एक महिलाको शव फेला

रुकुमपश्चिम । रुकुमपश्चिमको मुसिकोट नगरपालिका–१ सल्लेमा एक महिलाको शव फेला परेको छ । स्थानीय ५२ वर्षीया हस्तकली बुढाथोकीको आफ्नै घरमा शव भेटिएको हो ।

बुढाथोकीको मृत्यु केही दिन अगाडि नै भएको हुनसक्ने प्रहरीको आशङ्का रहेको छ । जिल्ला प्रहरी कार्यालयका प्रहरी नायब उपरीक्षक (डिएसपी) नमराज भट्टराईका अनुसार बुढोथोकी घरमा एक्लै बस्दै आएका थिए ।

शुक्रबार राति नेपालगञ्जबाट आएकी उनकी भदैनीको फोन नउठेपछि स्थानीयलाई सोधपुछ गरेको र शंकास्पद लागेर उनी सुत्ने कोठाको ताला फोड्दा कोठा भित्रै मृत अवस्थामा भेटिएको डिएसपी भट्टराईले जानकारी दिए ।