पूर्व प्रम नेपालको उपस्थितिमा लण्डनमा यतिको च्यारिटी

विपन्न बालबालिकाको शिक्षामा सघाउने लक्ष्य

  • आइतबार, २ मंसिर, २०७५
  • 6 months ago
  • युके

तस्विरहरु शिव भण्डारी

 

लण्डन । यति नेपाली एशोसिएसन यूकेले नेपालका पूर्वप्रधानमन्त्री माधवकुमार नेपालको उपस्थितिमा लण्डनमा एक च्यारिटी कार्यक्रम सम्पन्न गरेको छ । 

 

 शनिबार लण्डनको ग्रिनफोर्ड टाउन हलमा सम्पन्न कार्यक्रममा नेपालका दुर्गम भेगका विपन्न बालबालिकाको शिक्षामा सहयोग गर्ने उद्धेश्यले गायक हेमन मोक्तानले सुरु गरेको 'अध्यारोबाट उज्यालोतिरको यात्रा, शिक्षाका लागि विश्व सांगीतिक अभियान' को उद्घाटन गरिएको थियो । 

 

कार्यक्रमलाई सम्बोधन गर्दै प्रमुख अतिथि पूर्व प्रधानमन्त्री तथा नेपाल कम्युनिष्ट पार्टीका वरिष्ठ नेता माधवकुमार नेपालले युवा गायक मोक्तानले अगुवाई गरेको परोपकारी अभियानबाट प्रभावित बनेर व्यस्तताको बाबजुद पनि कार्यक्रममा सहभागी हुन बेलायतसम्म आएको बताए ।  विश्वका विभिन्न देशका नेपालीहरुमाझ पुगेर  सहयोग जुटाउने अभियानको सफलताको लागि उनले शुभकामना दिए । 

 

एकपटकको नेपाली, सधैको नेपाली भन्ने गैरआवासीय नेपालीहरुको भावनाअनुसार नेपालको संिवधानले  गैरआवासीय नागरिकता व्यवस्था गरिसकेको उल्लेख गर्दै नेपालले भने, 'नागरिकता त व्यवस्था भयो तर पुस्तौंसम्म पनि नेपाली रहिरनको लागि  विदेशमा बस्ने सबै नेपालीहरुले आफ्ना बालबालिकाहरुलाई नेपाली भाषा, संस्कृति तथा पहिचानबाट टाढा हुन नदिन विशेष ध्यान दिन जरुरी छ ।' 

 

विश्वको जुनसुकै कुनामा रहनेपनि  आफ्नो देश र मातृभुमिप्रति सबै नेपालीहरुको दायित्व रहने उनले बताए । 'तर नेपाललाई मात्र गरेर पुग्दैन । तपाई आफु बसेको समाज र देशमा पनि भिज्नुहोस, मेहनत गर्नुस् र त्यो समाजको सेवा गर्नुहोस्', नेता नेपालले भने, 'यसरी विदेशमा तपाईहरुले हासिल गर्ने सफलताबाट तपाईको मात्र नभएर सिंगो नेपालको प्रतिष्ठा उचो हुनेछ' । 

 

भूपू गोर्खाहरुका समस्याप्रति नेपाल सरकार गम्भीर रहेको बताउंदै पूर्व प्रधानमन्त्री नेपालले समस्या समाधानको लागि बेलायतसंग कुटनीतिक पहल सुरु भइसकेको र अब छिट्टै  निश्कर्ष निस्किने विश्वास व्यक्त गरे । 'तर, विदेशी सेनामा नेपाली महिलाहरु भर्ती गर्ने विषय हाम्रो देशको लागि उपयुक्त हुंदैन । न हाम्रा दिदीबहिनीहरु हामीले पठाउन मिल्छ, न उनीहरुले माग्न मिल्छ । यसबारेमा आवश्यक अध्ययन, परामर्श गरेर उचित निर्णयामा पुग्नुपर्छ' , नेपालले भने । 

 

 

 

त्यसअवसरमा  बेलायतका लागि नेपाली राजदूत डा दुर्गाबहादुर सुवेदीले कार्यक्रममा पूर्व प्रधानमन्त्रीको उपस्थितिले बेलायतस्थित नेपाली समुदायभित्र  रहेको आपसी एकता, सद्भाव र भाइचाराको भावनालाई कदर गरेको धारणा राखे । 

 

एनआरएन यूकेका अध्यक्ष योगकुमार फगामीले थौरेले गरेको धेरै भन्दा धेरैले गरेको थोरै सहयोग बढि प्रभावशाली हुने भन्दै गायक मोक्तानको अभियानमा सघाउन सबैलाई आव्हान गरे । 

 

कार्यक्रममा हेमन मोक्तान फाउण्डेसनका सञ्चालक गायक हेमन मोक्तानले विपन्न बालबालिकाको शिक्षामा सघाउन आफुले सुरु गरेको अभियान बेलायतमा उद्घाटन गर्न पाउंदा निकै खुशी व्यक्त गरे । आफ्नो अभियानमा हौसला प्रदान गर्ने पूर्व प्रम नेपाल, आयोजक यति नेपाली एशोसिएसन तथा बेलायतवासी नेपालीहरुप्रति उनले कृतज्ञता प्रकट गरे । 

 

सन् २०२० सम्ममा विश्वका विभिन्न २० देशका नेपालीहरुमाझ पुगेर सांगीतिक कार्यक्रमहरु गर्दै अभियानको लागि सहयोग जुटाउने उनको योजना छ ।

 

कार्यक्रममा गायक मोक्तानले सञ्चालन गरेका सामाजिक कार्यहरुको साथै शिक्षाका लागि विश्व्यापी सांगीतिक अभियानको विषयमा एक जानकारीमुलक भिडियो प्रिजेन्टेसन पनि  गरिएको थियो । 

 

कार्यक्रमको दोस्रो चरणमा नेपाली हास्यव्यंग्य जगतका एक लोकप्रिय कलाकार मनोज गजुरेलले प्रहसनमार्फत सहभागीहरुलाई निकै हंसाएका थिए । गायक मोक्तानले  गीतहरु प्रस्तुत गर्दै मनोरञ्जन गराएका थिए भने नायिका तथा मोडल मरिस्का पोखरेलले आकर्षक नृत्य प्रस्तुत गरेकी थिइन् । 

 

कार्यक्रमको संचालन यति एशोसिएनका पूर्व अध्यक्ष तथा च्यारिटी कार्यक्रमका संयोजक उमेशराज मोक्तानले गरेका थिए । कार्यक्रमका सहसंयोजक तथा यतिका सल्लाहकार ध्रुव केसीले स्वागत मन्तव्य दिएका थिए भने कार्यक्रमका सभापति तथा संस्थाका कार्यवाहक अध्यक्ष शशीधर नेपालले कार्यक्रमका सहभागी तथा सहयोगी सबैलाई धन्यवाद ज्ञापन गरेका थिए । 

 

 

 


थप समाचार

प्रहरीले गोली हानेर पक्राउ गरेकाे ‘डाँका काले’को वीर अस्पतालमा उपचार हुँदै

  • 7 minutes ago
प्रहरीले गोली हानेर पक्राउ गरेकाे ‘डाँका काले’को वीर अस्पतालमा उपचार हुँदै

काठमाडौँ । प्रहरीले सर्वाधिक खोजीको सूचिमा रहेका ‘डाँका काले’ भनिने विष्णु तामाङलाई गोली हाने नियन्त्रणमा लिएको छ । सोमबार बिहान प्रहरीले काठमाडौँको टोखाबाट गोली हानेर प्रहरीले नियन्त्रणमा लिएको हो ।

मेसीले पाए पीचीची अवार्ड, गोल्डेन बुट पाउने सम्भावना पनि बलियो

  • 25 minutes ago
मेसीले पाए पीचीची अवार्ड, गोल्डेन बुट पाउने सम्भावना पनि बलियो

काठमाडौँ । बार्सिलोनाका स्टार खेलाडी लियोनल मेसी घरेलु लिग ला लिगाको उच्च गोलकर्ता बन्दै पीचीची अवार्ड पाएका छन् । उनले लिगको सबै खेल सक्दा कूल ३६ गोल गरे ।

महिनावारीका बेला पेट दुखेमा...

  • 1 hour ago
महिनावारीका बेला पेट दुखेमा...

महिनावारीका समयमा महिलामा सामान्य ढाड वा पेट दुख्ने, थकान महसुस हुने आदिजस्ता समस्या हुनुलाई स्वाभाविकै मानिन्छ । तर, कतिपय किशोरीमा सहनै नसक्ने गरी तल्लो पेट दुख्ने गर्छ । यो भने समस्या हो ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

महिनावारीका बेला पेट दुखेमा...

महिनावारीका बेला पेट दुखेमा...

महिनावारीका समयमा महिलामा सामान्य ढाड वा पेट दुख्ने, थकान महसुस हुने आदिजस्ता समस्या हुनुलाई स्वाभाविकै मानिन्छ । तर, कतिपय किशोरीमा सहनै नसक्ने गरी तल्लो पेट दुख्ने गर्छ । यो भने समस्या हो ।