संसद् बैठक पाँच दिन स्थगित

काठमाडौँ। सुन तस्करीमा संलग्नहरुको अनुसन्धानका लागि उच्च स्तरीय छानबिन समिति गठनको माग गर्दै प्रमुख प्रतिपक्षी दल नेकपा एमालेले संसद अवरुद्ध गरेको छ।

सभामुख देवराज घिमिरेले आकस्मिक समयपछि शून्य समयको कारबाही अघि बढाएपछि एमाले सांसदहरु वेल घेराउमा गएर नाराबाजी गर्दै बैठक चल्न नदिएका हुन्।

एमाले सांसदले अवरोध नरोकेपछि सभामुख घिमिरले बैठक साउन १५ गते बस्ने गरी स्थगित गरे। यसअघि एमाले बैठकमा बोल्दै एमाले सांसद ठाकुर गैरेले गृहमन्त्री नारायणकाजी श्रेष्ठसँग तस्करलाई पक्रेको जानकारी गराउने वा नैतिक रुपमा पदबाट हट्ने बाहेक विकल्प नभएको बताए। एमालेले आजको बैठकको शुरुमै पनि नाराबाजी गर्दै अवरोध गरेको थियो।

तर सभामुख घिमिरेले आकस्मिक समय अघि बढाएर सांसदहरुलाई बोल्ने मौका दिएका थिए।