शंखमुल तीर्थ श्रावणी महोत्सवमा काठमाडौँ महानगरको अवरोध

काठमाडौँ। काठमाडौँ महानगरपालिकाले शंखमुल तीर्थ श्रावणी महोत्सवमा अवरोध गरेको छ। सार्वजनिक स्थलमा धार्मिक कार्यक्रम गरेको भन्दै महानगरले अवरोध गरेको हो।

वडा नं. ३२ स्थित शंखमुल घाटमा स्थानीयलेश्रावण १ गतेदेखि महोत्सव सञ्चालन गरिरहेका छन्। तर, महानगरले भने अनुमति नलिई कार्यक्रम गरेको भन्दै अवरोध गरेको हो।

महानगरका प्रहरी प्रमुख राजुनाथ पाण्डे नेतृत्वको नगरप्रहरीको टोलीले मंगलबार अनुष्ठान बन्द गर्न आग्रह गरेको हो। पार्कमा हिड्न नपाएको भन्ने जनगुनासो आएको र वडाको स्वीकृतीसमेत नलिइ गरिएको भन्दै नगरप्रहरी प्रमुख पाण्डेले वडाको स्वीकृति लिएर मात्रै गर्न आग्रह गरे।