१७ वर्षीया नाबालिग बलात्कार गरेको आरोपमा ५२ वर्षीय भण्डारी पक्राउ

काठमाडौँ। भक्तपुरमा नाबालिगको बलात्कार गरेको आरोपमा एकजना पक्राउ परेका छन्।

पक्राउ पर्नेमा इलामको इलाम नगरपालिका–९ का ५२ वर्षीय सूर्यबहादुर भण्डारी छन्। भण्डारीले १७ वर्षीया किशोरीको बलात्कार गरेको आरोप लागेको हो।

भण्डारीलाई सोमबार साँझ प्रहरीले नियन्त्रणमा लिएको हो।

काठमाडौँको नरेफाँटमा बस्दै आएका भण्डारीले गत आइतबार दिउँसो भक्तपुरको सूर्यविनायक नगरपालिका–९, पलासेस्थित रिसोर्टमा भण्डारीले ती किशोरीको बलात्कार गरेको आरोप छ। सो उजुरीपछि जिल्ला प्रहरी परिसर भक्तपुरबाट खटिएको टोलीले उनलाई पक्राउ गरेको हो।

घटनाका सम्बन्धमा थप अनुसन्धान गरिरहेको छ।