फिफा वरीयतामा नेपाल यथावत्

काठमाडौँ। फिफा वरीयतामा नेपाली राष्ट्रिय फुटबल टिम यथावत् छ। विश्व फुटबलको सर्वोच्च निकाय फिफाले बिहीबार अद्यावधिक गरेको नयाँ वरीयताअनुसार नेपाल १७५औँ स्थानमा यथावत् रहेको हो।

नेपालले सेप्टेम्बरको दोस्रो साता म्यानमारसँग दुई अन्तर्राष्ट्रिय मैत्रीपूर्ण फुटबल खेलेको थियो । पहिलो खेलमा नेपालले घरेलु टिमलाई गोलरहित बराबरीमा रोकेको थियो। नेपालले दोस्रो खेलमा भने १–० को हार व्यहोरेको थियो।

वरीयताको शीर्ष स्थानमा विश्वकप विजेता अर्जेन्टिना यथावत् छ। दोस्रोमा फ्रान्स, तेस्रोमा ब्राजिल, चौथोमा इंग्ल्यान्ड र पाँचौँ स्थानमा बेल्जियम छ। भारत वरीयताको १०२औँ स्थानमा छ।