काठमाडौँ महानगरले भदौ १ देखि नियमित बजार अनुगमन गर्ने

काठमाडौँ। काठमाडौँ महानगरपालिकाले आगामी भदौ १ देखि नियमित रुपमा बजार अनुगमन गर्ने भएको छ।

उपप्रमुख नेतृत्वको अनुगमन समितिले साउनभित्र अनुगमनको सूचक तयार पार्ने, सूचना र विवरण संकलन गर्ने तगा कामको खाका तयार पारेर भदौदेखि अनुगमन गर्ने तयारी गरेको हो।

अनुगमनको कार्यविधि बनाउन गठन भएको कार्यदलले काम गरिरहेको बताइएको छ। चाडवाडहरु नजिकिंदै गर्दा महानगरपालिकाले बजार अनुगमनलाई व्यवस्थित रुपमा परिचालन गर्ने तयारी गरेको हो।

महानगरपालिकाले यस वर्षको बजेटैमै ‘स्वच्छ भान्छा’ कार्यक्रम अन्तर्गत बजार अनुगमनलगायतका कामका लागि तीन करोड ५० लाख विनियोजन गरेको छ।