सुनचाँदीको मूल्य घट्यो

काठमाडौँ। आज नेपाली बजारमा सुनचाँदीको मूल्य घटेको छ। आज सुनको मूल्य तोलामा २०० रुपैयाँले घटेर तोलामा एक लाख १२ हजार ८०० रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ।

यस्तै, तेजाबी सुन तोलामा एक लाख १२ हजार २५० रुपैयाँमा कारोबार भइरहेको छ। यस्तैगरी, चाँदीको मूल्य तोलामा पाँच रुपैयाँले घटेको छ। चाँदी तोलामा एक हजार ४०५ रुपैयाँमा कारोबार भइरहेको महासङ्घले जनाएको छ।