अध्यक्षता गर्ने सांसदको मत प्रयोग गरेर कोशीका मुख्यमन्त्रीले पाए विश्वासको मत

विराटनगर । कोशीका मुख्यमन्त्री उद्वव थापाले सोमबार विश्वासको मत पाएका छन् ।

प्रदेश सभाको अध्यक्षता गर्ने सांसद इस्राइल मन्सुरी समेतको मतबाट उनले विश्वासको मत पाएका हुन् ।

उपसभामुख सिर्जना दनुवारले बैठकको अध्यक्षता गर्ने दिन विरामी भएको सूचना दिएर बैठक सञ्चालनका लागि मन्सुरीलाई अधिकार प्रत्यायोजन गरेकी थिइन् ।

उपस्थित ७७ जना रहेकोमा थापाको पक्षमा ४७ र विपक्षमा ३० मत पर्यो । यस्तै, १६ सांसद अनुपस्थित रहे ।