सुनचाँदीको मूल्य बढ्यो

काठमाडौँ। आज नेपाली बजारमा सुनचाँदीको मूल्य बढेर कारोबार भएको छ। यसअघि, लगातार तीन कारोबार दिन सुनचाँदीको मूल्य स्थिर थियो।

नेपाल सुनचाँदी व्यवसायी महासंघका अनुसार आज सुनको मूल्य तोलामा २०० रुपैयाँले बढेको छ। चाँदीको मूल्य तोलामा २५ रुपैयाँले बढेर कारोबार भएको छ।

आज छापावाल सुन प्रतितोला एक लाख १० हजार ५०० रुपैयाँमा कारोबार भएको छ। सोमबार छापावाल सुन प्रतितोला एक लाख १० हजार ३०० रुपैयाँमा कारोबार भएको थियो। तेजाबी सुन प्रतितोला एक लाख नौ हजार ९५० रुपैयाँमा कारोबार भएको छ।

चाँदी प्रतितोला एक हजार ४१५ रुपैयाँमा कारोबार भएको छ। सोमबार चाँदी प्रतितोला एक हजार ३९० रुपैयाँमा कारोबार भएको थियो।