तस्करी गरिएको सुनको तौल ६० किलो ७१६ ग्राम!

काठमाडौँ। त्रिभुवन अन्तर्राष्ट्रिय विमानस्थल भन्सार कार्यालय बाहिर बरामद भएको सुनको तौल सार्वजनिक भएको छ। ब्रेक शुमा राखेर तस्करी गरिएको सुन गालेर जोख्दा ६० किलो ७१६ ग्राम भएको हो।

सीआईबी, राजस्व, नेपाल राष्ट्र बैंक र टक्सार कार्यालयका प्रतिनिधिको रोहबरमा सुन गालेर जोखिएको थियो।

नेपाल राष्ट्र बैंकको टक्सार महाशाखाका प्रमुख थानेश्वर आचार्यका अनुसार ब्रेक शुबाट छुट्टयाएको सुन गालेर जोख्दा ६० किलो ७१६ ग्राम भएको हो। गाल्नुअघि यो सुन ६० किलो ७८९ ग्राम थियो। गाल्दा खेरि सुन ७३ ग्राम घटेको छ।

साउन ३ गते सिनामंगलबाट सुन सहितको १५५ किलो ‘ब्रेक शु’ बरामद गरेको थियो। सो समयमा सुनको तौल करिब क्विन्टल भनिएको थियो।