विश्वकप छनोटमा लाओसविरूद्ध खेल्ने नेपाली टिम घोषणा

काठमाडौँ। लाओसविरुद्धको खेलको लागि नेपाली फुटबल टिमको घोषणा भएको छ। फिफा विश्वकप फुटबल छनोट खेलका लागि मुख्य प्रशिक्षक भिन्सेन्जो अल्बर्टो एनेसेले अन्तिम टोली घोषणा गरेका हुन्।

आज आयोजित पत्रकार सम्मेलनमा प्रशिक्षक एनेसेले यो खेल आफ्ना लागि पनि अवसर भएको बताए। उनले आफ्नो तर्फबाट जितको लागि शत प्रतिशत प्रयास गर्ने बताएका छन्।

त्यस्तै, राष्ट्रिय टिमका कप्तान किरण चेम्जोङले पनि नतिजा राम्रो आउने विश्वास व्यक्त गरे। उनले दशरथ रंगशालामा हुने खेललाई भव्य बनाउन दर्शकहरुसँग आग्रह पनि गरेकाछन्।

नेपालले बिहीबार साँझ ५ः३० बजे लाओससँग दशरथ रंगशालामा पहिलो चरणको पहिलो लेग खेल्नेछ। दोस्रो लेग आगामी साता लाओसमा हुनेछ। दुई लेगमा उत्कृष्ट रहने टिम दोस्रो चरणमा पुग्नेछ।

नेपाली टिम

• गोलकिपरः किरणकुमार लिम्बु, दीप कार्की, अभिषेक बराल
• डिफेन्डरः सनिश श्रेष्ठ, अनन्त तामाङ, आशिष गुरुङ, रोहित चन्द, अन्जन राई, अमृत श्रेष्ठ, एरिक विष्ट
• मिडफिल्डरः सुदीप गुरुङ, लकेन लिम्बु, आवास लामिछाने, उत्सव राई, कृतिश रत्न छिन्जु, मनिष डाँगी, आशिष चौधरी
• फरवार्डः अन्जन विष्ट, आयुष घलान, जिलेस्पी जंग कार्की, दिनेश हेन्जन, हिसुब थपलिया, सञ्जीव विष्ट