१५औं महाधिवेशनमा शेखर कोइरालालाई सभापति बनाउने धनराज गुरुङको घोषणा

काठमाडौँ। नेपाली कांग्रेसका उपसभापति धनराज गुरूङले १५ औं महाधिवेशनमा नेता डा. शेखर कोइरालालाई सभापति बनाउने घोषणा गरेका छन्।

मंगलबार ४१ औं बीपी स्मृति दिवसको अवसरमा आयोजित कार्यक्रमलाई सम्बोधन गर्दै उनले यस्तो बताएका हुन्। नेता गुरुङले आफूले कोइरालालाई रुपान्तरणको मुद्दा नसकिएको भन्दै सभापतिको लागि अघि बढ्न आग्रह गरेको बताए।

‘डा. शेखर कोइराला अघि बढ्नुहोस्। मेरो पनि आकांक्षा होला उपसभापतिमा तर, रूपान्तरण मुद्दा सकिएको छैन, तपाईं अघि बढ्नुहोस् भनेको छु,’ नेता गुरुङले भने, ‘प्रस्ट रूपमा भन्छु खरो ढंगबाट पार्टीको रूपान्तरण अभियानमा १५ औं महाधिवेशनमा सभापति बन्ने हो।’

कांग्रेसलाई बहुमतको पार्टी बनाउनुपर्ने उनको भनाई छ।