ललिता निवासको जग्गा प्रकरणका दुई आरोपित रिहा

काठमाडौँ। ललिता निवास जग्गा प्रकरणमा पक्राउ परेका दुई जनालाई नेपाल प्रहरीको केन्द्रीय अनुसन्धान ब्युरो (सीआईबी)ले थुनामुक्त गरेको छ। पक्राउ गरेका समरजंग कम्पनीका तत्कालीन प्रमुख रमेशकुमार पोखरेल र सिद्धिका खेतानलाई प्रहरीले छोडिदिएको हो।

पोखरेललाई स्वास्थ्यको कारण देखाउँदै जिल्ला अदालत काठमाडौँले हाजिर जमानीमा छाड्न आदेश दिएपछि छोडिएको सीआईबी प्रवक्ता प्रहरी वरिष्ठ उपरीक्षक दिनेशकुमार आचार्यले जानकारी दिए।

खेतानले भने आफ्नो नाममा भएको करिब ७ आना जग्गा फिर्ता गर्ने बताएपछि छाडिएको आचार्यले बताएका छन्।

पोखरेल र खेतान छुटेसँगै ललिता निवासको जग्गा प्रकरणमा अब २० जना हिरासतमा छन्।