सरकार छाड्ने उपेन्द्रको धम्कीपछि पप्पूमाथि कारवाही हुनेमा आशंका

काठमाडौं । वर्तमान सरकारमा सहभागी संघीय समाजवादी फोरमका अध्यक्ष एवम् उपप्रधान तथा स्वास्थ्य, जनसंख्यामन्त्री उपेन्द्र यादवले सांसद हरिनारायण रौनियारको निर्माण कम्पनी पप्पू कन्स्ट्रक्सनलाई कारवाही भए आफूले सरकार छाड्ने चेतावनी दिएपछि रौनियारमाथि कारवाही हुने सम्भवना कमजोर बनेर गएको छ । 

 

उनले प्रधानमन्त्री केपी ओली र नेकपाका शीर्ष नेतालाई पप्पूमाथि कारवाही भए आफूहरुले बाध्य भएर सरकार छाड्ने भन्दै चेतावनी दिएपनि रौनियारलाई छानबिनको नाममा सफाई दिइने भएको छ । सफाई दिने लक्ष्यका साथ नै छानबिन समिति बनाइएको  जानकारहरुको भनाई छ । 

 

नेपालको पूल तथा निर्माण क्षेत्रमा बदनाम सावित भएको पप्पू कन्स्ट्रक्सनमाथि छनबिन गर्न सरकारले एक समिति बनाएको छ । देशभर नै ठेक्का लिएका ३१ वटा पूल मध्ये १५ वटा पूलको निर्माण अवधि सकिएको र अरु पूलको समेत निर्माण कार्यमा व्यवधान खडा गरेको भन्दै सरकारले कारवाहीका लागि छानबिन समिति बनाएको हो ।

 

समितिलाई १५ दिनभित्र प्रतिवेदन दिन भनिएको छ । भौतिक पूर्वाधार तथा यातायात व्यवस्था मन्त्रालयका सचिव केदारबहादुर अधिकारीले पश्चिमाञ्चल क्षेत्री सडक निर्देशनालयका प्रमुख दीपक श्रेष्ठको संयोजकत्वमा छानबिन समिति बनाएको बताएका छन् ।

 

एकल र संयुक्त गरी कूल ५ अर्ब रुपैयाँ बराबरको ठेक्का लिएको पप्पूले सबै निर्माणको काम अलपत्र पारेको छ । प्रधानमनत्री तथा मन्त्रिपरिषद् कार्यालयले पप्पूको काम कारवाही बारे चौतर्फी विरोध आएपछि सबै कागजात मगाउन र  छानबिन समिति गठन गर्न निर्देशन दिएको थियो ।

 

प्रधानमन्त्री केपी शर्मा ओलीले निर्माण कार्यमा ज्यादती गर्नेलाई कानुनअनुसार कारवाही हुने भन्दै छानबिन प्रक्रिया सुरु गर्न भौतिक पूर्वााधार तथा यातायात व्यवस्था मन्त्री रघुविर महासेठलाई निर्देशन दिएका थिए । पप्पूले जिम्मा लिएको राजधानीको तिनुकने पूल, परोपकारको पूल र बालाजुको पूलमा सामान्य काम समेत सुरु गरेको छैन ।

 

ती मध्ये तिनकुनेको पूल १२ करोड तथा बालाजु तथा परोपकारको पूल भने ६÷६ करोड रुपैयाँमा ठेक्का लिएको थियो । ती पूल निर्माणका लागि सामान्य काम समेत सुरु गरेको छैन । ती पूल निर्माण गर्ने अवधि भने सकिइसकेको छ । हुलाकी राजमार्गमा पनि संयुक्त उपक्रममा पप्पूले १० वटा पूलको ठेक्का लिएको छ । पप्पूका मालिक हरिनारायण रौनियार हुन् । उनी उपेन्द्र यादव नेतृत्वको संघीय समाजवादी फोरम नेपालका तर्फबाट प्रतिनिधिसभा सदस्य समेत हुन् ।

 

सडक विभागकाअनुसार २०६८ सालमा जिम्मा लिएका पूल अझै पनि अधूरो रहेको छ । निर्माण व्यवसायीले आयोजना लिने र काम नगर्ने प्रवृत्ति बढेको छ । सरकारी निकाय भन्दा ठेकेदार नै बलिया भएका कारण समस्या बढेको छ । सरकारी निकायलाई प्रभावमा पारेर ठेकेदारले जिम्मा लिएको काम पूरा गरेका छैनन् ।

 

पप्पूका मालिका रौनियारले भने आफूलाई बदनाम गर्ने गिरोह क्रियाशिल रहेको भन्दै गुनासो गरिरहेका छन् । प्रतिनिधिसभाको बैठकमा समेत खासै नआउने रौनियार निर्माण व्यवसायको काम नै संलग्न हुने गरेका छन् । प्रतिनिधिसभा सदस्यमा निर्वाचित भएपछि निर्माण व्यवसायको काम छाडेको दावी गरेपनि उनी अझै ठेक्का कसरी हात पार्ने भन्ने ध्याउन्नमा नै लाग्ने गरेका छन् ।

 

छोरा सुमित अग्रवाललाई जिम्मा लगाएको दावी गरेपनि उनी धेरै जसो ठेक्का पट्टामा लाग्ने गरेको र पछिल्लो दिनमा उनी आफूलाई कारवाही नगर्न भन्दै शक्तिकेन्द्र धाउन थालेको समेत बताइन्छ । तर उनले भने आफूलाई बदनाम गराउन केही प्रतिस्पर्धी समूह खुलेर लागेको दावी गर्छन । पूल निर्माणका किन ढिलाई गरेको त भन्ने प्रश्नमा उनले भने त्यो हाम्रो कारणले मात्रै होइन सरकारी कारणले नै ढिलाई भएको हो । सरकारले छानबिन समितिले दिने प्रतिवेदनका आधारमा पप्पूमाथि कारावही हुने बताएको छ ।

 

मन्त्रालयले गठन गरेको छानबिन समितिका संयोजक श्रेष्ठ सो विषयमा केही बोल्न चाहँदैनन् । उपभोक्ता अधिकारीकर्मीले भने निर्माण व्यवसायमा गलत गर्ने पप्पूलाई कारवाही हुनबाट जोगाउन छानबिन समिति बनाइएको हुन सक्ने र त्यसले दिने प्रतिवेदन समेत सही र तथ्यपूर्ण आउनेमा आशावादी देखिएका छैनन् । पैसाको राम्रै चलखेल गर्न सिपालु रौनियारले भोतिक पूर्वाधार मन्त्री महासेठलाई मोटो रकम बुझाएको चर्चा सिंहदरबारतिर सुन्न थालिएको छ । 

 

मन्त्रीका सचिवालयका कर्मचारी र रौनियारका छोरा सुमितको पनि भेटघाट बाक्लै हुने गरेको छ । भेटघाटमा सहभागी एक कर्मचारीकाअनुसार रौनियार सर जत्तिको मजाको मान्छे त यो दुनियाँमा कोही पनि छैनन् भन्दै मन्त्री महासेठले धाप मार्ने गरेको छन् । 

 

ओली सरकार बदनाम गराउन विशेष योग्यता राखेका महासेठका कारण नै रौनियारलाई कारवाही हुन रोकिएको र त्यसमा उपेन्द्र यादवको समेत आठ भरोसाले काम गरेको बताइन्छ । पैसाको बलमा नै निर्वाचन जितेको भन्ने जस्ता चर्चा पनि निर्वाचनको समयमा रौनियारको सन्दर्भमा जोडेर नआएको होइन । तर उनलाई कहिल्यै पनि कसैले पनि कारवाही गर्न नसकेका कारण उनको ज्यादती बढेको हो । 

 


थप समाचार

के तपाईलाई राज योगबारे थाहा छ ?

  • 37 minutes ago
के तपाईलाई राज योगबारे थाहा छ ?

एजेन्सी । जन्मको समय र तारिखको आधारमा कुण्डली हेरेर होस या हस्तरेखा हेरेर होस व्यक्तिको वर्तमान र भविष्य ज्योतिष विद्या मार्फत जान्ने प्रचलन छ । जसमा विभिन्न शास्त्र मार्फत व्यक्तिको बारेमा बुझ्न सकिन

यी महिलाहरुले हात धुन समेत पानीको प्रयोग गर्न पाँउदैनन्

  • 44 minutes ago
यी महिलाहरुले हात धुन समेत पानीको प्रयोग गर्न पाँउदैनन्

एजेन्सी । दुनिँयामा कैयौ यस्ता आदिवासी क्षेत्रहरु छन् जँहा रहेका मानिहरुको परम्परा पनि अनौठो हुन्छ ।

बिहिबार जन्मेका व्यक्तिकाे गुण कस्ताे !

  • 50 minutes ago
बिहिबार जन्मेका व्यक्तिकाे गुण कस्ताे !

बिहिबार जन्मेका व्यक्ति निकै मेधावी, शान्त र निकै समझदार हुने गर्दछन् । यस्ता मानिसहरुलले अरुलाई निकै इज्जत गर्छन् । त्यसकारण मानिसहरुका लागि आदर्श पनि बन्ने गर्छन् ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

हिन्दु धर्म अनुसार यस्ता छन् बिहिबार गर्नै नहुने कामहरु

हिन्दु धर्म अनुसार यस्ता छन् बिहिबार गर्नै नहुने कामहरु

हिन्दु धर्मका अनुसार हरेक दिनको आफ्ना आफ्नै महत्व रहेको छ । तर, विशेष त विहीबार अति नै महत्वपुर्ण रहेको बताइन्छ । ज्योतिष शास्त्रका अनुसार यसको सम्बन्ध बृहस्पति ग्रहसँग रहेको छ ।

विचित्र विश्व

के तपाईलाई राज योगबारे थाहा छ ?

के तपाईलाई राज योगबारे थाहा छ ?

एजेन्सी । जन्मको समय र तारिखको आधारमा कुण्डली हेरेर होस या हस्तरेखा हेरेर होस व्यक्तिको वर्तमान र भविष्य ज्योतिष विद्या मार्फत जान्ने प्रचलन छ । जसमा विभिन्न शास्त्र मार्फत व्यक्तिको बारेमा बुझ्न सकिन्छ ।