काठमाडौँ । नेपाली काँग्रेसका नेता डा. शेखर कोइराला अब कुनै कार्यकतालाई अन्याय नुहने बताएका छन् ।
काँग्रेस चितवनले आयोजना गरेको जिल्ला भेलालाई सम्वोधन गर्दै उनले उक्त धारणा व्यक्त गरेका हुन् ।
उनले भने,“कुनै कार्यकर्तालाई अव अन्याय हुन दिन्न, यो मेरो बाचा भयो” उनले भने, “कार्यकर्ताहरुले पनि आफ्नो जिम्मेवारी पूरा गर्नुपर्छ ।” उनले पार्टीमा अब माथिल्लो तहवाट निर्देशन नभई तल्लो तहका कुरा सुनेर कार्यान्वनमा जानुपर्ने धारणा राखे ।
“माथिवाट निर्देशन गर्ने परिपाटी अन्त हुनुपर्छ । अब सभापतिले निर्देशन गर्ने हैन, काँग्रेसका क्षेत्रीय प्रतिनिधिहरुले बनाएको योजनाअनुसार पार्टी अघि वढाउनुपर्छ” उनले भने ।
नेता वीपी कोइराला, गणेशमान सिंह, सुवर्णशमसेर लगायतका नेताले जन्माएको पार्टीलाई अझ बलियो र शसक्त वनाउने जिम्मेवारी काँग्रेस कार्यकर्ताको भएको उनले बताए ।
कार्यक्रममा काँगेसका केन्द्रीय सदस्य टेकप्रसाद गुरुङ, युवा नेता गुरुराज घिमिरे, पूर्वमन्त्री उमा रेग्मी, नेता जीतनारायण श्रेष्ठ, कृष्णलाल सापकोटा लगायतका वक्ताहरुले बोलेका थिए ।
