भोलिका लागि बोलाइएको राष्ट्रियसभा बैठक अनिश्चितकालका लागि स्थगित

काठमाडौँ। भोलि शनिबारका लागि बोलाइएको राष्ट्रियसभाको बैठक सूचना जारी गरेर स्थगित भएको छ। अर्को सूचना नभएसम्मका लागि बैठक स्थगित भएको हो।

विजनेस नभएपछि बैठक अनिश्चितकालका लागि स्थगित गरिएको हो। राष्ट्रियसभामा अहिले जम्मा ३ वटा विधेयक छन्।

अध्यागमन विधेयक विधायन व्यवस्थापन समितिमा दफावार छलफल गरी प्रतिवेदन पेस भैसकेको छ। सो विधेयकमाथि गृहमन्त्रीले अध्ययन गर्न समय मागेका छन्।

विद्युतीय कारोबारसम्बन्धी विधेयक र राष्ट्रिय मर्यादासम्बन्धी विधेयक समितिमा दफावार छलफलमा रहेका छन्। राष्ट्रियसभाबाट प्रतिनिधिसभामा गएका ८ वटा विधेयक फिर्ता आएका छैनन्।