व्यक्तिले दिएको बयानकै आधारमा मात्रै पक्राउ गर्न मिल्दैनः गृहमन्त्री श्रेष्ठ

काठमाडौँ। उपप्रधान एवम् गृहमन्त्री नारायणकाजी श्रेष्ठले कोही व्यक्तिले दिएको बयानकै आधारमा मात्रै कसैलाई पक्राउ गर्न नमिल्ने बताएका छन्। बिहीबार नेकपा एमालेको भ्रातृ संगठन राष्ट्रिय युवा संघ नेपालले दिएको ज्ञापनपत्र ग्रहण गर्दै मन्त्री श्रेष्ठले सो कुरा बताएका हुन्।

उनले नक्कली भुटानी शरणार्थी प्रकरणमा सञ्चारमाध्यममा नाम आएकाहरुको थप अनुसन्धान भइरहेको बताए। राजनीतिक प्रभाव र अवाञ्छित दबाबबाट मुक्त भएर स्वतन्त्र रुपमा छानबिन प्रहरीलाई निर्देशन दिएको पनि उनले बताए।

त्यस्तै, राजनीतिक दलहरुले नागरिकलाई जीवन फेरिएको अनुभुति दिन नसकेको बताए। उनले देशमा भ्रष्टाचारको जालो व्यप्त रहेको र कमिसनको जालो नतोड्दासम्म समृद्धिको यात्रा सफल हुन नसक्ने बताए।