प्रिमियर लिग: यस सिजनको अन्तिम खेलहरु आज हुँदै

एजेन्सी । आज प्रिमियर लिगमा विशेष १० खेलहरु हुँदैछन् । यस सिजनको अन्तिम खेलहरु आज हुँदैछन् । यस सिजनको प्रिमियर लिगको उपाधि म्यानचेस्टर सिटीले जितिसकेको छ ।

त्यस्तै शिर्ष चारमा आर्सनल, म्यानचेस्टर युनाइटेड र न्युक्यासल युनाइटेड परेका छन् ।

लिभरपुलले यस सिजन अपेक्षा अनुसार खेल्न सकेन । खेलाडी घाइते भएका कारण पनि टिम सेट हुन नसकेको प्रशिक्षक उर्गेन क्लपले बताएका थिए । लिभरपुलले आउने सिजन युरोपा लिग खेल्नेछ ।

आज प्रिमियर लिगमा विशेष कुन दुई टिम रेलिगेट हुने हुन् त्यो निकै चासोको साथ हेरिएको छ । इभर्टन, लेस्टर सिटी, लिड्स युनाइटेडमध्ये दुई टिम रेलिगेट हुनेछन् । साउथह्याम्टन यसअघि रेलिगेट भइसकेको छ ।