युवराज सफलमाथि कुटपिट

काठमाडौँ । अधिवक्ता युवराज सफलमाथि कुटपिट भएको छ । काठमाडौंको नयाँ बानेश्वरमा सोम शर्मा र विप्लव खड्का लगायतको समूहले सफलमाथि कुटपिट गरेको हो ।

स्वतन्त्र नागरिक आन्दोलनद्वारा आयोजित प्रदर्शनमा सहभागी खड्का लगायतको समूहले नागरिकता विधेयकको विरोधमा भइरहेको आन्दोलनमा सहभागी बनेको सफललाई जिस्काएका थिए । खड्काको समूहले आफूलाई जिस्काएपछि सफल आक्रोशित बनेका थिए ।

आक्रोशित भिडले सफलमाथि आक्रमण गरेको हो । अहिले खड्का लगायत केहीलाई प्रहरीले नियन्त्रणमा लिएको छ ।

पछिल्लो समय रवि लामिछानेविरुद्ध सर्वोच्च मुद्दा हालेका कारण सफल सामाजिक सञ्जालमा चर्चामा रहेका छन् ।