सुनचाँदीको मूल्य बढ्यो

काठमाडौँ। आज नेपाली बजारमा सुनको मूल्य प्रतितोला ८०० रुपैयाँले बढेर कारोबार भएको छ।

आज छापावाल सुन प्रतितोला १ लाख १३ हजार ५०० रुपैयाँमा कारोबार भएको हो। तेजाबी सुनको मूल्य पनि प्रतितोला ८०० रुपैयाँले बढेर १ लाख १२ हजार ९५० रुपैयाँमा रकोबार भइरहेको छ।

यही साउन ४ गते सुन प्रतितोला १ लाख १३ हजार ६०० रुपैयाँमा कारोबार भएको थियो।

नेपाल सुनचाँदी व्यवसायी महासंघका अनुसार आज चाँदीको मूल्य तोलामा २५ रुपैयाँ बढेर कारोबार भएको छ। चाँदी प्रतितोला १ हजार ४९० रुपैयाँमा कारोबार भएको हो।