काठमाडौँ । प्रधानमन्त्री पुष्पकमल दाहाल ‘प्रचण्ड’ले आफ्नो भ्रमणले नेपाल र चीन बीच विश्वासको वातावरणलाई थप सुदृढ गर्दै दुवै मुलुकबीच रही आएको ऐतिहासिक सम्बन्धलाई थप प्रगाढ बनाउन महत्त्वपूर्ण भूमिका खेलेको बताएका छन् ।
चीनको औपचारिक भ्रमण पूरा गरी शनिबार स्वदेश फर्किएका प्रधानमन्त्री प्रचण्डले अन्तर्राष्ट्रिय विमानस्थलमा सञ्चारकर्मीहरुसँग संवाद गर्दै भ्रमणबारे जानकारी दिएका हुन् ।
प्रधानमन्त्रीले भ्रमणका दौरान चिनियाँ राष्ट्रपति र प्रधानमन्त्रीसँग भएको छलफलबाट नेपाल–चीन सम्बन्धलाई थप उचाइ दिन मद्दत पुगेको बताए ।
प्रधानमन्त्री प्रचण्डले चीनका राष्ट्रपति सि जिनफिङले गरेको भ्रमणपछि नेपालबाट गरिएको यो पहिलो उच्चस्तरीय भ्रमण भएको बताए ।
कोभिड–१९ महामारीका कारण लामो समयदेखि उच्चस्तरमा भ्रमणहरु नभएरहेको सम्दर्भमा आफ्नो भ्रमणले दुई देशका बिचमा प्रगाढ सम्बन्ध निर्माण गर्न मद्दत पुगेको आफूले विश्वास लिएको बताए ।
यसैगरी, प्रधानमन्त्री प्रचण्डले कोरोना महामारी सुरु हुनुभन्दा अगाडि सञ्चालनमा रहेका नेपाल र चीनबीचका सबै नाका खोल्ने सहमति भएको पनि जानकारी दिए ।
यस्तो छ प्रधानमन्त्रीको वक्तव्य
