एजेन्सी । युक्रेन र रुसबीचको युद्धले विनाशबाहेक केही देखाएको छैन। यसैबीच सन् २०२२ मा युक्रेनमा भएको क्लस्टर बम विस्फोटमा ९०० भन्दा बढी मानिसको ज्यान गएको बताइएको छ ।
क्लस्टर हतियारमाथि प्रतिबन्ध लगाउन आह्वान गर्ने गैरसरकारी संस्थाको सञ्जाल क्लस्टर मुनिसन कोएलिसनले यति धेरै मानिसको मृत्युका कारण विश्वव्यापी रूपमा नयाँ कीर्तिमान कायम भएको जनाएको छ ।
रुसले गत वर्ष फेब्रुअरीमा युक्रेनमा आक्रमण गरेदेखि नै पुरानो क्लस्टर हतियार र नयाँ विकसित हतियारहरू ठूलो मात्रामा प्रयोग गरेको छ।
युक्रेनी सेनाले पनि केहि हदसम्म त्यस्ता हतियारहरू प्रयोग गरेको छ मिडिया रिपोर्टमा उल्लेख छ ।
युक्रेनमा धेरै वर्षदेखि क्लस्टर बमबाट कसैको मृत्यु भएको छैन, तर गत वर्ष ९१६ जनाको मृत्यु भएको थियो।
योसँगै सयौं घाइते भएका छन् । तीमध्ये अधिकांश आम नागरिक रहेको बताइएको छ ।
