आगामी २ वर्षभित्र नेपाल पूर्णरुपमा विद्युतीकरण हुन्छः कुलमान घिसिङ

काठमाडौँ। नेपाल विद्युत प्राधिकरणका प्रबन्ध निर्देशक कुलमान घिसिङले आगामी २ वर्षभित्र नेपाल पूर्णरुपमा विद्युतीकरण हुने बताएका छन्। बिहीबार आयोजित पत्रकार सम्मेलनमा बोल्दै घिसिङले यस्तो बताएका हुन्।

सरकारले लिएको लक्ष्यअनुसार नेपाल पूर्ण विद्युतीकरण हुने उनको भनाई छ। ‘सरकारको लक्ष्यअनुसार आगामी २ वर्षभित्र पूर्ण विद्युतीकरणका सबै योजना अघि बढेका छन्,’ घिसिङले भने।

यस्तै, २ वर्षअघि प्रतिव्यक्ति विद्युत खपत २३५ युनिट प्रतिव्यक्ति भएकोमा अहिले बढेर २८० युनिट प्रतिव्यक्ति पुगेको उनको भनाई छ।

यस्तै, विगत २ वर्षमा उद्योगले मागेजति बिजुली दिएको घिसिङले जानकारी दिए।