कोशीमा अस्थिरता निम्त्याउने काम गठबन्धनबाट भयोः केपी ओली

विराटनगर। नेकपा एमालेका अध्यक्ष केपी शर्मा ओलीले कोशी प्रदेशमा अस्थिरता निम्त्याउने काम गठबन्धनबाट भएको टिप्पणी गरेका छन्। शुक्रबार कोशी प्रदेशको प्रथम अधिवेशन उद्घाटन कार्यक्रममा पुगेका ओलीले यस्तो टिप्पणी गरेका हुन्।

कोशीमा अहिले मध्यावधिमा जाने अवस्था नभएको उनको भनाइ छ। ‘तत्काल कोशी प्रदेश मध्यावधिमा जान्छ कि भन्ने आशंका भइरहेका छन्। तत्काल मध्यावधिमा जान सक्ने अवस्था रहँदैन,’ ओलीले भने।

गठबन्धन सरकार जनताप्रति उत्तरदायी नभएको र सबै क्षेत्रमा अस्थिरता बढ्दै गएको बताएका हुन्। यदि गठबन्धन दलका कारण मध्यावधिमा गएको अवस्थामा एमालेले कोशी प्रदेशमा भारी बहुमत ल्याउने उनको दाबी छ।