ट्रम्प समर्थकले राष्ट्रपति बाइडेनलाई मार्ने धम्की दिएका थिए, एफबीआई कारबाहीमा मारिए

एजेन्सी । अमेरिकी राष्ट्रपति जो बाइडेनलाई धम्की दिने व्यक्ति एफबीआईको कारबाहीमा मारिएका छन् । एफबिआईको कारबाहीमा मारिने व्यक्ति उटाहाको रहेको बताइएको छ । राष्ट्रपति जो बाइडेन पनि उटाहको एक कार्यक्रममा जाने तयारीमा थिए। त्यसको केही घण्टाअघि एफबीआईले अभियुक्तको लुकेको ठाउँमा छापा मारेको थियो।

एफबीआईले अभियुक्तको मृत्यु भएको पुष्टि गरेको हो ।

एफबीआईका विशेष एजेन्टहरूले अभियुक्तलाई पक्रन प्रयास गरे तर अभियुक्तले अपनाएको आक्रामक मनोवृत्तिको कारण कारबाहीमा मारिए।

सुरक्षा निकायले अभियुक्तको परिचय भने खुलाएको छैन । तर, मिडिया रिपोर्टका अनुसार उटाहको संघीय अभियोजकले दायर गरेको उजुरीमा आरोपीको नाम क्रेग रोबर्टसन रहेको उल्लेख गरिएको छ ।