दुई रात लगातार ड्रोन हमलापछि रुसद्वारा किभलाई लक्षित गरी मिसाइल प्रहार

एजेन्सी । रुस र युक्रेनबीचको युद्ध खतरनाक बन्दै गएको छ । रुसले युक्रेनको राजधानीमा लगातार आक्रमण गर्दै आएको छ ।

राजधानी कीभमा लगातार ड्रोन आक्रमण गरेपछि रुसी मिसाइलले युक्रेनको राजधानी किभमा आक्रमण गरेको छ ।

मिडिया रिपोर्टका अनुसार सबै मिसाइलहरू खसालिएको र कुनै हताहतीको रिपोर्ट आएको छैन।

मध्य किभको आवासीय क्षेत्रहरूमा ठुलो क्षति पुगेको बताइएको छ ।

रुसले यो महिना युक्रेनको राजधानीमा १६ वटा हवाई आक्रमण गरेको छ । रिपोर्टका अनुसार पछिल्लो आक्रमण दिनको समयमा भएको थियो ।

मे महिनामा राजधानीमा भएका अन्य सबै हवाई आक्रमणहरू रातमा भएका छन् र शहरको बाहिरी भागमा महत्त्वपूर्ण राष्ट्रिय पूर्वाधार र हवाई सुरक्षालाई लक्षित गरेका छन्।