ क १९९५ नम्बरको बसले घोडाघोडी नगरपालिका–२ को पाण्डे चोकस्थित ठक्कर

रन–वे बनिसकेपछि यस्तो देखियो पोखरा अन्तराष्ट्रिय विमानस्थल

  • 8 minutes ago
रन–वे बनिसकेपछि यस्तो देखियो पोखरा अन्तराष्ट्रिय विमानस्थल

पाेखरा । पोखरा अन्तराष्ट्रिय विमान स्थलको काम तिब्रताका साथ अगाडि बढी रहेको छ । पछिल्लो रिपोर्ट अनुसार हालसम्म विमानस्थलको ३० प्रतिशत काम सकिसकेको छ । हाल एप्रोन निर्माण भइसकेको छ भने मुख्य टर्मिनल भव

नेपाली कम्युनिष्टको ७० वर्षे फुट यात्रा

  • 19 minutes ago
नेपाली कम्युनिष्टको ७० वर्षे फुट यात्रा

काठमाडौँ । ७० वर्षको नेपाली कम्युनिष्टको यात्रामा आज देशभर विभिन्न उत्साहमुलक कार्यक्रम भइरहेका छन् । २००६ वैशाख ९ मा पुष्पलालको नेतृत्वमा स्थापना गरेको नेपाल



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

यस्तो रहेको छ आजको तपाईको भाग्य

यस्तो रहेको छ आजको तपाईको भाग्य

वि.सं.२०७६ साल वैशाख ०९ गते । सोमबार । ईश्वी सन् २०१९ अप्रिल २२ तारिख । नेपाल संवत् ११३९ । परिधावी संवत्सर । उत्तरायण । वसन्त ऋतु । श्रीशाके १९४० । वैशाख कृष्ण पक्ष । तिथि तृतीया, २० घडी ३७ पला, दिउसो ०१ बजेर ५० मिनेट उप्रान्त चतुर्थी । नक्षत्र अनुराधा, ३४ घडी १० पला,बेलुकी ०७ बजेर १५ मिनेट उप्रान्त ज्येष्ठा । योग व्यातिपात,०० घडि ३७ पला,बिहान ०५ बजेर ५० मिनेट उप्रान्त वरियान ।

विचित्र विश्व

ब्रेकअपपछि युवतीहरुले गर्छन् यस्ता अजबगजबका हर्कतहरु

ब्रेकअपपछि युवतीहरुले गर्छन् यस्ता अजबगजबका हर्कतहरु

माया एउटा मिठो आभास हो । कसैको मायामा परिन्छ भने एक झलक पाउन पाए संसार जितेजस्तै भावनाहरु मनमा बारम्बार आइरहन्छन् । तर, धेरैको माया सजिलै बस्छ पछि सम्बन्ध बिग्रदै गएपछि एकाअर्काप्रति दोषारोपण गर्ने बानी पर्छ । माया लगाउन त सजिलो छ तर निभाउन साह्रै गाह्रो ।