सातदोबाटोविरुद्ध फ्रेन्ड्सको शानदार जित

काठमाडौँ। फ्रेन्ड्स क्लबले सहिद स्मारक ‘ए’ डिभिजन लिगमा सातदोबाटो युथ क्लबलाई ०–४ को नतिजामा पराजित गरेको छ। बिहीबार सातदोबाटोस्थित एन्फा कम्प्लेक्समा भएको खेलमा फ्रेन्ड्सले सो नतिजा निकालेको हो।

खेलको पहिलो मिनेटमै गोल गर्दै रफिक अमिनुले फ्रेन्ड्सलाई अग्रता दिलाएका थिए। खेलको दोस्रो हाफमा सातदोबाटोले तीन गोल खाएको हो।

प्रकाश बुढाथोकीले ५५औं मिनेटमा गरेको गोलसँगै फ्रेन्ड्सले अग्रता दोब्बर पारेको थियो। टोरिच जेब्रिनले ८७ औं र ९०औं मिनेटमा गोल गर्दै फ्रेन्ड्सका लागि ०–४ को जित सुनिश्चित गरे।

जितसँगै २१ खेलबाट २४ अंक जोडेको फ्रेन्ड्स १२औं स्थानमा उक्लिएको छ। समान खेलबाट २९ अंक जोडेर पाँचौं स्थानमा छ।