काठमाडौँ। प्रधानमन्त्री पुष्पकमल दाहाल प्रचण्डले स्वचलित मूल्य प्रणाली अर्थात् ‘अटोमेसन’ भनेको आयल निगमको एकाधिकार नभएको बताएका छन्। आइतबार प्रतिनिधिसभा बैठकमा बोल्दै उनले यस्तो बताएका हुन्।
बैठकलाई सम्बोधन गर्दै प्रधानमन्त्री प्रचण्डले आफ्नो जानकारीबेगर पेट्रोलियम पदार्थको मूल्य आयल निगमले बढाएको बताए। उनले आफूले बिहानै फिर्ता गर्न निर्देशन दिएको र सोहीअनुसार मूल्यवृद्धि पुरानै मूल्यमा यथावत् राखिएको पनि सदनलाई जानकारी दिए।
‘केही महिना अगाडि विस्तारै पहिलेको ऋण चुक्ता गरेर नाफमा गएको अवस्थामा यसैबेला अटोमेसनमा जाने कुरा भएको थियो। तर, अहिलेको जनताको भावना र आवश्यकताविपरीत मूल्य बढ्यो,’ प्रधानमन्त्रीले भने, ‘अटोमेसन भनेको आयल निगमको स्वतन्त्रता हैन। अहिलेको परिस्थितिमा फिर्ता लिएको छ।’
उनले सुन छानबिन प्रकरणमा उच्चस्तरीय छानबिन अयोग निर्माण गरिएको पनि बैठकमा जानकारी गराए।
