सलमान खानलाई धम्की दिने व्यक्तिलाई प्रहरीद्वारा लुकआउट नोटिस जारी

एजेन्सी । केही दिनयता सलमान खानलाई धम्की आइरहेको छ । हालै एक नाबालिग उक्त केशमा पक्राउ परे पनि प्रहरीले धम्की दिने व्यक्तिलाई भने लामो समयदेखि खोजीमा छन् ।

हाल प्रहरीले उक्त व्यक्तिविरुद्ध लुक आउट नोटिस जारी गरेको छ । ती संदिग्ध अभियुक्त हरियाणाका बासिन्दा भएको र बेलायतमा मेडिसिन पढिरहेको मिडिया रिपोर्टमा उल्लेख छ ।

जानकारीका अनुसार ती आरोपीले मार्च महिनामा सलमानका नजिकका साथीलाई गोल्डी ब्रारको नाममा धम्कीपूर्ण इमेल पठाएर सलमान खानलाई मार्ने धम्की दिएका थिए ।

उक्त इमेलपछि सलमानका साथीले प्रहरीमा उजुरी दिएका थिए ।

त्यसयता प्रहरीले उक्त व्यक्तिको खोजी गरिरहेको छ । तर, हालसम्म प्रहरीले उक्त व्यक्तिको जानकारी पाउन सकेको छैन । जसका कारण प्रहरीले आरोपीविरुद्ध लुकआउट नोटिस जारी गरेको हो ।