वीर अस्पतालको छैटौं तलाबाट हाम फालेर एक पुरुषको मृत्यु

काठमाडौँ। वीर अस्पतालको छैटौं तलाबाट हाम फालेर एक पुरुषको मृत्यु भएको छ। अस्पतालको सर्जिकल भवनको तलाबाट हाम फालेका अन्दाजी ४० वर्षका पुरुषको मृत्यु भएको हो।

अस्पतालका सूचना अधिकारी सागर मिश्रका अनुसार घटना आज बिहान करिब २–३ बजेतिरको हो।

उनी बिरामीको आफन्त हुँ भन्दै अस्पतालभित्र प्रवेश गरेका थिए। त्यसपछि उनी माथि तलामा गएर हाम फालेका थिए।

मृतकको परिचय खुलेको छैन। घटनाबारे प्रहरीले थप अनुसन्धान गरिरहेको छ।