सर्लाहीको प्रहरी हिरासतमा एक महिला झुण्डिएको अवस्थामा भेटिइन्

जनकपुरधाम। जिल्ला प्रहरी कार्यालय सर्लाहीको हिरासतमा एक महिला झुण्डिएको अवस्थामा मृत भेटिएकी छिन्।

चक्रघटा गाउँपालिका– ८ कि वर्ष ४० वर्षीया हजरत खातुनले हिरासत कक्षको शौचालयमा झुडिएको अवस्थामा फेला परेकी हुन्।

सर्लाहीका प्रहरी प्रवक्ता डिएसपी दिपेन्द्र पंजियारका अनुसार राति १० बजे शौचालय गर्न जाँदा शौचालयको ढोकामा कपडाले पासो लागेपछि सिकिस्त अवस्था प्रहरीले उद्धार गरी प्रादेशिक अस्पताल मलंगवा पठाएको थियो। उपचारको क्रममा उनको मृत्यु भएको डिएसपी पंजियारले बताए।

खातुन सहित दुई जनालाई साउन १ गते नेपाल भारत सीमा क्षेत्र मलंगवा नगरपालिका– ८ लमिलियामाईबाट सशस्त्र प्रहरीले पाँच लाख ४ हजार नगद, १८७.७७ ग्राम चादी र ७.०७ सुन सहित प्रहरीले नियन्त्रणमा लिएको थियो।

प्रहरीले उनको मृत्युबारे अनुसन्धान गरिरहेको बताएको छ।